Reportajen : Meke Magno Nazaria
Timor -Leste tama ona iha loron selebrasaun ba festa demokrasia eleisaun parlamentár 2023, ne’ebé monu iha loron 21 dé Maiu 2023 Lao ho dame no pasifiku alende ne’e Prosesu Eleisaun Parlamentar Iha Sentru Votasaun Finantil La’o Ho Di’ak.
Iha biban ida ne’e sidadaun hotu hotu ne’ebe otas to’o ona , antoziasmu ezerse sira nia direitu de votus. Iha oportunidade atu partisipa ba iha festa demokrasia tinan ida ne’e.
Povu ida idak ba ezerse sira nia direitu de votus iha kada sentru votasaun ne’ebe mak CNE ho STAE oferese ona iha kada postu , suku, no aldeia iha munisipìu sanulu resin tolu (13) inklui RAEOA.
Prosesu Votasaun iha sentru votasaun finantil ,Aimutin -Dili la’o ho di’ak no tuir regras ne’ebe iha, povu ida idak mai ho nia konsiènsia hodi hili no vota ba kandidatu partidus politìku sanulu resin hitu (17)
Entertantu Fiskais sentru votasaun finantil Aimutin Dili , Corrnelius de Jejus Carvalo informa katak , prosesu votasaun iha sentru finantil la’o ho normal no di’ak.
Tuir Fiskais sentru votasaun finantil Aimutin -Dili ,Corrnelius de Jejus Carvalo hateten ” votasaun lao normal , ho di’ak, laiha influensia husi partidu ida ba partidu ida, maske iha ne’e partisipanse mai husi kor oin oin, ha’u sai fiskais ba dala tolu ona iha sentru ida ne’e.“
Corrnelius hateten kompara ho sistema eleisaun presidensial iha tinan kotuk ho eleisaun parlamentar agora, prosesu eleisaun iha sentru votasaun tinan ida ne’e di’ak liu tanba Sentru votasaun fahe ba tolu nulu resin tolu ( 33).
Corrnelius hatutan.” Kompara ho eleisaun parlamentar ho eleisaun presidensial tinan kotuk iha diferensia tanba fatin votasaun fahe tiha ba tolu nulu resin tolu (33) sentru votasaun, ne’ebe ha’u sente tinan ida ne’e di’ak liu, kompara ho tinan kotuk ladun di’ak tanba iha momentu ne’eba iha sentru votasaun ualu (8) de’it, ne’ebe afeita ba ami fiskais, ema nakonu ami tenke halai buka fatin tur, ajuda lori ema defisiénsia ho inan isin rua ,ami tenke ajuda sira para bele vota lalais.”
Iha sentru votasaun , Fiskais sira tau prioridade ba ema ho defisièsia no inan isin rua hodi sira bele ezerse sira nia direitu de votus ho seguru.
“ Ba ema defisiénsia sira mak vota primeiru, ami tenke tau prioridade liu ba sira, sira mak tenke uluk tanba sira labele se’e loro manas no laiha fatin seguru ba sira, entaun sira mak tenke vota sedu,kompara ba partisipanse eleitorès eleisaun parlamentar ho presidensial, barak liu ,kompara ho ne’e menus oituan.” katak nia.
Enkuantu biban ida ne’e Carvalo hato’o hela nia mensajem ba partidus politìku ne’ebe mak lori governasaun foun.
” Ha’u atu dehan de’it ba partidus hotu hotu ita la’òs inimigu, ita ida de’it , ukun nasaun ho di’ak ba, se de’it labele influensia politìk ida ba politìk ida. Ita ida de’it hodi la’o hamutuk ba oin. “
Tuir Vontantes,povu babain. Salada da Costa Belo hateten , nuda’ar sidadaun Timor-Leste nia sente kontente tanba bele kumpri ona nia direitu de votus hodi hili partidus politìka ne’ebe mak nia tau konfiansa.
” Iha eleisaun ida ne’e ha’u sente kontente tebes tebes tanba nuda’ar sidadaun ida ha’u tenke kumpri ha’u nia direitu hodi hili se de’it mak bele ukun nasaun ida ne’e , no iha votasaun ida ne’e ha’u hakarak hili tuir ha’u nia konsiènsia tanba tinan lima liu ba iha buat barak mak failansu, tanba ne’e mak agora ne’e ha’u tenke hili ida ne’ebe mak bele hadi’a fali gorvernasaun tuan.” Katak Salada ba iha jornalista Radio Rakambia iha Sentru votasaun Finantil Aimutin- Dili ,loron domingo feira( 21-05-2023).
Enkuantu Salada hatutan nuda’ar jerasaun foun nia sei vota ba partidu jerasaun foun tanba nia iha esperansa katak jerasaun foun mak tenke lori governasaun ida ne’e.
