Juventude Iha Politiku:  Debate Politìku entre PLP, CASDT no PST

Reportajen : Meke Magno Nazaria.

Feto Juventude  iha politika  husi partidu PLP, Maria Eliza. Foto husi: Nandes Araujo

Sorumutu entre  Juventude iha partidus polítiku ne’ebé foin hahú partisipa iha eleisaun no juventude strutura Munisipiu, Partisipa iha programa debate públiku ne’e Kompostu husi, Partidu Libertasaun Popular (PLP), Partidu Sosialista Timor (PST) no Centro Asociaçāo  Socialista Democratica Timor-Leste (CASDT) ne’ebé  mak realiza husi CNE  servisu hamutuk ho Radio Televizaun Timor-Leste (RTTL).

 Debate refere iha balansu entre joventude  feto no mane.  Iha debate nee koalia kona-ba asuntu

infrastrutura baziku, ekonòmia, dezempregu, Juventude no setòr justisa. Hodi refleta ba programa partidu politiku  tinan 5 iha eleisaun parlamentar 2023. Debate refere realiza iha Museum Rezistensia Nasional, Dili, Timor-Leste. Kinta – Feira  (27/04/2023).

Dadaun ne’e, Timor – Leste iha faze  preparasaun, Eleisaun parlamentar ne’ebe sei akontese iha 21 Maiu  2023.   CNE nuda’ar orgaun supervizona eleitorès  oferese palku  debate  publiku ba  juventude no feto iha partidus politìkus.  

 Iha debate sesaaun dahuluk  Partidu politiku PLP, CASDT ho PST   hato’o konaba  sira nia  estràtejia politika,  hodi fò solusaun ba problema   kiak no mukit iha munisipìu 14 ne’ebe mak agora infrenta iha povu Timor -Leste nia moris.

Iha oportunidade ida nee, joventude PLP hato’o mos sira nia planu prioridade ba tinan 5 mai, no mos susesu neebe dadaun nee iha, liu husi VIII Governu Konstituisional atual ne’ebe lideradu husi Presidente PLP Jeneral Taur Matan Ruak.

 Reprezentante feto Juventude  iha politika  husi partidu PLP, Maria Eliza. Hatan ba perguntas dahuluk ne’ebe  fo husi moderador, hateten.”  Estràtejia ne’ebe di’ak hodi fò solusaun ba problema  kiak no mukit, maka Partidu Libertasaun Popular  mos iha objetivu importante balun, neebe mak trasa,  hodi redus kiak no mukit ne’ebe iha oitavu (VIII) governu implementa tiha ona.

Ita mòs kontinua hakarak lei ida ne’e implamenta fila fali, se karik governu ida ne’e kontinua ba iha IX governu konstusional.  nia sei iha kontinua fahe subside ba inan isin rua, ba mòs parte saùde para bele asigura hamenus malnutrisaun ba iha labarik kiik sira, no subside ba iha estudante sira , apoiu sira para oinsa bele eleva kualidade edukasaun. Iha mòs programa uma naroman ba povu sira, ida ne’e implementa tiha ona, maìbe se kuandu governu ida ne’e kontinua nafatin, ita bele halo di’ak liu tan ida ne’e, no mos politika sesta bazika ita sei kontinua aumenta tan atu nune’e bele suporta ba nesesidade  ema ki’ak sira nian, laos deit iha Dili laran maibe ba Timor-Leste laran tomak, tanba partidu libertasaun popular mai ho nia prinsipu importante katak ema mak  numeru un (1)  entaun iha prinsipu ita foka ba saùde ho edukasaun. Nasaun ida atu kualidade ita presiza halo uluk investamentu ba  iha setòr saùde no edukasaun.“

Husi Presidente juventude partidu CASDT,  Ricardo Pereira hateten solusaun husi CASDT liga ba problema kiak mak  setòr agrikultura.

Ricardo Pereira katak  “ Perspetiva husi CASDT  nian katak, kiak ne’e problema ne’ebe jeral tebes,  antes seidauk ukun an to’o ukun an ita kunesidu katak Timor  rai riku maìbe nusa nia povu kiak, tinan rua nulu (20) ita ukun an ita  kunesidu ho kiak, malnutrisaun, hahan laiha, moras , ida ne’e mak halo ema koloka ita katak nasaun kiak,  entaun solusaun ami iha mak ba liu iha fundu problema ida ne’e mak agrikultura ,se ita kiak tanba hamlaha entau ita presiza halo produtìvu liu iha setòr agrikultura, no ida tan mak edukasaun. Ita mukit ba edukasaun, se setòr rua ne’e ita la kiak ita bele hadi’a ita nia nasaun ida ne’e “

Partidu PST mòs  hateten agrikuktura mak industri ba Timor, no setòr agrikultura mak bele sai solusaun ba problema kiak iha rai laran.

