By Cristiana Ximenes Belo
Tuir observasaun ne’ebé halo husi Journalista Radio Rakambia Iha eleisaun Parlamentar sidadaun na’in hat (4) feto 2 mane 2 la konsege ezerse sira nia direitu dé votus tamba lahatene oras taka sentru dé votasaun no mos fila husi munisípiu tarde. Aktu refere akontese iha sentru votasaun eskola 30 dé Agousto. (21/05/2023).
Iha biban ida neé, Journalista Radio Rakambia konsege dada lia ho sidadaun feto ida husi suku Komoro, Aldéia 4 dé Setembru Posto Dom. Aleixo, Munisipiu Dili, ne’ebé lakon votus iha eleisaun parlamentár.
Sidadaun, Ana Rozalia hateten.“Ha’u nu’udar sidadaun timor oan triste tebes tanba, lakon Ha’u nia votus. Ha’u hanoin vota nafatin hanesan uluk iha elisaun presidensial, tamba ne’e mai atu tuir votasaun soke mai too iha ne’e taka ona, la’ós Ha’u lakohi mai tuir vota ne’e lae, tamba hein Ha’u nia oan moras baixa hela iha hospital. Pois tempu hotu, hein labarik sira fila husi votasaun, hein fali oan moras mak Ha’u mai fali vota.”
Aleinde neé, STAE mós fó oportunidade ba Votantes hirak ne’ebé mai hein ema moras iha Hospital Guido Valadares. Maski nune’e Ana Rozalia la hetan oportunidade ida neé.
“ Ohin ema vota iha ospitál, Ha’u husu mana ho maun sira ami bele vota ga lae, maibe sira dehan labele tamba ami mai tangal 18 labele. Ida nee ba sira neebe mai dia 1 no 10 mak bele vota. Ha’u dehan ba sira namdigas moras nee labele hatene dehan mai iha tangal 1 mai iha tangal hira nee ita labele hatene maibe tanba saida mak ami iha tiha ospitál nee ami labele vota. Ami lakon ami nia votus.
STAE sira marka tempu ida hanesan ne’e, ema balun bele lakon votus, tanba kadavés nia ba iha distritu fila mai duni tempu atu vota. Soke too iha ne’e sira labele tuir ona. Ita la tuir votasaun sente triste tebes tanba ita nu’udar sidadaun timor oan mak ita la tuir votasaun.”
Menus Akompaña informasaun liu husi Media
“ Hau la hetan informasaun kona-ba oras taka iha sentru de votasaun. Ami nunka asisti informasaun liu husi media sira tamba Radio la iha, iha mak telivizaun maibe labarik sira nontong ne’ebé ami ladún hatene informasaun.
Ha’u sujere ba STAE karik bele muda fali sistema ida hanesan ne’e, para ita labele hatuun ita nia votus tan hanesan foin daudauk ne’e, la’ós Ha’u mesak maibé ema barak lakon nia votus, tamba oras votasaun taka sedu. STAE sira mós bele fahe informasaun hodi buka maneira oin sá komunidade sira, timor oan hotu bele hatene katak data ho oras sira ba iha votasaun.” Katak Ana
Iha tempu neeba alin mane Juventude ida la konsege tuir votasaun tamba fila tarde husi munisípiu.
Juventude, Aires Freitas suku Madohi, hateten.” Nuudar sidadaun sente triste lakon votus ida. tanba ohin lori família sira ba iha Munisipiu fila mai mak tarde tiha.
Husu ba ukun nain sira, husi tinan ida ne’e ba oin presiza hadi’a Airoportu, Estrada no eskola sira iha Timor laran tomak. No kria kampu dé traballu ba joven sira para labele halo problema.”
Discussion about this post