Reportajen: Meke Magno Nazaria
Sorumutu entre CNE ho partidus polítiku konkorrente Eleisaun parlamentár nian hodi ko’alia kona-ba preparasaun ” programa debate polítiku”, enkontru ne’e realiza iha, salaun Lariguto CNE Dili. Tersa Feira (25-04-2023)
Iha biban ida ne’e partidus politìku sira mòs dada numeru sorteiru hodi registu ba Programa debate politìku ne’ebe CNE atu realiza iha 27 no 28 Abril, 2023.
Enkuantu Palku debate politika ida ne’e, sei koalia mòs kona ba joventude no feto sira iha futuru.
CNE oferese palku importante ba partidu politìku sira atu halo debate politìku, liu husi palku ida ne’e partidus politìku sira iha oportunidade hodi bele esplika no hatudu sira nia papel ba publiku ho nune’e eleitores sira bele informadu bele ba vota ho masimu.
Presidente CNE, Josè Agustinho da Costa Belo hateten. “Objetivu husi inkontru ida ohin importante. CNE oferese palku importante ida ba partidu politìku sira. Aleinde debate publiku ne’ebe sei partisipa husi lideransa sira , maìbe espesial ba juventude no mòs ba feto sira , liu liu ba sira ne’èbe kandidatu. Palku ida ne’e fo oportunidade ba partidu politiku sira.
Ita mòs kolia kona tranzisaun, jerasionàl , koalia mòs kona-ba dezenvolvementu parte Juventude no feto nian, oinsa para kontinuasaun Timor-leste ba futuru. Debate ida ne’e, diferente ho debate sira uluk ne’ebe ba de’it partidu, maìbe agora ami oferese tan palku para sira bele esplika, hatudu sira nia papel, oinsa fò aproximasaun, materia ne’ebe di’ak, debate ne’ebe furak, para bele muda ita nia joven no populasaun tomak nia hanoin, oinsa iha tempu eleisaun bele fò votus ho masimu.“
Aleinde ne’e haree ba situasaun agora juventude mòs kuaze barak tebes , ida ne’e sai kestaun ida , juventude sira presiza koalia kona-ba sira nia nesedidade , sira nia konseptu, no sira nia kontribui ba oin.
Josè Belo hatutan ” Peskiza ne’ebe ita iha mayoria agora ne’e joven, liu liu sira kolia kona ba trabhallodor sira nia nesesidade , tanba ita haree iha ona idozus, iha terseira idade, veteranus, sira iha subsidu maìbe juventude sai mòs kestaun ida tanba juventude barak demaìs. Sira tenke koalia mòs kona ba sira nia nesesidade, sira nia konseptu, sira nia hanoin, no sira nia kontribui ba oin entaun liu husi dabate palku ida importante atu nune’e ema hotu asiste, karik povu ne’e fò fiar, eleitorès sira hakarak hili karik ida ne’e sai komitmentu joven feto ho mane ba iha futuru nian.”
Enkuantu debate ida ne’e gravadu , CNE sei koordena ho RTL atu nune’e bele fò sai dala rua atu nune’e kampañia ida ne’e ba hotu hotu tanba partidu sanulu resin hitu (17) sei partisipa hotu.
” Ita hakarak labele fò sai de’it dala ida maìbe bele mòs dala rua se tempu legal ne’e sei primiti , atu nune’e kampañia ida ne’e ba hotu hotu tanba partidu hotu partisipa, tratamentu hanesan, atu nune’e ema hotu ba eleisaun ne’e informadu, ema sente derasionàl fò sira nia votu tuir prestiva ne’e ita nia partidu sira hato’o, ita hakarak pensamentu ne’ebe iha ,visaun ne’ebe partidu sira iha liu liu joven ho feto, sira hato’o presitiva ne’ebe iha ,sira sente katak tinan lima sira aprende, tinan lima sira halo atividade.” Dehan Jose Belo.
Palku debate ne’e iha realiza iha salaun Mahoka, no CNE mòs prepara ona perguntas ne’ebe mai husi instituisaun estadu sira hodi fò ba partidus politìku sira.
” Fatin debate ne’e sei halo iha salaun mahoka, perguntas ami elabora ona, perguntas mai husi ita nia instituisaun estadu sira hodi halo debate ida furak iha dia 8 maio CNE sei halo seminariu ida hamutuk ho partidus politìku sira, hamutuk ho juventude ,estadu, liu liu ba iha ekonomia tanba presetiva banku mundìal nian kona ba Timor. Ita rasik labele dehan ita di’ak hela maìbe ema seluk dehan ita moras hela tanba ne’e ami servisu hamutuk no ajuda ita nia partidu politìku sira mai ukun karik bele halo dezenvolvementu ida ne’ebe di’ak ba ita nia rai.” tenik nia.
Entertantu ne’e presidente CNE informa, CNE mòs sei realiza tan debate entre partidu politika ho lideransa sira iha fulan Maio.
“ Planu ne’ebe iha , ita esplika ona ba partidus politìku sira katak, debate sei realiza iha 16,17,18 de Maio ,sei iha debate de’it ba iha partidu sira,ba de’it nivel partidu sei la kolia kona ba juventude no feto maìbe se la taka dalan karik partidu sira, haruka mai ne’e joven sira, ou feto mak mai reprezentante partidu ida ho lideransa sira ne’ebe iha, ita sei la taka dalan, maìbe ita nia hakarak ,debate ida ne’eba ne’e sai live ,ita fahe ba gropu primeiru, segundu no ikus ne’e partidu hotu hotu hamutuk ne’e para sira koñise malu ,ita fahe para hotu hotu bele hetan fatin ida ne’e.” Presidente hakotu.
Discussion about this post