 Joventude husi partidu PST, Dulcia hateten.” Agrikultura mak sai industri ba ita hotu atu habelar liu tan ba ita nia ekonomia, mai husi munisipiu, ezemplu husi ami nian suai, agrikultura ba kuda natar maìbe agora parte zumalai nian ne’e totalmente laiha liu, agora ita eksplor barak fos mai husi rai liur , ida ne’e PST la menta  tanba ida ne’e PST defende luta liu ba agrikultura hodi hadi’a ita nia nasaun“

Enkuantu partidu  PLP ,PST no CASDT mòs  kolia kona ba Asuntu Juventude tanba Timor-Leste mayoria ho joven, nune’e oinsa partidu nia estràtejia ba iha involvementu no kontribuisaun joven ba iha dezenvolvementu futuru.

Relasiona ho asuntu ida ne’e membru Joventude PLP, Maria. Akresenta  “ Oinsa mak ita atu mentaliza joven ou foin sae sira iha Timor leste, primeiru mak ita tenke iha kapasitasaun ba joven, wainhira joven atu inklina iha dezenvolvementu ne’e presiza kapasidade ne’ebe di’ak. Ita presiza fò formasaun hodi kapasita sira. Oinsa ho tekniku ida para sira bele halo servisu rasik. Empoderamentu ba feto no mane tantu mòs ba joven feto no joven mane sira ne’ebe mak defisiente. Ita presiza halo tratamentu ida ne’ebe di’ak ba sira hotu nune’e sira hotu bele inklui iha prosesu dezenvolvementu ida ne’e. “

Partidu PST  hateten joven ne’ebe hakarak transforma  tenke involve an iha vida politika.

Membru partidu PST, Dulcia katak “ Juventude ida ne’ebe mak hakarak transforma an ,nia involve nia an iha vida politika. Rai ne’e presiza mudansa ita tenke aprende politìk. Politìk mai ho ema ida ida nia konsensia, ho konsensia ita bele muda buat hotu hotu, PST defende katak edukasaun iha Timor-leste ida ne’e mak importante, eduka ema atu sai ema ,PST defende liu katak ema ida atu tane aas liu ema ida nia dignidade  ho ema ida nian, presiza moris ho konsensia “

Husi partidu CASDT hateten , juventude presiza edukasaun ne’ebe di’ak no teknologia internet ne’ebe di’ak atu nune’e joven sira bele halo sira nia kreatividade rasik.

Ricardo katak  ”  Partidu barak no inditidades barak mak koalia katak dezempregu makas ne’e mak parte joventude de’it maìbe lae iha definisaun juventude nian. Juventude  idade 15 to’o 24 sira laos direitu atu servìsu, maibe sira nia direitu atu tane edukasaun ne’ebe di’ak, hetan fasilidade teknologia ne’ebe di’ak hanesan internet,  tenke asesu di’ak ba sira atu nune’e bele fasilita sira nia estudu balun maske la estudu mos liu husi internet de’it mòs nia bele halo kreatividade rasik, bele haree idea balu iha internet ne’ebe bele implementa iha Timor atu nune’e , hamoris nia negosiu ou halo atividades ruma  ne’ebe bele fò benefisu ba nia hodi hasae nia rendimentu.“

CASDT  iha programa rasik  ba juventude sira,  programa formasaun profesional ba juventude Timor -Leste.

”  Kona ba juventude dezempregu,ita iha  programa rasik, foka liu  ba formasaun profesional, maìbe atu responde ba merkadu iha nasaun seluk presiza de’it Timor oan ba serivìsu iha rai seluk, CASDT nia  prespetiva, ita forma joven sira hetan kapasitasaun laos de’it atu responde ba merkadu rai liur sai traballadores maìbe ita kontinua halo perfomasaun  atu hasae kualidade nune’e numeru joven ne’ebe ba servìsu iha rai liur laos numeru mak barak maìbe kualidade. Ita mòs iha planu industri boot ida, industri petroliveru entaun ita tenke kria sentru ida forma  juventude  atu responde ba ita nia industria ne’ebe konsagra ona iha  ita nia biblia planu dezenvolvementu nasionàl,  ezemplu hanesan tasi mane, sei ita haruka hotu juventude potensial, matenek ba hotu liur , entau ita nia mehi  atu liberte ita nia mina,produs ita nia rai rasik,ita sei laiha ema atu servisu.“

Enkuantu partidu 3  ne’e mòs Resposta kona ba preokupasaun husi povu bain bain ,oinsa governu foun atu bele rejolve problema nesesidade povu nian iha loron loron liu liu kona ba folin sasan ne’ebe sae makas tebes iha rai laran.

