Reportazen Robelson Cardoso
tuir dadus ne’ebe relata husi Ministriu Saude,ba jornalista sira iha Enkontru media interface ne’ebe hala’o iha city 8 manleu, Tersa Feira (18-01-2022), katak hahu husi tinan 2020 kazu (1451), mate (10), CFR (0.7%), tinan 2021 kazu (901), mate (11),CFR (1.2%),iha tinan 2022 iha fulan Janeiru nia laran,kazu (473), mate (7), CFR (1,5%)
iha tinan 2022,kazu moras dengue hamutuk, atus ha’at hitu nulu resin tolu (473), ne’ebe ho numeru kazu as liu mak husi munisipiu Dili,ho total kazu 331,Ainaru 4, Aileu 1, Baukau 25,Bobonaru 5, Kovalima 17, Ermera 46, Lautem 0, Likisa 3, Manatutu 23, Manufahi 14, Oekuse 0, Vikeke 4.
Ministeriu Saude apela ba komunidade sira nia atensaun, atu Kuidadu ho kazu moras dengue, ne’ebe mak sa’e makas iha teritoriu laran tomak, no Ministeriu Saude husu ba ema hotu atu foti medida preventiva hasoru moras dengue hodi proteje an husi susuk Aedes Aegypti.
iha inkontru media interface ne’e, Xefi Departementu Formasaun Saude, Meskiza Vital ba jornalista sira dehan, Agora dadauk situasaun dengue ne’e sai hanesan, problema ida ne’ebe ke bo’ot ba ita hotu
“Agora dadauk ita tama hela iha surtu COVID-19 nia laran,tamba dengue ne’e la’os buat foun,tinan tinan sempre akontese,tinan ida ne’e mos ita iha sofrementu nia laran, labarik barak mak moras balun to mate
Tam-ba ne’e divulgasaun ba informasaun prevensaun ne’e importante, Ministeriu Saude deit sei labele, ita persija ema hotu nia tulun, para atu bele ajuda dezimina informasaun ida ne’e. tam-ba papel importante atu dezimina informasaun hotu mak, liu husi maluk media sira
papel Jornalista sira nian importante tebes iha prossesu tomak, atu bele hetan konhesimentu ne’ebe klaru
saida los mak dengue? dengue mai husi ne’ebe? nia bele transmiti husi ne’ebe? tamba sa nia bele oho em, ne’e importante tebes, atu ajuda Ministeriu Saude hato’o ba komunidade hotu,katak nia prevensaun lolos ne’e, tamba Ministeriu Saude mesak deit labele halo prevensaun persija ita hotu nia esforsu.
Iha fulan Janeiru, labarik 14 mai kraik kazu mate hamutuk nain 7,
Atu prevene moras dengue,ita uza aimoruk ho naran Abate,aimoruk ne’e ita uza para hamate susuk nia tolun sira ne’e, Ministeriu Saude servisu hamutuk ho ajensia sira, ita koko garante katak aimoruk ne’e iha, hodi fahe ba uma kain hotu hotu, no mos atu bele eduka oinsa para atu bele uza no halo prevensaun
Importante liu ba dengue ne’e mak hadomi ita nia an,no prevene ita nia an rasik, ida ne’e mak importante liu
Iha biban ida hakarak hato’o ba komunidade sira hotu katak, labale halimar ho moras dengue, moras ida ne’ebe pergozu, maibe’e ita hotu-hotu hakarak prevene, fasil ba ita atu prevene, naran katak hadomi ita nia Saude, halo prevensaun liu husi mantein ita nia ambiental ne’ebe saudavel, hamos ita nia uma laran, liu-liu fatin sira ne’ebe be’e nalihun ba, bele kria susuk tolun sira bele moris,ida ne’e mak importante, no mos kuidadu ita nia oan sira.”katak Xefi Departementu Saude Formasaun Saude Meskiza Vital.
Discussion about this post