Repaortajen: Virgilio Viana.
Bazeia ba Misaun Obeservasaun Eleitoral Uniaun Europeia( MOE EU) nia observador sira avalia prosesu votasaun no kontajen de votus nu’udar pozitivu. Maske tasa partisipasaun feto iha kampainha eletoral menos. Enjerál, Observador UE avalia katak, votasaun no kontajen lao hanesan ka di’ak tebes, iha estasaun de votus hotu ne’ebé observa no deskreve atmosfera hanesan hakmatek. Evaluasaun ne’e halao iha Hotel Timor, Dili Quarta-Feira. (20/04/22).
Xefe Observadór MOE UE Domenec Ruiz Devesa subliña.” Preparasaun ba votasaun organizadu tebes husi parte autoridade eleitorál sira no loron eleisaun la’o ho kalma no orden. Prezensa husi fiskál sira husi kandidatu ida-idak no observadór nasionál sira halo prosesu ne’e sai transparente.
Elisaun sira-ne’e kompetitivu, no kampaña hala’o ho maneira pasífiku tebes, ne’ebé iha atake pesoál uituan iha redi sosiál iha loron ikus. Númeru husi feto sira ne’ebé partisipa iha eventu kampaña ki’ik, maske iha aumentu husi feto nia partisipasaun ativu nu’udar oradór, asuntu empoderamentu feto hetan menus atensaun duké iha primeira ronde.”
Bazeia ba MOE UE nia hare kon-ba tasa partisapasau feto iha ronde dahulu, bot liu duke iha ronde daruak nian maske iha feto maluk balun sai orador iha kampainha refere.
Katak Domenec,”Feto sira partisipa iha eventu kampaña ho númeru ki’ik liu, duké durante primeira volta, no fo atensaun uituan de’it ba hakbiit feto. Observadór UE ne’ebé akompaña besik eventu 62 nota katak feto sira partisipa ho menór nümeru duké iha primeira volta. Maski nune’ e, iha aumentu husi partisipasaun ativa husi feto nu’udar oradór iha eventu kampaña.
Durante primeira ronde, ita observa feto marka prezensa nu’udar oradór iha 19% husi eventu iha kampaña Lū-Olo nian no 12% iha Ramos-Horta nian. Iha segunda volta, feto nia partisipasaun nu’udar oradór aumenta ba 25% iha Lú-Olo nian 33% iha Ramos-Horta nian. Maske iha aumentu husi feto sira-nia partisipasaun ativa nu’ udár oradór, iha foku uinuan de’it ba hakbiit feto.
Kandidata ba prezidente KHUNTO nian ne’ ebé hetan eliminasaun, Armanda Berta dos Santos, asume kna’ar nu’udar Primeira-Ministra interina, tam-ba Primeiru-Ministru Taur Matan Ruak hala’o kampaña hodi apoia kandidatura presidenti atual Lú-Olo, tam-ba ne’e, labele partisipa iha kampaña segunda volta.
Durante segunda volta, emisora públika Rádio-Televisão Timor-Les (RTTL .Ep) fornese kobertura editoriál ekuitativa ba kandidatu na’in-rua. Estasaun privadu Grupu Media Nacion al (GMN TV) kontinua favorese Ramos-Horta nia kandidatura. RTTL TV fornese kobertura notisioza uituan tam-ba presidenti atual Lù-Olo, 3enkuantu GMN TV nia notisiáriu aprezenta Ramos-Horta dala rua liután duke Lú-Olo.“
Ruiz Devesa esplika liu tan. “Misaun Observador Eletoral, iha prezensa permanente iha país tomak, hahu husi fulan Fevereiru nia laran, no nia konkluzaun sira bazeia ba observasaun direta besik eventu kampaña atus rua (200) no entrevista rihun ida (1.000). Iha loron eleisaun. Observadór UE na’in-40 relata liu husi liu 160 estasaun votu iha munisipiu 12 no Rejiaun Administrativa Espesiál Oecusse-Ambeno. Preparasaun lojístika ba eleisaun sufisiente no tuir tempu. Observadór UE vizita estasaun votu hamutuk 164 iha munisípiu 12 no Rejiaun Administrativa Espesiál Oecusse-Ambeno.
Tuir planu, MOE EU sei kontinua nafatin iha nasaun hodi akompaña faze ne’ebé seidauk remata. Iha prosesu eleitorál ne’e, inklui rezultadu finál no desizaun husi reklamasaun, karık iha. Deklarasaun preliminár Misaun Observasaun Eleitorál UE ida-ne’e entrega antes prosesu eleitorál tomak remata. Sei hela etapa importante sira, inklui rezultadu finál no desizaun ba reklamasaun karik iha. MOE UE mantein nafatin iha país hodi observa prosesu eleitorál ne’ebé sei falta ka remata.”
Discussion about this post