Reportajen: Martinho Soares Amaral
Board fundasaun PATRIA, Filomena Baros dos Reis. Foto. Meke Magno Nazaria.
Fundasaun PATRIA no ONG Lima (5) seluk hetan apoiu fundus husi PLAN International no Uniao Europeia (UE). Maibé fundus refere la iha transparénsia.
Husi fundus refere, Patria konvida jornalista média rádiu komunidade no média privadu sira, ba prienxe formuláriu evaluasaun. formuláriu ne’ebé PATRIA fó kona-ba Lakunas ne’ebé mosu iha organizasaun. No Fundasaun PATRIA husu journalista atu servisu hamutuk, oinsa papel média fahe informasaun kona-ba igualdade jéneru iha eleisaun parlamentár 2023. Atividade refere hala’o iha salaun fókupers-Farol- Dili. (07/04/2023).
PATRIA mòs hala’o treinamentu ba jornalista sira. Ho objetivu, atu hakbiit journalista nia koñesimentu kona-ba igualidade jeneru. Liga ho elisaun parlamentár. Oin sa Journalista sira bele sensibel ba jeneru, hodi bele hato’o informasaun ne’ebe’ edukativu, iha kampaña no eleisaun parlamentár 2023.
Jornalista konfirma ho PATRIA kona-ba, fundus ne’ebé fó husi UE ba konsérsiu sosiedade sivíl 6 Maibe fundus refere la fó sai ba Jornalista sira tanba segredu.
Tuir board fundasaun PATRIA, Filomena Baros dos Reis hateten. “ Iha organizasun neen (6) mak asesu ba fundus ne’èbe apoiu husi UE, ne’ebe fò liu husi PLAN internasionàl hodi haree kona ba eleisaun parlamentar 2023.
Totál fundus ne’ebé iha la boot, mínimu tebes. Sensitivu uituan ami atu temi. Tamba UE seidauk autoriza ami koalia sai tamba la nominal.
Objetivu husi fundus ne’e mos atu haree liu ba eleisaun parlamentar ne’ebé mak atu hala’o iha 21 dé Maiu 2023. organizasaun neen (6) kompostu mai husi FOKUPERS, CAUCUS, AJTL, MOVE, JPEC no BELUN. Organizasaun sira ne’e, ida-idak halo nia servisu la’o tuir nia objetivu ne’ebé’ iha.”
Saida mak Fundasaun PATRIA nia papél.
“Fundasaun PATRIA nia Knaar mak halo aproximasaun servisu hamutuk ho mìdia, liu-liu ba iha Radio komunidade sira. Tuir avaliasaun UE iha eleisaun presidensial tinan kotuk liu ba, UE hare katak atu hakbi’it radio komunidade sira oinsa mak bele hato’o informasaun ne’ebe’ edukativu no iha sensivel ba jéneru.
Fundasaun patria nia servisu hamutuk ho mìdia, liu husi asesmentu. Atu hatene lakunas saida maka media sira presija. Hamutuk ita forma ona parseria ne’e ba oin, to’o iha Dezembru ita sei servisu hamutuk.
Ba oin fundasaun pátria sei servisu hamutuk ho média, hodi bele hakbiit rádiu sira. Hasai notísia ne’ebe’ maka iha sensivel no inkluzaun.” Katak Filomena
PATRIA Seidauk iha planu prioridade ba Midia.
Bazeia ba asesmentu Patria seidauk iha prioridade ne’ebé atu implementa ba média sira, maìbe fundasaun patria iha ona informasaun balun ne’ebé’e, atu fó ba média sira. Patria mòs servisu hamutuk ho AJTL oinsá para atu bele fó informasaun ba média sira.” tenik Filomena.
Objetivu prinsipál PATRIA
Filomena haklean liu tan.” Objetivu prinsipál fundasaun PATRIA nian mak oinsa atu bele fò informasaun ba midia sira. Oinsa mak mìdia sira bele halo kobertura koalia kona ba sensibilidade jéneru no igualidade jéneru.
Dala barak iha kampaña polítika sira, feto mòs sa’e iha palku kolia maibé feto nia direitu média sira la fò sai, maibé fó sai mak mane sira nian de’it tanba ne’e mak fundasaun PATRIA servisu hamutuk ho média hodi fó formasaun ida ne’e ba média, oinsá média sira bele konsidera ida ne’e. fundasaun patria nia mehi ne’ebé iha mak atu ajuda maluk média sira atu bele halo reportajen ida ne’ebé inkluzivu no sensibilidade jéneru.
Iha Tersa 11 Abril PATRIA no AJTL sei iha formasaun. Ko’alia kona-ba saida maka direitus humanus, direitus feto nian no labarik sira ne’ebé idade ki’ik bele tuir votasaun ga lae. Ita mos Ko’alia kona-ba protesaun labarik no jovem sira, liuliu idade seidauk to’o. Ita bele hare oinsá mak atu bele foti sa’e liu tan, feto sira nia lian, wainhira sira Ko’alia kona ba vizaun.”
