By Cristiana X.Belo
Iha konferénsia UN LDC5, delegasaun husi Parlamentu Nasional (PN) Timor – Leste no mós Ministeriu Negosiu Estranjeiru Kopersaun (MNEK) Timor – Leste, hetan mós partisipasaun. Iha artigu ne’e, ita sei hetan informasaun kona-ba rasaun sira, tanba sá Timor – Leste, seidauk bele halo graduasaun no sai husi nasaun menus dezenvolvidu, bazeia ba estudu Nasoens Unidas. No solusaun saida mak lori fila mai Timor-Leste.
Iha 04 to’o 10 Marsu, konferénsia Estadus Unidus ba nasaun hirak ne’ebé tama iha Lista dezenvolvidu ba dala lima (UN LDC5). Halo diskusaun Konaba Paizes LDCs iha mundu haat nulu resin neen (46) ne’ebé maka seidauk graduasaun, sei iha hela paizes dezenvolvimentu. Timor – Leste, seidauk bele halo graduasaun no sai husi nasaun menus dezenvolvidu. Bazeia ba estudu Nasoens Unidas, liu husi Commitee Development Policy (CDP). CDP nia avaliasaun ba paizes hotu – hotu hodi hateten katak nasaun sira LDCs prontu ona gradua ka lae. Timor – leste sei iha kategoria paizes ne’ebé seidauk dezenvolvidu tanba Timor – leste seidauk prienxe kritéria husi Nasoens Unidus nian. Intervista refere hala’o, iha konferénsia UN LDC5 Doha, Qatar National Convince Centre. (08 Marsu 2023).
Iha biban ida nee, Embaixador Timor – Leste ba Estadu Unidus da America deskobre ba ita Saida mak LDCs ?
“Least Development Countries (LDCs) mak nasaun ne’ebé menus dezenvolvimentu, nasaun ne’ebé mai ne’e kiak kedas. Otomatikamente Timor – Leste kiak entaun sai membru. Nasaun 46 ne’ebé mak sei iha kategoria LDCs, ema hotu hotu esforsu para atu hetan Gradua sai husi LDC ne’e. Iha konferénsia UN LDC5 ne’e, atu hare fila fali oin sá nasaun riku sira, porezemplu ODA no nasaun ne’ebé norte kooperasaun para bele tau asistente ba nasaun kiak sira 46 para bele hetan graduasaun lalais. Embaixador Timor – Leste ba Estadu Unidus da America hateten,. Iha porsentu sanulu (10%) husi totál populasaun iha mundu millaun atus ualu (800) ne’ebé husi nasaun 46 sei kiak. Populasaun husi totál refere ne’ebé mak sei hela iha kotuk ka kiak tanba ne’e, UN bolu atensaun ba ema hotu ne’ebé iha nasaun riku ka dezenvolvidu ona presiza tau atensaun.”
Tuir Ministra Negosiu Estranjeiru kooperasaun MNEK Sra. Adaljiza A.R.X. Magno. Katak. “ Desde tinan neen (6) ou hitu (7) liu ba sira nia avaliasaun ne’e hateten, ita interiór dé CDP, GNI tama ona kategoria atu graduál, tanba ita-nia GDP ne’e númeru boot loos maibé, haree fila fali osan ne’e mai husi ne’ebé? ne’e mai husi fundu mina-rai de’it. Ita bele hateten katak ne’e la sustentavel. Se ita iha bilhoens sanulu resin hitu (17) ou ualu (8) iha fundu petrolíferu, tinan tinan ita uza 1.5 to’o 2 milloens tinan sanulu tan osan ne’e hotu ona. Ita iha problema por ezemplu, se sira sura husi ita-nia GNI, GDP ne’e maka husi la’ós de’it meramente, husi osan mina-rai, piór ezemplu husi setór privadu, atividades ekonomia ,ne’e ita bele hatete katak ita sustentavel liu. Entaun ho ida ne’e ita sempre halo argumentu ho sira katak, imi tenke fó tan lai tempu ba ami.”
Adaljiza Magno haktuir. “ Tuir loos 2025 ita graduál ona, ita la’ós ona membru LDCs maibé ita hanoin fila fali, ita sei la iha sustentabilidade internu fiskál. Ita sei depende loos ba fundu mina rai, ita hateten de’it hanesan ne’e, fó tan ami tempu, ami sei desverifika ami nia ekonomia. Ita mós sei iha hela prosesu sai membru ASEAN ho World Trade Organization (WTO) . Iha membru ASEAN balun paises tolu hanesan Cambodia, Laos ho Myanmar mós seidauk gradua, sira paises ne’ebé dezenvolve liu ita, sira aproveita fasilidade husi LDC, sira uza hotu para dezenvolve sira nia rai. Ita seidauk uza másimu ho fasilidade sira ne’e por ezemplu fasilidade ba WTO nian ba esportasaun sasán sira ne’e.”
