MAPKOMS: Aprezenta rezultadu peskiza kona-ba Sidadaun Nia Asesu ba Meius Komunikasaun Sosial

Reportajen : Meke Magno Nazaria

Ministru Asuntus parlamentar Komunikasaun Sosial (MAPKOMS) realiza semináriu nasionál aprezentasaun rezultadu peskiza kona-ba Sidadaun Nia Asesu ba Meius Komunikasaun Sosial. liu husi Diresaun Nasional Diseminasaun Informasaun (DNDI) ne’ebe iha papel importante ba area komunikasaun sosial.

 Partisipante ba Seminariu Nasional  mak ministru  Mapkoms, reprezentante husi Sekoms,  Prezidente interinu Konsellu Imprensa ( KI ) reprezentante ofisialmente uniaun europeia, estudante universitáriu UNTL, UNITAL , lideransa Media sira, ajénsia internasional, Asiosaun  Jornlismu  Timor-Leste , no jornalista sira.

Oradór prinsipál iha semináriu ne’e mak Ministru Mapkoms , Fransisco Martins da Dosta Jeronimo, Reprezentante Sekoms, Ojorio Almeida, analizador, Filipi da Silva, Analizador Hermenegildo Xavier  no Diretor Diresaun Nasionál Diseminasaun informasaun (DNDI), Estevao da Costa Belo, hanesan  loke abertura ba semináriu. Semináriu refere hala’o iha Salaun Delta nova -Dili, Timor – Leste.  Kinta  – Feira. (10/11/2022).

Diretór, Diresaun Nasional Diseminasaun informasaun (DNDI) , Estevao da Costa Belo, hateten.” Objetivu husi semináriu ida ne’e,  hato’o rezultadu peskiza kona ba sidadaun ne’ebé asesu  ba medìa komunikasaun sosiál  direta. Atividades ne’e husi Asuntus Parlamentár no Komunikasaun Sosiál liu husi  Diresaun Nasionál Diseminasaun informasaun.  papél importante ba área komunikasaun sosiál  ne’ebé suporta programa ida ne’e, iha prioridade tinan rihun rua rua nulu resin rua (2022).

Bazeia ba komunikasaun, no atividade semináriu ida ne’e, kompleta ba lei Diresaun Nasional Diseminasaun informasaun, liu husi departamentu peskiza analiza média.  Departamentu peskiza analiza hanesan garantia liberdade espresaun  asesu ba informasaun liu husi programa diresaun dé informasaun diseminasaun, governante iha programa  dezenvolvementu. Atividade peskiza ba publiku nia asesu meius komunikasaun sosiál ,  no nia objetivu maka atu aprezenta rezultadu peskiza kona ba públiku nia asesu ba medìa komunikasaun sosiál.

Atu kompleta rezultadu  finál peskiza ida ne’e, simu sujestaun, kritika husi kolega sira, audiénsia ho partisipante tomak  iha semináriu ida ne’e.” 

Peskiza ne’e hahú iha fulan maiu tinan rihun rua rua nulu resin ida (2021) to’o iha fulan agostu tinan rihun rua rua nulu resin rua (2022).

Diretòr Estevao Belo hatutan “ Seminariu ida ne’e Rezultadu husi peskiza ida ne’ebé hahú  halo husi fulan Maiu tinan rihun rua resin ida (2021)  to’o Agostu tinan rihun rua resin rua (2022), ne’ebé halo ona husi munisípiu sanulu resin haat (14)  inklui Raeo,  totál hamutuk  rihun rua atus tolu sia nulu resin tolu (2.393) prosesu rekolla amostra ne’ebe  halo iha postu administrativu rua (2)   husi kada munisípiu iha territoriál  laran no husi suku hitu nulu resin ida (71 ) no iha universidade rua (2), ne’ebe mak iha komunikasaun sosial.

Ida   ne’e aplika iha prosesu rekolla dadus mak uza  kestionariu   fahe ba sidadaun sira ne’ebé uza  komunikasaun no mós  asesu ba informasaun nian iha munisípiu , prosesu peskiza ida ne’e la’o durante tinan ida  no nia orsamentu la’o husi orsamentu jerál estadu nian iha tinan rihun rua rua nulu resin rua (2022) nian.