PLP  resposta katak PLP iha vizaun klaru ,PLP  garante ema nia kondisaun moris ho di’ak.

Manuel Pinto hateten  “  koalia kona ba kualidade moris no  ekonomia, oinsa mak iha oportunidade  atu bele moris ho di’ak liu, tanba ne’e mak ami PLP mai ho vizaun ida klaru ba Timor,  primeiru konserta ba ema, halo timor ida ne’ebe  mak saudavel ,riku, vizaun atu ba to’o iha ne’eba, primeiru garante ema nia kondisaun moris ida ne’ebe mak dignu, nia iha produtividade iha sosiadade nia laran, maìbe ita iha tinan rua nulu, monu hela iha problema ne’ebe mak estruturante loos ba povu.“

Aleinde partidu  PST  hateten PST nia planu estràtejia ba problema nesesidade povu mak sira sei subside ba agrikultura iha fatin rua, almental no komersial.

Membru PST Agustinho hateten ”  Timor ne’e mayoria agrikultur maìbe ema nafatin halerik ba sasan sira ne’ebe mak agrikuktur bele halo, durante ne’e governasaun sira kolia kona ba agrikultur maìbe la tau osan ba agrikuktur, tau osan ba veteranus barak, ba organizasaun arte marsais, nusa mak ita labele tau fundus ba agrikultur ,para sira bele halo produsaun,  partidu sosialista Timor nia planu ida mak tenke fò subsidi ba agrikultur, fò subsidi ba iha agrikultur iha fatin rua ,ida mak almentar, ida komersial, almental ita fò subsidi para sira hakiak animal, kuda  modo, hodi bele haree sira nia moris, ida seluk mak ita fò subsidi para sira bele haree planu sira ne’ebe mak sira bele halo no produs hanesan kafe no hare, ita hakarak hamenus sasan ne’ebe mak ita importa mai Timor.“

Husi CASDT hateten ita presiza hasae produtu rai laran hodi bele fasilita nesesidade povu nian.

Ricardo Periera haktuir.”  Ita imfrenta hela krize sasan folin sae, maske mayoria laos item iha komersia nian maìbe ne’e problema ida,  CASDT haree katak ita presiza hasae ita nia produtu rai laran , sekarik impaktu husi mundìal sasan folin sae, pelhe menus ita iha alternativu, ezemplu  masin midar folin sae, ita iha Timor la kuda tohu maìbe ita iha bani been iha, entaun ida ne’e bele sai inisiativa hodi bele cover povu nia persija iha rai laran, ida ne’e mak politìka sira ne’ebe mak governu sira ou kolker partidu ne’ebe mak ukun presiza atu halo hodi tane nafatin povu nia nesesidade.“

Enkuantu iha segmen lian husi povu  ba partidu, povu husu ba partidu sira ne’ebe ba kaer governasaun tenke reforsa setòr justisa  ho di’ak  no balansu atu nune’e povu labele kestiona bebeik ba  justisa iha Timor leste.

Liga ba asuntu ida ne’e Partidu PST hateten sira sei halo repetisaun demokratiku atu nune’e povu labele kestiona ba justisa.

Agustinho afirma “ Repetisaun kode demokratiku  , repetisaun demokratiku tanba saida mak mosu tanba ema intervesaun kona ba ita nia lei ne’e rasik, atu foti fali justisa nemak ita tenke iha repetisaun demokratiku. Partidu Sosialista Timor ( PST ) hetan duni konviansa husi povu Maubere tenke halo repetisaun kona ba demokratiku. Repetisaun demokratiku ne’e ita halo ona, agora lao hela maìbe seidauk total ,ema barak kestiona kona ba justisa ,lei iha maìbe la lao, lei ne’e iha ema hotu hotu hanesan maìbe ema balun lao fali iha lei nia leten, ida ne’e mak ita hamosu projetu boot ida repetisaun demokratiku foti fali setor justisa ne’ebe mak ita hotu haree katak ema barak kestiona kona ba justisa.”

