Sorumutu Entre Governu ho Na’in ba Media.

Reportajen: Juvita Menezes/Meke Magno.

Governu Timor leste liu husi Ministeriu Asuntu Parlamehtar Komunikasaun Sosiál (MAPKOMS) halo kooperasaun servisu entre média privadu iha ámbitu kobertura. Objetivu  husi sorumutuk ida ne’e,  atu  halo dialogu  entre  governu ho na’in ba média  sira  kona-ba dezafiu kobertura média sira ba atividade  Governu nian, atividade refere realiza iha salaun City 8, Tersa – Feira ( 20 /12/2022).

Iha oportunidade refere, média na’in lubuk ida mak konsege  partisipa iha sorumutu ida ne’e , partisipante mai husi média  eletrónika , média imprime ,média online  no mòs jornalista média ne’e rasik.

Média privadu ne’ebé konsege marka prezensa iha sorumutu ida ne’e  mak hanesan  média Radio Rakambia ,  Radio Labe,  Lafahek news,  Timor Post, Media one Timor,  STL  news , Radio Voz , Média Independen no média Busnies Timor. Hodi hato’o dezafiu ne’ebé sira hasoru hodi buka solusaun hamutuk ho MAPKOMS iha 2023.

Iha sesaun diskusaun média na’in sira hato’o sira nia preokupasaun sobre redi liña internét, transportasaun no ekipamentu ba dijitalizasaun.

Iha oportunidade nee, Diretora Radio Rakambia, Cristiana Ximenes Belo hateten. “Obstakulu neebe  ami nia media hasoru mak lina internet,  transportasaun no equipamentu digitalizasaun hanesan viberoptic, Mixer, antena no transmiter. Tamba dadaun  nee ita hasoru mundu digitalizasaun hakarak ka lakhoi ita tenki adopta an ba digital.  Maibe problema ida mak menos duadores permanente ida,  atu bele responde ba difukuldade hirak nebe mak ami infrenta, atu nune’e sustentavel media bele lao ho efetivu, hodi bele apoiu ba dezenvolvementu povu no nasaun nee nia destinu. Tanba ne’e ita hakarak ka lakohi ema hotu luta hodi utiliza ekipamentu dijitalizasaun maibé ita la hatene se mak bele responde ida ne’e, maske ema hotu temi dezenvolvimentu media, maibé iha realidade, ita  la sente dezenvolvimentu nebe sira temi iha públiku ne’e ba se? se mak sai benefisiáriu no grupu tarjeitu husi dezenvolvimentu ne’e rasik No ita hein katak tinan oin MAPKOMS bele fo solusaun alternative balun ba media sira.”

Tuir Diretòr DNDI  hateten programa  ne’ebe realiza ohin loron  ho planu rua (2) , primeiru kona-ba atividade enktontru ho mìdia na’in sira , segundu atu hatene informasaun  oinsa  bele kobertura atividade governu  no dezafiu mìdia privadu sira liga ba kobertura programa no atividade oitavo governu konstituisional.

Director Diresaun Nasional Diseminasaun Informasaun (DNDI), Sr. Estevao Belo  da Costa hateten.” Programa hirak ne’e realiza  bazeia ba planu asaun rua, atividade enkontru ou media nain sira ne’ebe kompleta ba Diresaun Nasional Diseminasaun informasaun departamentu protokolu empressa disiminasaun online ho nune’e departementu realiza programa ida ne’e ho nia objetivu dahuluk, atu haree progressu dezafiu koopersaun servisu media online ho MAPKOMS hodi bele rekoilha informasaun nessesidade diresaun informasaun ba sosiedade sivil kona-ba politika no implementasaun atividade governu no promove divulgasaun liu husi informasaun sosiedade , liu husi midia privadu sira.