Prosesu ida ne’e remata iha kolaborasaun dadus ne’ebé plenária ona   ho kontinua husi prosesu kolaborasaun dadus liu husi analiza dadus  no prosesu hakerek relatoriu bazeia ba dadus ne’ebé   kolekta ona,  Mapkoms sente  katak atividade peskiza ida ne’e hasoru dezafiu barak, iha prosesu rekolha dadus, kolekta dadus, analiza hodi finaliza to’o mai  etapa aprezentasaun rezultadu ohin loron.“

Entretantu Ministru Mapkoms, Fransisco Martins da Costa Jeronimo hateten,” Polítika governu nian kona-ba liberdade espresaun, liberdade imprensa, liberdade atu hetan asesu ba informasaun iha Timor-Leste la’o  no avansa nafatin.

 ita hotu hatene katak polítika governu nian sempre la’o nafatin ba oin, oinsá  mak  liberdade espresaun ,liberdade imprensa , liberdade atu hetan asesu ba informasaun iha Timor-Leste ne’e laiha ida mak hapara netik no  governu se de’it mak mai nia tenke fò espasu, apoiu atu nune’e liberdade ne’ebé mak ita konsagra iha konstituisaun tenke sai buat ne’ebé ita hotu nian, tenke realiza iha ita hotu nia atitude, hotu hotu iha nasaun ida ne’e, importante mak ne’e, lei iha leten, ita hotu hakru’uk  ba lei.

Agora kolia kona-ba oinsá mak ministériu nia papél , ha’u hanoin ministériu ba asuntus parlamentár komunikasaun sosiál  , ministériu ne’ebé foun , hahú harii iha tinan rihun rua rua nulu (2020)  depois ministériu ne’e mai atu harii buat lubuk ida.

Ha’u atu hateten katak Timor-Leste hetan ita nia sistema demokrátiku iha  tinan rihun rua rua  (2002)  depois dé referendum ita tama iha independénsia  ita hetan, ita nia sistema demokrátiku ne’ebé mak konsagra iha konstituisaun, konstituisaun fó dalan ba hotu hotu.

Tinan rua nulu ona (20) demokrasia la’o maibé sei presiza hadi’a buat barak ,  atu sai sistema  ne’ebé di’ak  justu ba ita hotu, konseitu demokrasia sustentavel  katak ita labele garantia demokrasia  ho desizaun ida husi governu  ho lei ida husi parlamentu ka despaixa ida husi prezidente nian, maibé atu garantia demokrasia sustentavel ita presiza opiniaun publika ida ne’ebé forte, partisipativa informadu no ho kapasidade atu halo intervensaun públiku.“

Demokrasia mai husi partisipasaun no kontribuisaun ema hotu nian, atu hadi’a demokrasia nasaun nian governu tenke nafatin reforsa setór komunikasaun sosiál tuir lei iha artigu sira no responsabilidade atu asegura liberdade independénsia repúblik komunikasaun sosiál.

“ Demokrasia ita halo ho ema hotu nia partisipasaun no kontribuisaun, ne’e hodi hadi’a ita nia demokrasia, governu tenke aumenta nafatin  asesu demokrátika ba meius komunikasaun sosiál sira hotu , ne’ebé ema hotu bele asesu ba no garantia independénsia husi média relasiona ho podér politik no ekonómiku.

Liberdade imprensa ne’ebé hanesan komunikasaun sosiál sira  ,direitu ne’ebé konsagra iha artigu haat nulu resin ida (41) konstituisaun dé repúblika dé Timor – Leste nian , nune’e estadu tenke garantia regulasaun nian, atu evita violasaun  dé fundamentál  seluk tan, no mós estadu tenke fó kontribuisaun  atu reforsa nafatin setór komunikasaun sosiál nian, ida ne’e inklui responsabilidade atu asegura liberdade independénsia  ou repúblik komunikasaun sosiál nian , relasiona ho podér polítiku no mós garantia ezisténsia servisu públiku rádiu no televizaun.“ Ministru MAPKOMS sublinà.