Partidu PLP hateten fundu problema justisa ne’e la’os iha Lei maìbe iha implementasaun.

Manuel haktuir “ Justisa ne’e hanesan ai rin ida iha Timor, ba ha’u ne’e la’os problema boot intede ba lei maìbe problema mak implementasaun, tanba ne’e mak iha intervesaun lubuk ida halo durante tinan barak , maìbe pelhe menus iha governasaun ida PLP hola parte ba, liu liu jendral Taur Matan Ruak lidera, ne’e seidauk koopera loos ho setòr justisa , ita haree iha publiku seidauk iha minutu ida ka ou oras ida ka jendral Taur interven kestaun justisa ne’ebe mak liga ho nia membru governu sira,  agora hahu interduce para atu halo oinsa para ita kumpri lei ne’ebe mak iha, ba plp la’os kastaun lei maìbe ita nia politika sira mak interven barak liu.“

Partidu CASDT nia prespetiva  ba setòr justisa mak, Justisa ne’e tenke lao ho balansu ba povu hotu hotu no labele iha diskrimina .

Ricardo tenik ”   Prespetiva CASDT nian iha setòr justisa ,presiza mak nia implementasaun tenke lao ho di’ak tenke balansu no di’ak ba povu hotu hotu, la’os parte balun ita diskrimina , parte balu ita valoriza, ministeriu justisa nian ita haree lao ho di’ak. Ita presiza modifika liu mak nia implementasaun ,presiza mòs kapasitas ita nia rekursu humanu iha area justisa ne’e presiza tebes,  liu liu kona ba lei konstrusaun  nian ,ida ne’e presiza.”  

Iha biban ida  ne’e partidus  CASDT informa  kona ba planu prioridade husi partidu  CASDT nian, no PLP mos hato’o sira nia programa ne’ebe mak agora sira hala’o hela.

Presidente juventude CASDT , Ricardo hateten ” CASDT nia planu prioridade foka liu ba agrikultura, formasaun profesional , justisa , turismo, Industria no asuntu seluk hanesan edukasaun. “

Memberu Juventude  partidu PLP, Manuel haktuir. ”  Tinan rua nulu resin ita hahu konsentra ita nia servìsu hotu hotu iha Dili, ita la fò oportunidade ba munisipiu sira , tanba ne’e mak PLP mai ho opsaun ida, hahu ona implementa desentralizasaun poder lokal nian,  agora dadaun hahu fò osan ba iha postu adminìstrativu, minisìpiu para halo nia servìsu, ida tan mak lei ida implementa ponti dezenvolvementu , ponti dezenvolvementu ne’e atu halo hodi bele fahe ita nia area Timor-Leste ne’e tuir ita nia geografika no potensia rekursu ne’ebe mak sira iha  atu nune’e fasilita, dudu ita nia dezenvolvementu, liu liu dezenvolvementu ekonomi.“

Entertantu ne’e   iha mòs juventude foin sae feto, Maria Eliza joven feto ne’ebe mak mai tuir partisipa iha debate politìku ida ne’e  hato’o hela nia prespetiva  liga ho papel juventude iha partidu politìku.

Maria Eliza hateten  “ Joven ida ne’ebe iha estadu direitu de demokratiku ita hotu hotu iha direitu atu desidi ita nia an ba grupu saida de’it ba partidu saida de’it, ita iha estadu direitu demokratiku. Ita atu hatene direitu demokratiku mak oinsa entaun ita presiza inkilina an iha partidu politiku para ita bele hatene loloos prosesu demokrasia , nuda’ar joven lalika tauk atu eskhola partidu politiku ida segnifika katak ita eskhola ita nia futuru, importante hanoin atu aprende no fò apoiu ba dezenvolvementu  nasaun Timor-Leste nian.”

Maria hatutan , istigma publiku mak sai razaun  juventude barak mak  tauk ou lakohi inklui an iha partidu politìku.

” Dala barak ita rona istigma husi publiku katak partidu politiku ladi’ak  tanba ne’e mak halo joven sira tauk, sai bareira boot atu joven sira labele inklina an iha partidu politiku, ha’u deseza ba joven sira hotu tantu feto tantu mane no joven ho defisensia ita boot sira lalika tauk eskhoila partidu politiku, partidu politiku saida spasu ida di’ak liu tan atu ita boot sira kuinese liu tan demokrasi iha ita nia rai.” Maria hakotu.