Reportajen: Robelson Cardoso
Iha loron Sesta Feira 22-04-2022, Komisaun nasional de eleisoens CNE,realiza prossesu apuramentu nasional, hodi halo verifikasaun no mos halo desizaun, ba votu nulu no reklamadu,iha 72 horas nia laran,antes haruka ba iha Tribunal rekursus,hodi publika rejultadu final.
Urna husi 12 Munisipiu inklui Raeoa tama mai kompletu ona, sei falta deit Disporamentu husi Inglatera, Irlandia, Portugal no korea do sol, sei mai iha loron 24 de Abril, no urna husi Australia sei tama mai iha oras balun nia laran
Iha atividade ne’e, partisipa mos husi obsevardor nasional no internasional, reprezentate husi kandidatura nain rua ho nia fiskais no mos PNTL, inklui Funsionariu reprezentate UN no UNDP no seluk tan.
Direitor CNE Jose Agustinho Da Costa Belo hateten, “Ohin iha oportunidade ida ne’e, tuir ita nia lei orden jeral rua, ESTAE ho CNE servisu tomak ne’ebe sei hala’o iha nivel sentru votasaun, mai to’o iha Munisipiu halo rekonsiliasaun, akta sira ne’e.
Tuir lei submete rezultadu mai iha CNE, Iha ne’e komisaris sira hamutuk ho direitor internasional, ho ita nia Funsionariu sira hotu, no ofisial supervizaun sira ita halo servisu, oinsa para atu bele verifika dadus sira liu-liu, kona-ba votu nulu votu reklamadu ne’ebe konta ona iha akta tuir lei ita persija verifika
Iha verifikasaun ne’e, ita akula liu ba iha modelu, tam-ba iha primeira volta, ita nia servisu sira ne’ebe ke ita halo diak ona,kualidade maibe’e tenki hadia nafatin iha servisu ne’e, ita komesa muda desde intrega urnas mai,ita nia meza ida iha sorin hodi halo verifikasaun ba saida deit mak iha urna laran.
Ne’e responsablidade ho transperensia ne’ebe ke ita hatudu, oin’sa para servisu ne’e lao ho diak,Prosesu tomak ita atu rona, agora ita muda uituan la hanesan iha primeira volta ninian, sei ajuda liu tan servisu lalais verifika ho diak atu nune’e, rezultadu ne’ebe sei fo sai 72 horas. Ita halo verifikasaun 72 horas ita sei halo elabora, sei taka rezultadu Provizoriu, tam-ba Tribunal mak iha kompetensia atu fo sai rezultadu Fina.”
Jose Belo haklean liu tan.”Ita fiar metin katak, servisu ne’ebe CNE ho ESTAE halo, lao tuir nia padraun sira ne’e,hatudu dunik ita nia kualidade oin-sa para atu servi povu no rai ida ne’e, fiar katak prosesu sira ne’e lao tuir duni.
Rezultadu fo sai ona ita kontenti, la’os deit CNE ho ESTAE maibe’e liu-liu PNTL FFDTL, ne’ebe durante ne’e apoiu tebes iha parte siguransa, rezultadu sei mai la’os deit rekonhesimentu Nasional deit mai-be’e iha mos rekonhesimentu kontextu internasional, tam-ba iha mos observador Nasional no internasional sira, tuir sira nia rekomendasaun2 ba ita furak tebes, haklaken bebeik ita nia kualidade instituisaun ida ne’e.’’
Direitor Tekniku CNE Jose Fonseka dehan, “CNE simu ona urna husi Munisipiu 12 inklui Raeoa,no orsida mos sei simu urna husi Australia no mos dia 24Abril sei simu mos urna husi nasaun sira seluk hanesa, Inglatera, Irlandia, Korea do sol no Portugal.
Iha apuramentu nasional ne’e iha mudansa uitoan tam-ba iha meza ha’at, nia funsaun hanesan deit, meza hat ne,e1 hodi halo verifikasaun ba akta sira husi sentru votasaun, no halo verifikasaun ba desizaun boletin de votus nulu no reklamadu sira, urnas sira ne’e sei tau hotu iha meza, depois loke sei ba tau iha meza ida-idak.”
Discussion about this post