Reportajen:Odete Bete
Tribunál Rekursu hahú aprezenta lista númeru ba partidus politiku ne’ebe kompete iha elisaun parlementar 2023. Tuir lista rejistu total iha partidus politiku sanulu resin-hitu (17) mak sei konkore iha kompetisaun elisaun parlamentar tinan ida ne’e , sorteiu ba partidus ne’e hala’o iha Salaun Tribunal Rekursu ,Kaikoli,Dili.Timor – Leste. Kuarta – Feira. (29/03/2023).
Partidus Polítiku sanulu resin hitu (17) sei hahú kampaña eleisaun iha loron rua nulu resin ida (21) Abril tinan rihun rua rua nulu resin tolu (21/04/ 2023 ) no sei remata kampaña loron tolu antes tama ba eleisaun parlamentár.
Prezidente Tribunal Rekursu (TR) Deolindo dos Santos, informa ka aprezenta lista numerus ba partidus politiku sanulu Resin-hitu sei konkore individual no iha bola neebe prezidente fo sai hanesan babain iha partidu sira nia naran ne’ebe orientasaun ba sekrasiadu.
Katak Prezidenti TR” Lista sanulu resin-hitu ne’ebe maka atu konkore ba eleisaun 21 Maiu 2023 nian, lista sira ne’e mai husi partidu politiku sanulu resin hitu, konkore ho individual. Iha bola ne’e hanesan, babain partidu sira nia naran ne’ebe ke ha’u orientasaun ona ba sekrasiadu para kada reprejentantes kandidatura estrutura ne’e mai konfirma. Sira nia partidu nia naran iha lista kandidatura nee labele sala, iha tempu sira uluk ba , bainhira iha votasaun politika hotu buat sira ne’e mak mosu problema tuir mai, tanba ne’e mak horseik fo hatene ba ita boot sira kada reprezentantes vista kandidatura, ida mai konfirma naran para atu labele halo sala tan, entaun hanesan ita boot sira haree iha nee hamutuk bola sanulu resin-hitu,neebe mak reprezenta lista kandidatura sanulu resin-hitu. “
Aleinde ne’e prezidente Tribunal Rekursu kontinua lee kontestu sorteiu ba lista kandidatura no husi Tribunal Rekursu husu ba reprezentantes kandidatura konkorda kompetensia hodi halo prosesu ba STAE depois ba CNE.
“ Tuir mai ita haree hamutuk,1.Partidu Dezenvolvimentu Nasional,2,Partidu Libertasaun Povu Aileba,3. Partidu Libertasaun Popular. 4.Partidu DemocraticoS. 5.Kmanek Haburas Unidade Nasional,6.Partido Os Verdes de Timor,7.Uniaun Democratica Timorense,8.Partidu Unidade e Desenvolvimento Democratico,9.Partido Republicano,10.Unidade Nasional Democratica da Resistencia de Timorense,11.Frente Revolusionario do Timor-Leste Independente,12.Congresso Nacional de Reconstrucao Timrense,13.Centro Acao Social Democrata Timorense,14.Movimentu Libertasaun do Povo Maubere,15.Partidu Socialista Timor,16.Partidu Democrata Cristao,17.Assosiacao Popular Monarquia Timorense.
Ida nee mak kontestu sorteiu ba lista kandidatura neebe maka sei atribui bulletin de votus, sei imprime husi STAE no CNE.’’Deolindo hatenik.
Iha sorin seluk Direktur Jeral STAE Acelino Branco hateten Tribunal Rekursu aprezenta ona numeru de sorteiu ba partidus sanulu resin-hitu (17 ) no sei notifika ba STAE ho CNE , depois de Tribunal Rekursu notifika hotu sei kontaktu reprezentantes partidus politikus sira hodi aprezenta ba STAE.