Visi I Parlamentu Nasional (PN) Timor – Leste, Sra. Maria Angelina sarmento. Photo by Sara Journalista Nepal
Tuir deputada Visi I Parlamentu Nasional (PN) Timor – Leste, Sra. Maria Angelina sarmento nia hare katak, “Timor-Leste hahú iha 2015-2018 to’o mai 2021 prepara an atu graduasaun husi nasaun menus dezenvolvidu, maibé hafoin estudu ida, halo husi Nasoens Unidas katak, seidauk prienxe kritéria barak atu bele graduasaun.
Ho razaun, ita-nia kapasidade rekursus umanus. Ita-nia GDP sei menus. Ita-nia kapasidade atu ezekuta fundu empréstimu sira ne’ebé, mai husi nasaun dezenvolvidu ho multilaterál sira sei sai dezafiu nafatin, ita to’o agora. Por ezemplu, ita to’o agora seidauk sai membru ba world trade organizasaun. Ita iha problema mós kresimentu ekonomiku, sei neineik tebes. Ita-nia kapasidade hodi investe orsamentu jerál dó estadu, iha setór produtivu sira hanesan Agrikultura,Turismo, Transporte Telekomunikasaun hirak ne’e hotu sei sai dezafia ba ita.
Maski ita-nia reseita husi fundu minerál ne’ebé mak durante ne’e, sustenta ita-nia estadu, bele dehan tama ona kategoria ka kritéria graduasaun, sai husi pais ne’ebé menus dezenvolvidu tanba, ita-nia fundu mina-rai forte tebe tebes hodi sustenta ezisténsia estadu Timor-Leste. Husi perspetiva seluk hanesan, rekursus umanus, kapasidade atu bele ezekuta orsamentu jerál dó estadu. Ita hanesan pais menus dezenvolvidu. Ita bele asesu ba eskema sira ba konsensus publikas empréstimu husi paises dezenvolvidu sira.Bazeia ba pontu de vista husi Visi I Parlamentu Nasional katak explorasaun ba alterasaun klimatika laos nasaun Timor – Leste maibe Mundu mak halo explorasaun ba rikezas naturais sira la iha balansu.”
Angelita Sarmentu hatutan.” Husi avaliasaun sira hotu ne’ebé sira halo, iha buat barak mak ita seidauk prienxe rekezitus. Ohin loron ita ko’alia kona ba alterasaun klimátika barak mak ema halerik, tanba ita halo esplorasaun. la’ós ita maibé, mundu halo esplorasaun ba rikezas naturais sira la iha balansu. Ohin loron mundu enfrenta krize ba alterasaun klimátika. Ita hare katak ohin loron ita labele ona evita atu hasoru alterasaun klimátika hanesan bee sa’e, inundasaun, rai nakdoko, sunami.
Nasaun riku sira iha periode ida ne’ebé, esplora mina ho gas no mós rikezas maneira hanesan osan mean, osan mutin, marmer, sira esplora la iha tiha balansu. Explorasaun ida ne’e maka, kauza alterasaun klimátika iha mundu sofre. Entaun ohin loron ema hotu hakilar, liuliu nasaun ki’ik sira, luta maka’as ezizi ba paises dezenvolvidu sira tenke hakru’uk uitoan hodi redús gradualmente esplorasaun ba rikezas naturais sira atu nune’e halo fali balansu ba ita-nia esplorasaun mina ho gas.”
Iha enkontru UN confrence, Visi I PNTL hetan sujestaun balun Iha sesaun diskusaun temátiku, Parlamentu Nasional no forum Parliamentar, husi delegasaun sira ne’ebé marka prezensa iha plenária husu ba membru Parlamentu sira Timor – Leste fó atensaun ba Orsamentu jerál dó Esatdu (OJE) tenke ho balansu ba alterasaun klimátika.
Angelita Sarmentu hato’o.“ Ohin ami partisipa sesaun Parlamentu Nasional nia diskusaun temátiku, oinsá ita promove internasionaliza tarde. Oinsa ita konstrui gradualmente hamenus esplorasaun rekursus naturais sira, no mós rikezas minerál sira no koko atu halo balansu ho justisa klimátika nian.
