Reportagen: Martinho Soares Amaral
Manan nain kompetisaun Youtuber primeru lugar. Photo by Nelson Soares Amaral.
Sekretáriu Estadu ba Komunikasaun Sosiál (SEKOMS), Mericio Juvinal Akara entrega premiu ba manan nain, “kontent Kreator” youtuber nain lima (5) ne’ebé tuir kompetisaun iha tinan rihun rua ruanulu resin rua (2022). Eventu nee halao iha Taman Budaya Indonesia, DIILI, kuarta feira (30/11/2022).
Liu husi atividade ne’e Sekretáriu Estadu ba Komunikasaun Sosiál (SECOMS) Merisio Juvinal dos Reis Akara hateten.” Serimonia atribuisaun premiu ba manan na’in sira ne’ebé tuir ona kompetisaun kontent kreator youtuber, Hanesan meius ida hodi inspira foinsae hotu-hotu bele espresa talentu liu husi adoptasaun plataforma digital iha tempu agora hodi promove Timor ba mundu.Objetivu husi programa ida ne’e atu motiva juventude sira nia talentu liu husi uza plataforma dijital, youtuber no facebook, hodi promove Timor-Leste ba mundu no bele hakbit ekonomia familia liu husi profisaun hanesan kontent kreator youtuber”
Akara hatutan. “Talentu foinsae hanesan kontribuisaun ba dezenvolvimentu Timor-Leste nian liu husi partisipasaun juventude iha kompetisaun tuir kultura mundu ohin loron nian iha plataforma dijitalizasaun. Joventude ne’ebé tuir kompetisaun kontent kreator youtuber sai hanesan sentru ba foinsae sira seluk hodi inspira diak liu tan foinsae hotu-hotu tuir modelu kultura global no dijital.
Hau apresia ho imi nia talentu ne’ebé nakonu ho kriatividade, tamba adoptasaun erra dijital hanesan tradisaun foun ida ne’ebé mundu oferese ba ita, mesmu ita nia nasaun kiik maibe obrigatoriamente tenke lao tuir modelu plataforma digital sai hanesan ema ne’ebé diak hodi tulun ita nia estadu hare ba dezenvolvimentu iha rai laran.”
Iha biban ne’e mos manan na’in ba kreator Youtuber Addel Xavier hateten,” Ha’u agradese ba atividade ne’ebe mak nia halo hela, sai vidio no hatama ba iha youtuber no sai hanesan hoby ida iha fatin seklista hodi halo hau sempre ba vijita fatin sira ne’ebe mak uniku no ema barak mak seidauk ba vijita baihira hau atu halo vijita fatin sira ne’e hau uja bisikleta deit hodi bele motiva fali ema seluk. Tamba ne’e hau hakarak sadik ema hotu atu bele halo viajen ba fatin sira ne’e hanesan hau. Hau bele nusa mak imi labele hodi bele esplora turismu nia furak iha Timor youtuber ne’e kria ho naran Adde Xavier no hari iha tinan rihun rua sanulu resin sia (2019), baihira moras Covid-19 hahu, ita iha uma deit sei lahalo buat ida ho ida ne’e mak hakarak kria chanel rasik, primeru hakarak hateten deit katak programa ne’e kria inisiativa rasik ho ida hakarak kontinua ba liu oin iha kolega balun mak suporta hau ba iha programa ida ne’e , vidio ne’e halo iha durasaun 4 minutus.
Iha tinan kotuk manan ba kompitisaun youtuber ida ne’e hetan iha kuartu lugar, bele agrade tamba tinan ida ne’e hau bele sai bensador no iha esperansa ba oin saida mak iha ona atu nafatin promove ba nafatin. Adel Hakotu
Discussion about this post