Ministru Mapkoms Fransisco informa , Ministériu  Asuntu Parlamentár Komunikasaun Sosiál (Mapkoms) define prioridade boot haat (4) :

“ Tuir artigu sanulu resin neen (16) dekretu lei númeru  rua nulu (20) tinan rihun rua rua nulu  (2020) ,loron rua nulu resin ualu (28) fulan maiu, alterasaun dahuluk ba direitu lei númeru  sanulu resin haat (14) tinan rihun rua sanulu resin ualu (2018) loron  sanulu resin hitu (17) fulan agostu kona ba orgaun oitavu governu konstitusionál  ministériu ba asuntu parlamentár komunikasaun sosiál nia funsaun atu halo konsepsaun , ejekusaun ,koordenasaun no avialasaun polítika publika ba área komunikasaun sosiál , nune’e ministériu asuntu parlamentár komunikasaun sosiál define prioridade boot haat (4) :

Dahuluk, relasiona ho realizasaun no regulamentasaun ne’ebé presiza ba área komunikasaun sosiál , ita iha lei komunikasaun sosiál  hira maibé ita mós presiza lei radiuvizaun ne’ebé oras ne’e dadaun ministériu esforsu hela hamutuk parlamentu sira, diskute hotu ona hein de’it   atu aprovasaun iha finál globál parlamentu nasionál.

Dahruak  haforsa komunikasaun sosiál nian hodi garantia liberdade ba independénsia, ne’e komitmentu governu nian tenke fó forsa ba setór komunikasaun sosiál sira.

Dahtoluk atu fó tulun ba komunikasaun sosiál atu promove  identidade no kultura Timor-Leste nian , ida ne’e importante tebetebes, durante ne’e média hotu hotu kolia mak polítika de’it maibé kultura nunka fó atensaun , espasu ki’ik oan hela, presiza tan peskiza ida atu hare espasu iha ka lae ba média sira hare ba kultura Timor nian.

Dahat, garantia ba supretendensia no  tutela ba  guarda komunikasaun sosiál estadu nian.” Katak Ministru MAPKOMS.

Iha  pontu haat (4)  mak governu sei halo hodi dezenvolve setór komunikasaun sosiál.

“ Iha pontu primeiru kolia kona-ba estadu presiza regulaniza no hadi’a, módulu ligasaun sira husi setór komuniksaun sosiál inklui revizaun ida kona ba lei komunikasaun sosiál ,ami diskute ona.

Estadu mós tenke elabora regulamentasaun sira ne’ebé presiza atu kumpre , regulasaun no garantia  efektiva regulasaun setór sira hotu, lei sira ne’e presiza atu halo.

responsabilidade konsellu imprensa tuir lei ne’ebé eziste ,ne’e mós ita presiza fó hatene ba malu.

Pontu segundu estadu tenke asegura polítika apoiu sira ne’ebé garantia imprensa sira , para atu bele la’o nafatin ba oin, joven sira tenke iha kbiit.

No iha tinan hira kotuk liu ba, iha lei ida kona ba fó apoiu ba ita nia média sira, depois to’o iha  ita prezidente repúblika hetan veta ,ami hare fila fali ona atu oinsá mak ami buka fali meius  , maibé la taka dalan ba governu atu hare meius seluk , karik média na’in sira iha ne’e, balu ne’ebé mak sente hetan apoiu ruma , la’os modelu dehan atu fó de’it   maibé iha dalan ne’ebé mak ita bele utiliza tuir lei  fó dalan katak bele liu husi apoiu sira la presiza tenke fó diretamente fó apoiu ba média sira ida ne’e ministériu halo atu nune’e bele ajuda média sira  moris nafatin , iha tempu defisil  mós sira bele bok an nafatin, fó nafatin informasaun ba ita nia komunidade tanba iha ne’e estadu mós fó apoiu ba média komunikasaun privadu sira  no mós rádiu komunidade sira iha nivel munisípiu. Ha’u hanoin ne’e la’o manas hela, sira mòs la para, sira mòs hetan mezmu ki’ik oan maibé bele funsiona nafatin.

No mós oinsá atu fó apoiu ba jornalista sira liu asosiasaun jornalizmu ,ita iha asosiasaun tolu (3) ne’ebé mak iha , sira mós hetan apoiu maski la boot liu maibé sira mós hetan apoiu husi estadu.

No ba pontu datoluk , tanba importante lóos atu defende no proteje identidade kultura Timor nian, ita presiza fó atensaun másimu ba ida ne’e, ita hotu hotu , governu no mós média , ba saida mak ita nia prezidente repúblika promove kona ba festivál múzika sira , ne’e ha’u hanoin ida ne’e importante ita hola parte atu nune’e bele promove ita nia kultura sira , identidade Timor nian iha eventu sira hanesan ne’e.