Ha’u tuir mós seksaun ida kona – ba Forum Parlamentar kona -ba livre husi esplorasaun mina no gas. Iha aprezentasaun husi oradór(a) sira husi pais Afrikana nian. Sira hanesan nasaun subdezenvolvidu ne’ebé sofre tebes konsekuénsia husi esplorasaun rikeza ne’ebé sira iha ohin loron, liuliu ba feto sira barak mak hetan konsekuénsia negativu husi esplorasaun rikeza naturais sira.
Iha diskusaun temátiku ida ne’e, sira husu atu membru Parlamentu sira fó atensaun boot tebetebes iha orsamentu jerál dó estadu, tenke iha balansu ba alterasaun klimátika. Sira sujere mai Timor-Leste.”
Iha biban ne’ebá Visi I PN hato’o mós preokupasaun ba iha delegasaun sira ne’ebé iha plenária, kona-ba ohin loron ema, hakilar ona atu hamenus no hapara esplorasaun rikezas naturais. Tuir nia katak ida ne’e, sei sai mós obstákulu ida ba Timor – Leste, se karik Timor – Leste labele halo Explorasaun ba nia rikezas sira. Iha momentu ne’ebá nia husu mós rekomendasaun.
“ Hau halo pergunta ba sira kona-ba mina Timor-Leste, hanesan nasaun ida ne’ebé mak foin hetan ami nia independénsia 20 anos ba kotuk. Ami foin deskobre katak, ami iha rikezas minerál barak. Rikezas petrolífera barak atu ami esplora, sai hanesan reseitas ba estadu ida ne’e, hodi sustenta ami nia orsamentu jerál dó estadu, atu ami nia pais bele dezenvolve. Ami nia ekonomia, rekursus humanus maibé injustisa ne’e, mosu mai ami tanba, mundu ohin loron ema hakilar ona kona ba hamenus no hapara esplorasaun rikezas naturais. Se ami la halo ida ne’e, ami la eksploita ami nia rikezas sira ne’e, ami la iha tan fonte dé resitas seluk ne’ebé mak bele sustenta ami nia estadu ida ne’e. Ami kontinua moris ba ami nia jerasaun sira iha futuru. Entaun ha’u mós husu sira nia rekomendasaun atu oinsá Timor-Leste bele sai husi situasaun difisil ida ne’e.
Sira nia rekomendasaun mak, husu atu iha orsamentu jerál dó estadu ita bele gastu. Ita bele halo ezekusaun orsamentu jerál dó estadu ba setór produtivu sira inklui tau osan ba ministériu ne’ebé relevante atu halo esplikasaun ba ita-nia rikezas minerál sira. Osan ne’ebé ita hetan husi reseitas tau ba orsamentu jerál dó estadu porsentu balun, ita tenke aloka orsamentu alterasaun klimátika.
Ita tenke kuda ai barak, tenke prezerva bee matan sira, la bele tesi ai arbiru, uza enerjia alternativu hanesan uza gas, la bele ona uza jeradór tanba ahi kuandu la iha, ita uza jeradór entaun tenke sosa gazolina para tau ba iha jeradór.
Sira mós dehan, ita-nia nasaun ne’e tropical. Ita iha loron no anin ne’ebé mak livre ka gratuita, bele uza fali loron manas ho anin transforma, sai enerjia renovavel. No ita mós bele haree fatin ne’ebé mak bele dezenvolve hydropower. Sira fó alternativas oioin Inkluindu iha futuru ita mós bele sai produtór hodi suplai solar painél ou bingpower ba nasaun sira ne’ebé mak presiza, piór ezemplu nasaun sira ne’ebé iha Europa sira susar tebes atu hetan loron matan, sira la bele prodús solar painél.
Uluk tinan sanulu ba kotuk solar painél ne’e karun tebetebes, mais ohin loron kuandu ema hotu aponta ba solar panel, aposta ba alterasaun klimátika. Solar painél ohin loron folin sa’e, entaun Timor-Leste bele sai merkadu alternativa ba solar painél, kuandu ita-nia osan ida ne’e ita esplora iha ita-nia rikezas. Ita transforma ita-nia reseita sira ne’e, sai investimentu iha solar painél iha enerjia renovavel, fa’an fila fali iha nasaun sira ne’ebé maka haree ida ne’e importante, atu ita ho sira kontribui ba justisa klimátika.” Katak Angelita Sarmento
Discussion about this post