Reportajen : Meke Magno Nazaria.
g7+ realiza komunikado imprensa hodi hato’o rezultadu observasaun eleisaun ne’ebe mak sira halo ona durante iha eleisaun 21 maio 2023 , Ekipa observa destaka ba munisipìu tolu ,Dili, Manututo, no Liqueca, komunikado imprensa ida ne’e realiza iha sentru g7+ ,loron kuarta feira( 24-05-2023).
Misaun observador Eleisaun g7+ komposto husi observadores hamutuk sanulu resin lima( 15 ) ,haat (4) husi Internasional no sanulu resin ida( 11) husi nasionàl, observador fahe ba ekipa lima, ne’ebe destaka ba Munisipiu tolu hanesan Dili, Likisa, no Manatuto, no konsege vizita sentru votasaun hamutuk ualu nulu resin tolu (83), korespondente ba 5.7% husi total numero sentru votasaun hamutuk rihun ida atus haat hitu nulu resin rua( 1,472).
Observador sira nota katak, ofisias
husi STAE demonstra konfidente no imparsial bainhira organiza eleisaun.
Misaun Observador Eleisaun g7+ sei submete relatòriu preliminario ba Komisaun Nasional Eleisaun (CNE), misaun Observador Eleisaun g7+
hanesan parte husi programa fahe esperiensia no koperasaun entrenasaun frajil ho frajil , programa i)da ne’e ho objetivu atu kontribui ba konsolidasaun demokrasia, hametin paz no dezenvolvimento.
Objetivu husi komunikado Imprensa ida ne’e atu fahe rezultado observasaun ekipa observador g7+ iha eleisaun parlamentar 2023.
Tuir sekretáriu Jeral g7+ , Habib Mayar hateten ” Konferensia Imprensa ohin loron ne’e hodi fahe g7+ nian avaliasaun rezultadu preliminario ba Eleisaun Parlamentar ne’ebe hala’o iha loron rua nolu resin ida (21) fulan Maio tinan rihun rua rua nulu resin tolu (2023.).
Ha’u kontente hodi informa ba públiku katak, Iha loron Eleisaun, Ekipa observadór Eleisaun g7+ nian ne’ebé kompostu husi observadór internasionál hamutuk ho observadór nasionál na’in sanulu resin ida (11), ne’ebé fahe ba ekipa lima (5), destaka ba munisípiu tolu (3), hanesan Dili, Liqueca no Manututo, no observa sentru votasaun hamutuk Ualu nulu resin tolu (83).” Tenik nia.
Enkuantu Habib hatutan votasaun hamutuk iha 5,7% akumula husi sentru votasaun hotu hotu.
” Sentru Votasaun ne’ebe akumula votante hamutuk 175,019, mais ou menus 1957% husi sentru votasaun. , delegasaun observador Internasional no Nasionàl sira ne’ebe halo observasaun ne’e komposto husi , Sr. Fernando Borja Araujo Monteiro, CNE Guinea Bissau, Sr. Larry Bojohn Fangawa, CNE, Sierra Leoa , Sr. Ibrahim Amara kamara, Komisaun Regulamento Partidu Politiku, Sierra Leoa no mòs Observador Nasional hamutuk Sanulu resin ida (11).” Katak nia.
Objetivu prinsipal husi g7+ maka atu observa eleisaun no asigura prosesu eleisaun ne’e la’o ho impransial no mòs hodi hasae kualidade demokrasia no hametin paz.
” Objetivu prinsipal husi g7+ nia misaun ba observasaun eleisaun mak , Observa prosesu eleisaun iha Timor-Leste hanesan nasaun membru g7+ hodi asegura katak prosesu ne’e lao ho imparsial, professional, independente no etika, no Misaun observasaun ne’e mos hanesan dalan ida hodi kontribui ba hasae kualidade demokrasia, hametin paz no dezenvolvimento iha Timor-Leste.” Habib afirma.
Ekipa Observador g7+ sei halo observasaun eleisaun iha nasaun membru g7+ seluk.
” Ami mós kontente hodi informa katak ami mós sei halo misaun ne’ebé hanesan sei halao iha Guinea-Bissau 04 Junho, Sierra Leoa 24 Junho, Liberia 10 Outubro no mós iha DRC no to’o Dezembru, no mòs nasaun membru g7+ sira seluk ne’ebé sei hala’o eleisaun iha futuru.” Dehan nia.
Prosesu observasaun eleisaun iha munisìpiu tolu la’o ho di’ak, ekipa observador sira asesu informasaun ho di’ak no fasil.
“ In jeral ami iha presaun ne’ebe mak di’ak tebes ba lalaok eleisaun tomak ne’ebe hala’o , tanba durante halo observasaun asesu ba sentru hotu fasil ba ami hodi bele asesu , no informasaun mòs wainhira ami husu ami sempre hetan, tanba ida ne’e mak ami hakarak hato’o agradesementu ou obrigado ida ba autoridade hotu hotu , liu liu governu Timor-Leste , tanba ofisiais sira ne’ebe mak halo servìsu iha sentru votusaun sira iha kooperasaun ne’ebe mak diak, fasilitas informasaun ne’ebe mak ami presiza durante ne’e.“
Enkuantu eleisaun parlamentar Timor-Leste susesu di’ak no sai inspira ba membru g7+ sira seluk.
” Timor – Leste agora lidera hela organizasaun g7+ , eleisaun ne’ebe mak akontese hela iha Timor susesu no sai ona eleisaun ida bele inspira membru g7+ sira seluk , liu husi ita fahe ita nia esperensia ba nasaun sira hanesan Guinea Bissau , Sierra Leoa no seluk tan, membru g7+ sira seluk, ne’ebe mak agora sira iha faze kritika ba iha demokrasia, tanba ne’e mak aporveta oportunidade ami hakarak congratula governu Timor -Leste ba eleisaun ne’ebe mak susesu ba tinan ida ne’e, Iha ami nia misaun iha futuru ne’ebe mak ami sei halo, ba observa eleisaun iha nasaun seluk, ami mòs sei konvida ofisiais husi Timor-Leste para atu bele hola parte iha misaun ida ne’e.” Mayer akresenta.
Aleinde ne’e observador internasional husi Sierra Loea, Sr. Larry Fangawa mòs fahe resumu badak kona ba observasaun g7+ nian durante eleisaun Parlamentar.
Observador internasionàl , Larry Fangawa hateten “ Iha observasaun ne’ebe mak ami halo, iha buat barak mak ami haree maìbe objetivu husi pers konferensia ida ne’e ha’u hakarak hato’o iha pontu importante rua , pontus primeiru, prosesu hotu husi eleisaun ne’ebe mak hala’o iha Timor , situasaun in jeral buat hotu la’o ho di’ak ,la’o ho paz, ida ne’e importante tebes atu bele asigura iha ambiente ida ne’ebe mak paz ,ida ne’e fò oportunidade partisipasaun husi komunidade sira bele mai barak, mai partisipa iha sentru votasaun hodi fò sira nia votus, pontus segundu ami mòs nota katak ofisiais STAE sira kuaze hatudu sira dedikasaun ne’ebe maka’as , wainhira halo sira noa servìsu, ida ne’e importante para atu hatudu katak prosesu tomak ne’ebe mak halo durante eleisaun tuir prosudamentu regras ne’ebe mak iha” Nia hakotu.
Discussion about this post