Iha ida fali   atu rezolve oinsa atu  iha kualidade ne’ebe boot liu iha média Timor nian, estadu tenke buka solusaun atu promove produsaun ne’ebé di’ak iha rai laran .

ikus lius atu garantia ezisténsia konstitusionál nian  atu proteje ema hotu ninian direitu inklui husi minoria sira , estadu tenke garantia servisu rádiu no televizaun ho kualidade tuir lei ne’ebé  eziste iha ita nia rai maski presiza hadi’a beibeik “ Ministru MAPKOMS  akresenta.

Iha biban ida ne’e  Xefe Departamentu  ba Peskiza no Analiza Média , Sra. Lidia Assuncao das Naves hateten “

Bazeia ba peskiza, dadus ne’ebe  iha  porsentu husi ema ne’ebe la asesu ba média radiu ho jornal  a’as liu ema ne’ebe  mak asesu ba mèdia radiu no jornal,  no porsentu ema asesu ba televizaun a’as liu ema ne’ebe  la asesu ba televizaun.

Ita haree kada meius ida-idak,  iha jornál ida ne’ebé mak asesu ona iha  rihun ualu pontu tolu nulu resin tolu porsentu ( 8.32%)  ba ida ne’ebé mak seidauk asesu iha Rihun sia nulu resin ida pontu neen nulu resin ualu porsentu ( 91.68%).

iha rádiu nian, ida ne’ebé mak asesu ona iha Rihun rua nulu resin neen pontu neen nulu resin neen  porsentu ( 26.66% ) ida ne’ebé mak seidauk asesu iha rihun neen nulu resin tolu pontu tolu nulu resin haat porsentu ( 63.34%) .

iha Televizaun nian, ida ne’ebé mak asesu ona iha rihun neen nulu resin lima pontu haat nulu resin ualu porsentu  ( 65.48% ), no ida ne’ebé mak seidauk asesu iha rihun tolu nulu resin haat pontu lima nulu resin rua porsentu ( 34.52% ).

iha media internét nian , ida ne’ebé mak asesu iha rihun haat nulu resin neen pontu tolu nulu porsentu (46.30%) no ida ne’ebé mak seidauk asesu ba internét iha rihun lima nulu resin tolu pontu neen nulu porsentu ( 53.60% ).

ne’e ita haree kada meius média ida-idak , se’e ita tau meius haat ne’e hamutuk ne’e asesu iha  tolu nulu resin hitu porsentu ( 37% ) ne’ebé mak asesu ba rádiu, televizaun, jornál, internét, enkuantu ne’ebé mak seidauk asesu iha neen nulu resin tolu porsentu ( 63%).” Dehan Lidia.

Peskiza ida nee,  nu’udar  peskiza ba dahuluk kona ba sidadaun nia asesu ba meius komunikasaun sosiál  no iha  tinan oin sira sei kontinua hahú  halo peskiza ida kona ba  kauza oinsá  sidadaun la asesu ba meius komunikasaun sosiál.

“ ita halo peskiza ne’e hodi intervista no fahe kestionáriu ba respondente sira , ita husu kada respondente sira nian hatán ita voka sira nian resposta sira ne’e.

Ita prova bazeia ba planu ne’e, ita ba fali iha tinan kotuk  , ita halo iha munisípiu ualu (8), ita uza orsamentu  maibe ita gasta la to rihun sanulu resin sia   (19.00) , ita gasta uza viagem ba lokál de’it , só selu de’it  ba perdiem funsionáriu,  ita la gasta ba buat seluk.

Peskiza  ida ne’e Foin primeira ves mais atividade ne’e halo durante tinan kotuk liubá, ita hahú komesa ba foti dadus iha fulan maiu iha tinan rihun rua rua nulu resin ida ( 2021 )  nian , to fulan agostu tinan ida ne’e foin rremata. Ita hala’o atividade ne’ebé foti dadus iha munisípiu sanulu resin haat (14), suku atus ida ida (100) iha postu administrativu rua nulu resin hitu (27).

Peskiza agora hala’o ne’e, ita foin buka atu hatene de’it oinsá sidadaun sira nian asesu ba informasaun liu husi meius saida, mak sira uza hodi haree ba informasaun sira ne’e, ita seidauk hatene kazu  no tanba saida mak sira la asesu , maibé iha planu iha tinan oin sei kontinua peskiza foka liu ba kauza husi oinsá sidadaun la asesu ba meius sira ne’e. ” katak Lidia.

Aleinde ne’e Reprezentante Sekoms , Ojorio Almeida  informa kona-ba programa kampaña kombate hoax ne’ebé lansa iha tinan rihun rua rua nulu (2020).

