Debate OJE ba Proposta Alterasaun 70  

Reportajen: Meke Magno Nazaria

Debate Orsamentu Jeral Estadu (OJE) espesialidade ba proposta alterasaun Hitu Nolu (70), iha uma Fukun Parlamentu Nasional,  Segunda – Feira. (11/11/2024).

Debate OJE ba Proposta alterasaun  Hitu Nulu (70), inklui mós proposta husi Presidente da Republika, Sr. Dr.Jose  Ramós Horta ho totál programa lima (5) ,no ho nia totál orsamentu Milaun Sanulu pontu Atus Ualu Haat nulu resin Haat pontu atus ida lima nulu resin ida (10.844.151 USD).

Programa lima (5) ne’ebé Prezidente da Républika iha  mak hanesan; Programa Funcionaménté é Désénvolviménto Institucional, ho proposta orsamentu $7.672.901. Programa Réforca as Rélacoés é Coopéracoés Intérnacionais, ho orsamentu $150.000. Programa Fortaléciménto da Démocracia, Constitucionalidadé, Paz , Défésa é Séguranca, ho orsamentu $418.750. Programa  Iniciativas dé Désénvolviménto dó Présidénté da Républica ho orsamentu $1.367.500, no Programa Désénvolvér um sistema dé Comunicacao Institucional ho orsamentu $1.235.000.

Proposta Orsamentu ba Prezidente da Repúblika  hetan, Afavor 41, Kontra 12, Apstensaun 10, Signifika Proposta Orsamentu Prezidente da Repúblika Pasa iha votasaun.

Aleinde ne’e iha debate espesialidade Proposta Alterasaun, iha Proposta neen (6) mai husi deputadu bankada fretilín, PLP, Khunto, propenente proposta rua (2) la’os husi Komisaun A, proposta neen ne’e maioria kona-ba redusaun orsamentu viajen estranjeiru ba Presidente da Republika Timor-Leste, no mós apoiu osan ba atividade  seluk husi Presidente.

Iha intervensaun Destinta deputada husi Bankada Fretelin, Sra. Norima Ribeiro Alkatari hateten “Ita tenke hanoin katak iha tempu ne’ebé, ita nia Nasaun doben Timor-Leste  maksimiza impaktu husi  gastu, esensiál ita atu  fó prioridade liu ba  área sira ne’ebé bele fó benefísiu  direitu,  tanzivel ba populasaun,  no evita aumenta setór sira ne’ebé   laiha nesesidade. Ami atu hamenus orsamentu  husi prezidente da repúblika ba programa  ida rihun lima nulu  ($50.000) hanesan ba iha orsamentu tinan rihun rua rua nulu resin haat nian (2024) desizaun ida ne’e. Bazeia ba repetisaun sentividade meta sira no objetivu husi planu 2025 nian, tanba medida ida ne’e garante katak, alokasaun tinan ida ne’e sufisiente ba tinan oin mós. Ida ne’e bele garante katak, rekursu sira ne’ebé ita aloka sei uza ho efetivu, husi Estadu mós hatudu komprimisu katak, iha responsabilidade ba Fiskal no ba ita nia sidadaun Timor oan sira nia moris di’ak, nune’e ami husu konsiderasaun  husi Prezidente da Repúblika no Governu rasik, atu bele konsidera ami nia sujestaun no rekomendasaun ida ne’e,  atu ita bele iha jestaun ba rekursu Estadu nian ho di’ak liu tan”  tenik Norima.

Enkuantu ne’e Distinta deputada husi Bankada PLP, Sra. Maria Angelina Lopes Sarmento hato’o nia intervensaun relasiona ho programa Prezidente da Republika.  

Maria Angelina hateten “ Prekupa ho osan ba fundu petrolíferu atu hotu, Osan ne’ebé mak sustenta hela  mákina do Estadu, sustenta hela ba ita nia orsamentu jerál dó Estadu, ho atividade sira, hanesan programa nafatin, maibé atividade diferente , husi Presidente ida ba Presidente seluk, ne’e deskreve iha Livru orsamentu ne’e, se ita haree fila fali, tuir konstituisaun fó kompeténsia  ba parlamentu nasionál atu autoriza prezidente da repúblika nia viajen, ita konta husi 2022 até 2024, totál tolu nulu resin tolu (33).

Presidenti vizita ona Nasau (33) autoriza husi Parlamentu Nasionál durante mandatu Prezidente da Republika, perguntas maka ne’e, viajen sira ne’e ita hetan benefísiu saida, tanba viajen sira, despeza, atravez Orsamentu Jeral dó Estadu. Ita presiza kuidadu iha utilizasaun fundu petrolíferu ne’ebé tinan sanulu tan mai hotu, Nasaun kiak ita tenke  konsidera hanesan Nasaun kiak,  labele mentalidade, komportamentu hanesan Nasaun  riku. Tuir lolos ita mak bolu ema mai la’ós ita mak sai beibeik lori hotu ita nia osan ba gasta iha rai li’ur, ho nune’e maka ami husu atu Governante sira. Nai ulun sira tenke kuidadu atu uza ita nia osan husi fundu petrolíferu, maneira gasta tenke ho  kuidadu liu tan, vida husi fundu petrolíferu ita sei bele dada liu tan husi tinan sanulu.”

Destinta Deputada Maria Angelina husu Governu atu tau atensaun liu ba setór  Saude, Edukasaun, no ai-han ne’ebé bele fó benefísiu direita ba povu nia vida moris.

Maria Angelina hatutuan “ Husi  sorin seluk propenente sira mós fundamentál katak,  ita nia problema internál iha ita nia rai, ita presiza  atu fó atensaun iha setór saúde , setór edukasaun, ai-han ne’ebé mak sei karun, ema barak labele asesu ba edukasaun ne’ebé kualidade, favór ida ita fó atensaun ba kestaun sira ne’ebé ita nia povu presiza liu, atu nune’e osan ida ne’e iha duni benefísiu direita ba povu sira nia vida loroloron.”

Aleinde ne’e iha intervensaun husi Bankada PD, Sr. Antonio da Concecao, Kalohan la konkorda ho Proposta husi bankada Fretilín, PLP, ho khunto kona-ba redusaun ba Viajen Estranjeiru Prezidente da Repúblika nian.

Destintu Deputadu Antonio Kalohan afirma “ La’os atu kolia ba ita nia an de’it, ita mós kolia ba ema hotu, ne’ebé mak mai uza Timor hodi halo dezenvolvimentu iha Timor nian, tanba ha’u hanoin Presidente da Republika uza oportunidade diplomasia ne’ebé mak nia tenke hodi reforsa ita nia Estadu ba komprimisu sira ne’ebé mak ita halo ona ba rai  ne’e, hodi hare ba kestiona sira hanesan, malnutrisaun, ida ne’e responsabilidade Nasuan, Presidente  da Republika ema ida sensivel ba ida ne’e, la’os nia atu foti responsabilidade Governu nian maibé partisipa iha entermu da Governu sira no mós partisipa iha koñesimentu diploma .” Nia hakotu.