Salada hatutan “ Ha’u nia konfiansa tinan ida ne’e ha’u fò ba kolega sira husi partidu PD, tanba nuda’ar jerasaun foun ida ha’u tenke vota ba ha’u nia maluk jerasaun foun sira. Ha’u urgiolhu tebes ba partidu PD tanba, PD mesak ema ne’ebe matenek no mesak jerasaun foun de’it iha laran. Sira bele halo dezenvolvementu ba nasaun tanba sira mesak jerasaun foun ho idea ne’ebe kualidade, ha’u iha esperansa boot tebes tebes ba governasaun foun no hakarak PD mak sai vitoria iha tinan ida ne’e .” tenik nia.
Lider sira preseiza hamutuk iha ukun, bainhira povu fo ona konfiansa.
Aleinde ne’e vontantes povu babain, Fernando Alves de Fatima hateten .” Povu kiik sente urgiolhu tebes simu festa demokrasia tinan 2023 maìbe, povu mòs hakarak lider tuan sira tenke hamutuk, tau liman ba malu hodi lori nasaun Timor- Leste ba oin.
Vontantes , fernando Alves de Fatima hateten ” Ami povu, ema kiik ,ami kontente simu eleisaun ida ne’e, maìbe ami mòs hakarak imi lider sira hamutuk halo nasaun ne’e ba oin tanba ukun an iha tinan rua nulu resin ida (21) ona maìbe nasaun nunka ba oin, se bele fò tok tempu ba jerasaun foun sira mak ukun tok ba , ita nia katuas sira tur ba hodi observa de’it ona, povu nia hakarak mak ne’e , hakarak maun boot sira hanesan avo nana, avo mari, maun taur , katuas lou olo sira , imi koko fò tok jerasaun foun sira mak ukun tok ba iha tinan 2023 ne’e.“
Enkuantu Fernando hateten ,nia sei fò nia konfiansa votus ba iha partidu kuntho ho razaun kuntho nuda’ar partidu jerasaun foun , kuntho la’os atu hadau kadeira maìbe atu asigura nasaun.
” Ha’u hili partidu kuntho, tanba partidu kuntho iha kadeira barak , maske ema barak kolia dehan sira sai lideransa labele , maìbe realidade bele hetan vise primeiru ministru ho ministra sosìal, segnifika katak feto mòs bele , no ami fiar katak partidu kuntho ba la’òs atu hadau kadeira maìbe asigura ba nasaun.
Ha’u nia esperansa mak ne’e ba oin hakarak ita nia lider katuas sira ne’e hamutuk, kaer liman ba malu para iha 2028 jerasaun foun bele la’o lae ita sei la la’o ba oin.” Katak Fernando ba iha jornalista Radio Rakambia iha Sentru votasaun Finantil Aimutin- Dili , loron domingo feira( 21-05-2023).
Iha biban ida ne’e juventude Josma Bragansa Luiss hateten, Juventude mak futuru ba nasaun, juventude tenke iha konsiènsia atu ezerse nia direitu de votus hodi hili governasaun ne’ebe di’ak ba nasaun nia futuru.
Tuir vontantes Juventude ,Josma Bragansa Luis Amaral de Jejus katak ” Agora dadaun nuda’ar Joven ida , ha’u mai vota ba futuru nasaun nian, ita nuda’ar joven ida tenke iha hanoin ou partriatisme para atu hili lider ida ne’èbe mak di’ak hodi defende ita nia nasaun , tanba ne’e ita joven hotu hotu labele toba de’it iha uma maìbe tenke mai vota hodi ezerse ita nia direitu, atu nune’e bele hili governasaun ne’eb di’ak ba futuru.“
Enkuantu Josma sente kontenti tanba iha tinan ida ne’e nia bele partisipa iha eleisaun hodi ezerse nia direitu de votus ba dahuluk nian.
Josma hatutan ” Ha’u sente kontente tanba bele partisipa ba iha votasaun eleisaun ba 2023 , ha’u agrades tanba tinan ida liu ba ha’u nunka partisipa tanba idade seidauk to’o, iha tinan ida ne’e ha’u foin bele ezerse ha’u nia direitu, ha’u kontenti tanba ha’u mòs bele sente oinsa hili direita ema ne’ebe bele sai lider ba nasaun.“
Nuda’ar Joven Bragansa Amaral iha esperansa ba governasaun foun atu bele loke kampo de trabhallo ba iha juventude sira ne’ebe mak to’o agora sei nafatin halerik ba kampo de trabhallo.
“ Esperansa nuda’ar joven ida, ha’u lori joven nasaun Timor-Leste hakarak hato’o de’it ba se de’it mak ukun governu ne’e , tenke hanoin ba joven sira, hodi loke kampo de trabhallo ba ami joven sira tanba agora ami joven sira halerik hela ba kampo de trabhallo iha ita nia nasaun.” Dehan Bragansa.
Discussion about this post