Tuir reprezentante Sekoms , Ojorio Almeida  hateten “ programa kampaña kombate hoax hahú lansa iha tinan rihun rua rua nulu (2020) ,  tinan rihun rua rua nulu resin ida (2021) kontinua no tinan ida ne’e  sekretáriu estadu komunikasaun sosiál alerta atividade ida ne’e,  liu husi literasia dijitál  ho votu ba estudante sekundária jerál tékniku , inklui mós ba universitáriu sira , sekoms nia programa ida ne’e iha tempu hirak ba kotuk, ita hetan mòs apoiu servisu hamutuk ho plan internasionál ba iha programa ne’ebé mak iha no liga ba programa PLAN nian ne’ebé ita mós sei halo  kampaña ba estudante ho inan-aman liu-liu ba internet seluler.

Kona ba literasia dijitál ha’u hanoin audiénsia hotu hotu ,komunidade hotu hotu ita akompaña  katak iha ámbitu evolusaun ACTI , iha ámbitu globalizasaun era ohin loron nian, nasaun hotu hotu inklui Timor-Leste ita labele subar an ,  lakohi adapta saida mak dijitalizasaun , iha era dijitál, hakarak ka lakohi ita buka atu komprende  oinsá atu uza tuir nia benefísiu , pozitivu ba  vida sosiedade nia moris.“

Timor -Leste iha totál populasaun millaun ida pontu tolu (1.3 )  tuir estatika tinan rihun rua sanulu resin lima (2015) maibé dadus gráfiku ema uza telemovel ba sosiál medía no plataforma hotu hotu  maka’as liu, iha   millaun ida pontu haat nulu resin hitu (1.47 ) maka uza telemovel asesu ba sosial medía.

Ojorio Almeida   hatutan “ Kolia kona ba literasia dijitál oinsá atu ita iha kapasidade  no koñesimentu  uza internét ne’e ho di’ak no pozitivu ,iha ámbitu liberdade imprensa no espresaun iha kontestu medìa nian,  atu dehan katak iha Timor-Leste,  ita nasaun ida ne’ebé mak  mai ho independénsia ne’ebé mai ho mudansa no evoluasaun oin oin, ida mak kontestu dijitalizasaun ohin loron nian,  iha kontestu ida ne’e ita atu kolia katak  iha era globalizasaun iha kontestu medìa nian, publiku uza internét ka média sosiál  atu publika informasaun atuál no lalais , iha kualkér asuntu,  kualkér atividade no iha ne’eba mòs ita atu liga ba publiku nian.

Ami iha dadus oituan , iha ne’e ha’u atu hato’o lalais ba survei mundiál ida ne’ebé mak iha kontestu globál , tuir ita nia totál populasaun iha millaun ida pontu tolu (1.3 ) ita nia populasaun tuir estatika tinan rihun rua sanulu resin lima (2015) dadus foun nian ita seidauk hatene maibé ita bazeia ba dadus ne’ebé agora iha , no utilizasaun husi  plataforma hotu hotu liuliu liga ba média sosiál, youtube no seluk seluk ,  liu husi meius ka kanál  telemovel, ezemplu  gráfiku no dadus iha ne’e, ita nia totál populasaun millaun ida pontu tolu (1.3 ) maibé  uza ho telemovel millaun ida pontu haat nulu resin hitu (1.47 )   ne’ebé mak uza internét ho kanál ida ne’e, signifika katak totál populasaun kompara ho uza  internét ho telemovel ne’e liu fali , tanba dala ruma ema ida kaer telefone ho sim card liu fali telefone ne’ebé nia kaer , entaun ida ne’e mak ita cek ho dadus ida ne’e  iha diferente entre totál populasaun ho ema ne’ebé mak uza telemovel ba asesu internét , asesu média sosiál hotu hotu, tanba ida ne’e mak sekretáriu estadu komunikasaun sosiál sempre alerta liu husi kampaña iha fatin fatin, husu konsiénsia públiku oinsá atu bele uza telemovel ho saudavel, telemovel ho  pozitivu ,iha kontestu  liberdade espresaun  atu hetan informasaun.“

Iha tinan rihun rua sanulu resin neen/ hitu (2016/2017) ba leten Timor-Leste iha evolusaun boot  ba plataforma liu husi mèdia televizaun no mèdia imprime jornal, iha mos mudansa transformasaun mèdia nasional ba mèdia dijital.