Daruak atu hatene informasaun oinsa bele kobertura atividade governu no oinsa publika  iha midia seluk atu publiku hetan informasaun liu tan. kona-ba dezafiu media privadu sira liu-liu kobertura ba programa no atividade oitavo governu konstituisional, dadaun ne’e diretor media sira, kargo xefia sira, husi MAPKOMS depois de ida ne’e diresaun departementu ministeriu empressa no diresaun online atu rona ka sujestaun liu husi midia sira ne’ebe durante servisu hamutuk ho MAPKOMS hodi rekoila programa no habelar informasaun ba governu no husi governu ba sosiedade , tanba media mak ponte ba governu no povu sira .“ Diretor DNDI Estavao Belo subliña.

 Aleinde  ne’e Ministru MAPKOMS Fransisco Martins da Costa Jeronimu  fò hanoin ba Midia sira iha tinan 2023, Timor -Leste tama ba tinan  politika sei sa’e  as ,  nune’e Mapkoms husu ba media sira  atu redus tensaun politìka  tanba Midia mak iha potensia boot kontrubui kria demokrasia ne’ebe ho dame no  liberdade.

Iha diskursu Ministru MAPKOMS Sr. Fransisco Martins da Costa Jeronimo hateten.“ Husu ba midia sira ne’ebe oras ne’e iha ne’e, kontinua diskusaun halo favor saida de’it mak ita boot sira sente  ladun di’ak iha durante tinan sanulu resin rua (12) ne’ebe ita la’o ona, buat sira ne’e mak ita  sei halo avaliasaun, favor aprezenta no hato’o mai atu nune’e ita bele buka fali dalan hodi rezolve ba problema ne’ebe ita hasoru, karik ita la rezolve agora maibè, ita sei rezolve hotu saida mak ita presiza. Ita presiza lei balun atu kompleta prossesu sira ne’e. Maibè ita hakaas aan atu bele realiza iha tinan  rihun rua rua nulu resin tolu (2023). Ita hotu nia esforsu para ita bele haree took iha 2023 ita bele realiza, lei sira  ne’ebe mak iha anterior, depois ita kompleta, tuir mai ha’u atu fo hanoin de’it ba ita hotu katak iha 2023 ita hahu tama ona ba tinan politika sae oituan, media sira mak tenke ajuda redus tensaun sira ne’e,  se karik ita hotu, hakarak kontribui demokrasia ne’ebe mak diak no  liberdade  espresa ne’ebe mak ho responsabilidade.

Ha’u mòs husu ba media sira, la obriga maibè husu ba media mòs atu kontribui para atu redus tensaun sira ne’e , tenke tau atensaun makaas. Ita hakarak rai ne’e hakmatek,  ita hakarak rai ne’e hetan dezenvolvimentu ne’ebe mak di’ak entaun tenke fo kontribuisaun.“

Governu iha kompremisa  apoiu ba mìdia privadu liu husi dalan legal.

“Primeiru hanesan ne’e, ita koalia kona-ba diskusaun ne’ebe ho media privadu sira, ita boot sira hatene media privadu ne’e tuir loloos sira tenke eziste,  atu sira iha kooperasaun governu maibè governu labele direita mente apoiu sira ho orsamentu, maibè ha’u dehan dala ida tan lei mòs fò dalan  ba ami atu  hare posibilidade seluk  ne’ebe mak ami bele halo,  atu fo apoiu ba ita nia media sira liu husi dalan ne’ebe mak legal,  dalan legal ne’ebe iha entaun kooperasaun komunikasaun ho media privadu sira,  ne’e hanesan pasu ida importante governu halo,  atu nune’e ita bele intende malu kona-ba saida de’it mak media sira nia defikuldade no saida de’it mak governu nia hanoin atu  bele prense ajuda iha parte sira ne’ebe mak defikuldade  sira hasoru agora, tamba  ne’e  enkontru ne’e importante, importante atu hatene pois ita buka solusaun , komprimisu ne’ebe governu hateten mak nafatin hanesan ha’u dehan,  esperensia ami nian la’o ona tinan ida resin, mai oin ida ne’e mak sei la’o ba oin nafatin.”Dehan Ministro Fransisco.