Reportajen: Meke Magno Nazaria
Observadores husi nasaun membru g7+ sei observa eleisaun parlamentario iha Timor-Leste, ne’ebe sei halao iha loron 21 Maio 2023, ho nune’e sekretariadu g7+ halo konfrensia imprensia ba mìdia imprimi no radìo sira iha sede sekretariadu g7+ , loron sesta feira (19-5-2023).
Delegasaun observador internasionàl hirak ne’e komposto husi peritus nain tolu, Komisaun Eleisaun Sierra Leoa, Sr. Larry Bojohn Fangawa, Komisaun Regulamento Partidus Polítikus Serra Leoa , Sr. lbrahim Kamara, staff tecnico Komisaun Eleisaun Guinea-Bissau, Sr. Fernando Monteiro, ekipa observador internasionàl ne’e to iha Dili, iha loron 14 fulan Maio 2023 no sei fila iha loron 28 Maio 2023.
Objetivu husi misaun observasaun eleisaun ne’e iha rua, hodi observa prosesu eleisaun iha nasaun membru g7+ ho imparsial, professional, independente no etika, hodi kontribui ba hasae konsolidasaun demokratiku, hametin paz no dezenvolvimento iha Timor-Leste.
Iha Konfrensia imprensa ida ne’e ,Chefi Operasional g7+ , Sr. Felix Piedade afirma, g7+ iha ekipa observador atu halo observasaun ba eleisaun parlamentar iha loron 21 Maiu 2023, observa ne’e komposto husi observador internasional.
Tuir Chefi Operasional g7+ , Felix Piedade hateten “ g7+ mòs iha ekipa observador ida atu halo observasaun ne’ebe mak sei halo iha loron 21 de Maio 2023, ekipa observador ba elisaun Timor-Leste kompostu husi observador internasionàl nain tolu no observador nasionàl hamutuk sanulu resin ida, observador nain tolu husi internasionàl sira mak hanesan Sr. Fernando monteiru staf tekniku komisaun eleisaun Guinea -Bissau , Sr. Larry Bojohn Fangawa Koordenador Rejiaun Oeste Komisaun Eleisaun Serra Leoa no Sr. Ibrahim Kamara nuda’ar Vice Diretòr ne’ebe mak atu kober ba area rejaun norte , nia komisaun partidus politìkus husi Serra Leoa.Objetivu prinsipal husi ekipa nia servìsu ne’ebe mak sei halo iha observa eleisaun ne’e iha objetivu prinsipal rua, primeiru ita sei observa eleisaun parlamentar iha Timor-Leste, Objetivu segundu fase parte husi g7+ nia programa ida ami bolu kooperasaun entre frazil ho frazil, ita fò oportunidade para membru nasaun sira bele fahe esperensia no mòs bele aprende ba malu , liu husi dalan observa eleisaun iha mesmu tempu objetivu segundui ida mak atu kontribui liu husi rezultadu observasaun hodi aprazentasaun ba instituisaun ne’ebe mak levanta hanesan CNE no mòs governu Timor-Leste.”
Enkuantu Komisaun Eleisaun Nasaun Sierra Leoa nuda’ar koordenador area rejiaun oeste Sr.Larry Bojohn Fangawa halao ona observa primeiru iha ronde eleisaun presidensial iha Timor-Leste tinan kotuk , ne’ebe fahe observasaun ne’ebe signifikadu tebes no kontribui ba estabelesemntu inisiativa Observasaun Misaun Eleisaun.
Komisaun Eleisaun Nasaun Sierra Leoa nudar koordenador area rejiaun oeste Sr.Larry Bojohn Fangawa afirma . “ Ha’u mai ona Timor dala rua, tinan kotuk ha’u mai marka prezensa durante eleisaun Presidensial.
No agora iha oportunidade ida ne’e, ha’u akompania partidus politìku sira ne’e , inklui observa kampañia husi partidus polilìtku balun ne’ebe mak iha loron ikus organiza, no mòs atividades sira seluk ne’ebe partidus politìkus sira halo inklui debate, depois durante eleisaun ami sei fahe ba ekipa para atu halo observasaun iha Dili no mòs iha munisipiu balun, depois de eleisaun ami sei produs relatòriu primarìu ida para atu produs ba instutuisaun ne’ebe mak relavante.“
Aleinde ne’e Komisaun Regulamento Partidus Politìkus, Sr. Ibrahim Kamara esplika hela kona ba lalaok observasaun.
Komisaun Regulamento Partidus Politìkus, Sr. Ibrahim Kamara hateten ” Ami sei kober iha Dili no mòs munisipìu rua ,Liqueca ho Manututo, saida mak sei observa ne’e inklui husi haree kona ba materìa ne’ebe mak iha, prezensia husi ofisias sira iha sentru de votasaun, hare mòs husi nia prosedumentu totàl hotu kedas iha ne’eba.”
Durante misaun ne’e, observador internasional sira iha oportunidade hodi hasoru Director Jeral STAE no Presidente CNE atu fahe esperiensia oinsa organiza eleisaun ne’ebe livre no justu.
Ibrahim hatutan “ No ami mòs hasoru ona presidente CNE, diretòr jeral STAE, no rezultadu final husi depois de observa ami mòs sei submete relatorìu, ha’u hakarak amenta de’it katak saida mak ami sei observa iha eleisaun ne’e komesa husi nia abertura , ami nia ekipa sei ba hotu iha sentru votasaun antes sira loke para atu bele asigura prosesu tomak husi sira abertura , prosesu votusaun to’o enseramentu inklui kontajen, para atu asigura katak prosesu ne’ebe lao tuir regras ne’ebe mak mai husi governu, livre no justu, no ami sei kontinua tuir observa kontajen iha CNE.“
Enkuantu Ibrahim Kamara hato’o hela nia mensajen ba povu Timor.
” Ha’u espera katak tinan ida ne’e iha eleisaun parlamentar , Timor oan sira hotu kontinua ezerse nafatin toleransi ne’ebe mak iha ,respeitu malu atu nune’e situasaun bele paz no damè , atu ba vota ne’e ema ida idak nia direitu , ne’e duni vota tuir ita nia konsensia hodi kontribui ba paz ba estabilidade nasaun.” Ibrahim hakotu.
Discussion about this post