Diretor Jeral STAE Acelino Branco hateten. “ Hanesan ita rona ona husi prezidente Tribunal Rekursu ne’e rasik depois ida ne’e sira sei notifika ba STAE ho CNE, nune rekursu mos hein hela atu konfirmasaun ikus husi reprezentante partidus politiku sira, atu bele ajusta sira nia naran ka sigla partidu sira ne’e ho loloos. Notifikasaun ida nee loos ona bele haruka ba STAE ho CNE.
Depois Tribunal Rekursu notifika hotu tiha, ita sei kontaktu reprezentantes partidus politiku sira hodi aprezenta ba STAE, partidus sira nia sigla, emplema ho bandeira sira lori ajusta ba iha modelu buletin de votus, ne’ebe mak STAE prepara ona, para kuandu wainhira ita simu hotu ona instrument sira ne’e, ita sei ajusta ba iha modelu buletin ne’ebe mak iha tempu aban ho bainrua, iha segunda to’o tersa feira. Ita sei lori ba iha CNE para depois aprova hamutuk ho reprezentantes partidus politikus sira ba modelu ikus antes ita atu lori ba iha grafika ne’ebe mak hetan konfiansa atu bele halo nia produsaun.
Grafika ne’ebe mak hetan konfiansa iha konselu ministru, sei aprova liu husi rezolusaun, indika nafatin INTL sei hetan fiar nafatin lori halo produsaun ba iha bulletin de votu ne’e rasik.
Tuir planu ne’ebe mak iha, ita sei produz por volta milaun ida. Buletin de votus ho nia durasaun de tempu ida barak liu kompara ho tempu sira seluk. Agora, se ita hahu iha dia 3 ou dia 4 entaun sei determina tarde liu iha dia 12 de maio para depois dia 13 ne’e ita bele hahu destribuisaun ba munisipiu no mos ba estrangeiru hodi utiliza ba eleisaun 21 de Maiu.’’
Enkuantu Diretor STAE informa kona ba lei eleisaun parlamentariu iha numeru 6/2006 no mos lei 9/2017 sustenta ba eleisaun parlamentar ne’e rasik.
“ Tuir lei eleisaun parlamentariu lei No. 6/2006 no mos Lei No. 9/2017 sustenta eleisaun parlamentar ne’e rasik iha Art. 39 define kona ba nian karakteristika no mos buletin de votus sira nee mak elementus de votus nian. Agora ita hein partidus politikus, sei haruka ba intrudus modelu ne’ebe mak iha, ita sei lori ba CNE halo verifikasaun ba sigla, emblema no bandeira sira ne’e, hanesan saida mak hateten iha lei Art. 39 hateten sigla ho emblema sira ne’e tenke hanesan ho sigla ho bandeira no emblema sira ne’ebe maka partidu ida idak lori ba iha prosesu de inskrisaun hanesan partidus politiku nian ,depois halo aprovasaun ida tenke bazea duni ba saida mak hatete iha lei ’’Acelinu hatutan.
STAE preokupa hela kona-ba sentru votasaun no mos estasaun de votus.
“ Preokupasaun iha tanba haree ba lei ne’e ate des dias ita sei bele aumenta sentru votasaun no mos estasaun de votus. Ita hotu hatene katak material sira barak liu, ne’e importasaun, agora daudauk ita nia brigada sira halo hela relevantamentu iha tereinu iha fatin hotu hotu, kuaze akontesementu natureza barak tebes tebes estraga uma, estraga estrada, iha tan pedidu balun mai husi ita nia komunidade lideransa komunitariu hakarak muda sentru votasaun, foin daudaun mos ita boot sira akompana hela ba too postu sira iha dili laran ne’e ema barak tebes tebes tanba iha ultima ona, atendimentu resensamentu atu taka ona sira ba barak aumenta tan numeru eleitores entaun kuandu aumenta numeru eleitores konserteza aumenta sentru estasaun, aumenta mos ba nian logistika, tanba ne’e mak prekupasaun sempre iha maibe intermus de nian kuantidade estimativa ba iha numerous ne’ebe mak ita iha sentru rihun atus lima (500.000) votus rihun atus sia (900.000) kuaze ita bele prosesa tuir tempu preparadu, falta tan deit tinta liman ne’ebe mak iha ohin too aviaun , para depois aban sei lori ba teste final hamutuk ho komisaun nasional de eleicoes ( CNE) no mos representante partidus politikus sira para atu halo aprovasaun lori fila fali ba pais ne’ebe mak produs para bele produs tuir planu sei to’o nia fin de abril ou inisiu fin de maio sei halo distribuisaun material,agora iha ona STAE , orienta ona atu halo distribuisaun ba iha munisipiu iha semana ida ne’e ba oin’’Acelino haktuir.