“  Fila fali ba kontestu Timor -Leste ukun an , karik la sala iha tinan rihun rua  resin neen / hitu ba leten, iha Timor -Leste evoluasaun  boot ba plataforma sira ne’ebé iha mak ita uza ,la ses husi medìa hanesan RRTL, GMN TV no televizaun sira seluk oinsa atu esforsu ba  live streaming dijitalizasaun atu labele hela ho mudansa ne’ebé iha .

Ohin loron iha mos media imprime sira hanesan jornal iha mos podcast , ho mudansa no evolusaun ne’ebe mak iha  oinsa atu kompete ho  kreatividade ho plataforma hotu hotu atu nafatin asegura , informasaun ne’ebe mak loos , informasaun ne’ebe mak kredivel  , notisia ne’ebe tuir kriteria baziku jornalista nian.

Ihá biban ida ne’e ohin atu hato’o rezultadu peskiza katak  iha kontestu ida ne’e , iha mudansa ka transformasaun  husi medìa nasionál ba medìa dijitál  , espasu ida ne’e ita hotu hotu tantu medìa ka ou parte hotu hotu atu kontribui ba espasu pozitivu hodi fornese informasaun ne’ebé loos no kradivel ba públiku.“ Ojorio sublina.

Sekoms tenta nafatin kombate hoax (lia falsu), informasaun la loos ne’ebe manipula husi autor sira ne’ebe iha interense  hetan prevelenzu no lukru.

“ Liga ba kampaña kombate hoax ,  termu hoax , ha’u hanoin ita hotu hatene saida mak hoax, hoax katak lia falsu , informasaun ne’ebé ema manipula sai hanesan informasaun ne’e loos maibé informasaun ne’e la loos no falsu , nia objetivu mak atu manipula informasaun no dala ruma atu atinji autór nia interese , tanba dala barak lansa hoax iha públiku ne’e la’os ema baibain, la’os estudante baibain maìbe   lansa informasaun hoax ho gráfiku boot ne’e mai husi autór  sira ne’ebé iha  interese oinsá atu manipula informasaun hoax ho objetivu ida atu hetan prevelezu ,ba autór seluk para hetan lukru  no seluk seluk.

Tipu hoax ne’e baibain la bazeia ba dadus, la bazeia ba informasaun lolos maibé sira manipula sai informasaun   ne’ebé mak la tuir kontestu ou faktus ne’ebé iha, oinsá ita atu kombate , minimiza hatuun gráfiku hoax ne’e, ha’u hanoin ita parte hotu hotu nia kontribuisaun oinsá para ita sosializa ,sensivel  atu ema hotu hotu bele uza internét ho saudavel no pozitivu, ita iha inisiativa katak hoax neineik  bele redús maski la lakon.“

Mapkoms no Sekoms halo atividade lubuk ida hodi bele minimiza hoax ka informasaun falsu.

“ Mapkoms no Sekoms iha konseitu  literasia dijitál ne’e, ita mós ho sub- atividade lubuk ida ne’ebé mak  oinsá atu kontribui minimiza hoax , hodi bele utiliza internét pozitivu ho saudavel , porezemplu mak iha tinan kotuk ita fo formasaun medìa  dijitál ba grupu juventude sira ,  ita  mós iha atividade ida mak kompetisaun kreator ou joven kreativu sira , tinan ida  ne’e mós ita halo, oinsá atu joven sira hatudu no eksplor sira nia kreatividade , hodi hetan buat ne’ebé pozitivu no iha benefísiu  ne’ebé diak ba joven nia moris.

Ho atividade in diretamente oinsá atu kontribui karik  bele redús gráfiku hoax ka lia falsu tun neineik , tanba ita hotu akompaña katak hoax ka lia falsu ho nia frekuénsia boot liu ne’e iha momentu eleisaun antisipada maka’as liu ,  ita hotu nia esperansa katak   kampaña no eleisaun tinan rihun rua rua nulu resin tolu ( 2023)  hoax ne’e labele  hanesan eleisaun antisipada.

Hoax nia frekuénsia maka’as liu mós iha  momentu covid-19 , mósu konteúdu barak ne’ebé mak dehan kona ba vasinasaun, kuandu vaksin  la hetan oan, sei moras, sei mate,   ne’e hotu hotu hoax,  informasaun falsu husi autór ne’ebé iha interese oinsá atu trava polítika governu  momentu ne’ebá kolia ba  vasinasaun oinsá atu bele fó protesaun ba komunidade  atu la bele monu ba risku covid-19 ” Ojorio hakotu.