Iha evaluasaun ida ne’e jornalista mìdia sira mòs prensa formulariu kona ba ekipamentus ne’ebe mak mìdia sira presija maìbe fundasaun patria rasik hateten sira laiha rekursu finanseiru atu respansabilidade ba lakuna sira ne’ebe mìdia sira prense maske atividade ida ne’e hetan apoiu fundus husi UE.
“Relasiona ho ekipamentu ne’ebe mìdia presija fundasaun patria laiha rekursu finanseiru ba ida ne’e. Ita la’o servisu hamutuk, buka nafatin informasaun depois mak bele hare ba oin no fulan sanulu nia laran maka ita foin koalia kona ba hakbiit malu iha sesaun sira.
koalia kona ba ekipamentus sira ne’e fundasaun patria labele fò buat ida. So, tau konsiderasaun de’it. Fundasaun patria mòs la hetan fundus finanseiu. Fundus husi UE maìbe liu husi plan internasional. Ita boot sira nia preokupasaun ami tau de’it konsiderasaun. Ami sei la promete buat ida maìbe, ita lao nafatin depois maka ita hare ba oin oinsa.
Fundasaun patria nian mak agora parseira ho ita boot sira oinsa atu hamrik. Oinsa atu hato’o formasaun ne’ebe edukativu, informasaun ne’ebe inklusivu no sensibilidade jeneru. ida ne’e mak ita sei lori ba oin, tanba ne’e mak ohin fahe ona karta evaluasaun husu ita boot sira koalia iha ne’èba ekipamentu ne’ebe mìdia presija, depois ita servisu hamutuk ba oin mak ita sei haree atu halo oinsa tanba ida ne’e hanesan konfidensialidade, kada instituisaun oinsa maka ami sei hare no hodi lao ba oin.
Ami halo asesmentu ida ne’e, puramente para atu bele hare ita nia abilidade oinsa maka atu bele hare formaliza ka formula notisia ne’ebe diak ba sira seluk ami sedauk promete buat ida.” Filomena afirma.
Enkuantu fundasaun PATRIA sei halo formasuan ida iha dia 11 no 12 fulan abril 2023 ba mìdia radio komunidade sira.
Filomena haklean ” Bazeia ba resultadu asesmentu ne’e, saida maka patria sei halo iha futuru oin mai, ida ne ita sei hare iha formasaun nebe ami sei halo iha dia 11 no dia 12 depois ita hare tiha, ida ne’e ita sei hare diskusaun ruma depois ita sei halo workshop. Ami sei lao ho ida ne’e sei iha tan buat ruma, ita sei koalia iha formasaun tuir mai.
Indikador husi asesmentu ne’e maka atu hakbit journalista nia kapasiade kuinesimentu konaba materia. Ami la iha kapasidade tanba ne’e maka ohin ami dehan, koalia konaba rekursu finanseiru ami laiha. Ita bot sira nia preokupasaun ami sei kolia hamutuk.
Asesmentu ne’e halo atu hare liu ba abilidade oinsa, bele halo formulasaun no notisia ida ne’ebe maka inkluzaun no sensibilidade.
Tuir evaluasaun ne’ebe UE hare, tanba sa maka husu fundasaun patria servisu hamutuk. Oinsa maka hodi hare tanba iha notisia barak maka sensibilidade jeneru la sa’e.
Ita hein katak ho elisaun ida ne’e hotu, ita hare oinsa maka servisu ne lao. Ita mos hakbit malu konaba ida ne’e. Ami lakohi promete buat ida.
Aleinde ne’e manajer Administrasaun Finansas PATRIA Octaviana Martins hateten . “ Total fundus ne’ebe Uniao Europeia fo ba organijasaun PATRIA ida ne’e, ami labele hateten sai nia montante tanba ami mos hetan la bot hanesan ema seluk fundus ne’ebe ami hetan minimu tebes tanba ne’e maka ami labele kolia.
Relasiona ho enkontru ne’ebe ami sei realiza iha 11 no 12 de Abril, ami sei halo kolaborasaun treinamentu husi parte AJTL no parte governu. Parte governu sei lori materia kona ba igualidade jeneru. Ami identifika husi parte governu tanba governu mòs sei halo treinamentu ida ba mìdia sira kona ba sensibilidade jeneru, aliende ne’e husi fundasaun patria ho PLAN. Iha mòs materia kona ba salva guarda. Sei lidera husi fasilitador PLAN nian husi komunikasaun direitu labarik no komunikasaun direitu feto, liu husi fundasaun patria.“
Formasaun refere fahe husi PATRIA, PLAN International, AJTL no SEEI.
“Iha formasaun ida ne’e AJTL sei lori materia kona ba literasìa dijital. Husi parte SEEI sei koalia kona ba igualidade jeneru hare husi PLAN sei koalia konaba salva guarda no mós Inkuadramentu legál. Ami kompleta malu. Ne’ebé sei enkaixa hamutuk, iha pakote ida, atu fò treinamentu ba journalista sira durante loron rua.
Espesifiku husi treinamentu nee, oinsá mìdia sira bele halo kobertura foka liu ba eleisaun parlamentár, oinsá atu fò sai informasaun Ne’ebé kredivel sensivel no lolos. ” Octaviana hakotu.
Discussion about this post