Tuir lei alterasaun STAE nian, votasaun paralelu sei la iha no nafatin vota tuir idaidak nia kartaun eleitoral iha sentru votasaun refere.
‘’ Kompetensia orgaun soberanu sira nian portantu STAE jere prosesu ho lei ida ne’ebe mak iha liman, kuandu lei ida sedauk tama iha lista, ami seidauk konsidera ida ne’e hanesan lei. Prosesu deste inisiu mai to’o agora iha esperansa tanba, ida ne’e ami nia preokupasaun, iha media komunikasaun balun ema komesa ona kestiona STAE oinsa ho sentru votasaun paralelu sei implementa ga lae. Ami seidauk bele fo komentariu tanba, ita nia esperansa tomak nee iha hela proposta de alterasaun lei ne’ebe mak iha.
Journalista sira bele vota livre ga lae?
“Labele tanba la iha proposta alterasaun. Husu ba media idaidak atu jere nian rekursu humanu atu bele vota tuir ita boot sira nia kartaun eleitoral. Ita iha intensaun bele introdus hodi implementa maibe tuir proposta altersaun, lei ne’ebe mak iha nia mandamentu resultadu ikus konaba proposta alterasaun lei ne’e to’o ohin loron sedauk promulga posivelmentu ita dehan katak 90,90% sei la implementa.
Ha’u nia mensagem mos ba ita boot sira , hela loron tolu deit ita taka resesamentu atualizasaun base de dadus liu komunidade sira iha Dili mai husi munisipiu seluk favor boot ida hakbesik an ba iha ida idak nia sentru atendimentu sira kurizi ita boot sira nia kartaun se lae, ita boot sira iha loron ida ka rua antes eleisaun tenke fila, obrigatoriu para ezerse ita boot sira nia direitu de votus iha ida idak nia munisipiu.
Ita iha total votantes rihun atus ualu hitu nulu, atus neen rua nulu-resin neen (870,626) provizoriu ate dezembru. Ita sei fo sai numeru eleitoral iha 21 de Abril agora iha fulan ida ne’e hamutuk ho numeru de sentru votasaun no naran sentru votasaun kompleta sei publika ba ita boot sira ’’Acelino haforsa.
Presidente CNE Jose Belo hateten. “ Sorteiu ba partidus sira ne’e ba ona iha STAE ho CNE, atu halo preparasaun kona ba bulletin de votus, tuir numeru ne’ebe iha no tuir bandeira partidu ida idak nian, ne’ebe aprezenta ba tribunal.
Partidu ida aprezenta tuir lei ne’ebe mak sira aprezenta. Ami apresia lalais tanba, ita hakarak servisu ne’e adeanta para nune’e fasilita sira. Sira mos sosializasaun ba sira nia militantes no simpatezante. Sei koalia mos jeografia para atu bele produz politika hotu ’’ Jose hateten.
Mensajen husi Prezidente CNE ba kandidatura partidus politikus sira ne’ebe mak atu tuir eleisaun parlamentar tinan 2023.
‘’Ha’u hanoin partidu sira ohin ne prosesu de importante tuir sira nia mehi. Nmeru ne’ebe sira hakarak iha hotu ona, agora sira tenke kolabora di’ak ho orgaun rua, tanba tribunal nia servisu ohin ita bele dehan prosesu para iha ne’e. Depois de rezultadu, apuramentu sei hato’o ba tribunal.’’Jose hakotu.
Discussion about this post