Reportajen : Meke Magno Nazaria
Timor – Leste selebra Loron mundiál bee mos ne’ebe monu Iha 22 Marsu 2023. Autoridade Nasionàl Agua Saneamentu (ANAS) reáliza dialogu nasionàl, hodi tau hanoin hamutuk. Ita nia kondisaun reál relasiona ho asuntu bee no infrastrutura, saúde, edukasaun no agrikultura. hodi buka dalan hatán ba dezafiu sira iha Timor-leste.
Diálogu nasionál ida ne’e, hetan partisipa husi Presidente repúblika Timor-leste. Ministeriu Agrikutura, Ministeriu saúde , Ministeriù obras Publika , Ministeriu Edukasaun, no partisipante husi estudante universitáriu sira no mós xefe suku husi munisípiu 6 ,Ermera, Baucau, Viqueqe ,Aileu , Ainaro no Dili.
Presidente da Republika Timor-Leste Dr. Jose Ramos Horta mak Loke deskursu ba abertura Dialogu Nasionàl Bee , deskursu refere realiza iha loron Kuarta fiera (22-03-2023) salaun Elizabeth room city8, Dili.
Presidente da Republika Timor – leste, Jose Ramos Horta. Hateten. “ Ha’u hirus, triste ho ita nia popolusaun no joven sira, tamba la iha konsiensia halo ita nia sidade ne’e mòs. Depois ita halo kampanha iha tinan hira nia laran ona gasta osan lubuk ida , halo kampanha labele so’e lixu iha luron, iha estrada ninin ,mota laran , populasaun sira ne’ebe hela iha mota ninin ne’e iha area Dili laran so’e lixu tama ba mota laran ,lixu iha ita nia oin rasik ema la hili.
Kona ba meiu ambiente laos de’it kuda Ai, ha’u rona uluk presidente sira seluk mòs kuda ai miliaun ida , depois presidente rasik mòs ba dala ida de’it. Ai sira mate hotu , bibi mak han.
La’os de’it iha Timor maìbe iha rai barak iha mundu halo kampanha tenke mai husi konsiensia katak ema ida labele soe lixu ,labele simu plastiku metan, ita hare bebeik loron loron ne’e plastiku oin oin barak demais , governu tenke iha konsiensia duni, governu mòs labele halo hela de’it relàtorio unidade internasionàl , labele halo bebeik relàtorio , relàtorio bebeik mai husi NASCOES UNIDAS {NGO} internasionàl sira, kona ba bee, kona ba meiu ambiente , tau osan didi’ak para ajuda komunidade sira , tau osan didi’ak para resolve komunidade sira nia problema bee, iha programa balun hanesan ha’u rekonese Australia ajuda , Nova Zelandia Estadus Unidos, la sufisiente, liu tinan rua nulu (20) ona la resolve problema bee moos ba populusaun.” Tenik Presidente.
Enkuantu Presidente husu ba Governu atu loke pontenariu publiku no tau tanki ne’èbe di’ak hodi oferese bee ba populasaun sira ne’èbe la asesu bee moos iha sira nia uma.
Presidente hatutan ” Wainhira ha’u muda ba Metiaut iha tinan rihun rua ida ( 2001) , iha tinan rihun rua rua (2002) , ha’u hetan kedas bee, ha’u ke’e hetan kedas bee, iha ne’eba ne’e maran att los, hahu kedas ha’u fo bee ba populasaun sira besik ne’e bele mai foti, no tau kedas torneira ida iha liur para sira bele foti bee.
Ha’u hateten governu ne’e ema matenek de’it kuaze hotu-hotu iha D.I.C soke iha D.I.C la sufisiente , tanba sa mak la loke pontenariu publiku ida, fatin ida ne’ebe bolu mòs pontenariu ne’e para iha bee matan ruma , halo tanki ida iha ne’eba halo kapas di’ak ho jardin oituan para populasaun ne’ebe bee la tama ba sira nia uma bele uza , populasaun ne’ebe bee iha uma la iha mai iha kontenariu kuru bee iha ne’eba, koalia sosolizasaun mòs iha ne’eba , governu tenke tau orsamentu ho planu ida ho osan boot, planu para halo pontenarius publiku para hotu-hotu bele asesu ba bee , lalika ke’e fali ou ko’a fali kanu sira ne’ebe governu tau.”
Iha biban ida ne’e, Presidente no diretor nasionàl Autoridade Nasionàl Agua Saneamentu ( ANAS ip ) informa , hahu husi tinan kotuk Governu Timor fò apoiu ba Ministerìu Obras Publiku, involve mòs NGO sira hodi halo konservasaun iha area Dili relasiona ho rekursu bee.
Presidente Autoridade Nasionàl Agua Saneamentu ( ANAS ip ) , Domingos Pinto hateten” Hahu tinan kotuk Governu Timor-leste liu husi Autoridade Nasionàl Agua Sanamentu Empreza Publika ( ANAS. EP ) fò apoiu ba iha ministeriu obras publiku no involve NGO lubuk ida hahu halo konservasaun iha area dili , iha foho leten, ida ne’e nesicidade tebes tanba husi Timor to’o ba iha Atambua no Kupang ita muniravel oituan ba iha rekursu bee , entaun intervasaun ne’ebe ita bele halo mak ita halo konservasaun no atividade konservasaun ita involve komunidade rasik mak halo hodi komunidade bele sente atak ne’e importante ba sira.”
” Iha teritorìu hotu tuir planu liu husi implementasaun politìka nasionàl ba iha jestaun rekursu bee nian husi agora no ba oin ita sei hahu iha munisipìu sira liu liu iha munisìpiu sira ne’ebe area susar bee moos, laiha be matan, bee maran iha tinan klaran, ida ne’e importante ba governu agora ou governu tuir mai atu kontinua atividade ida ne’e,se lae timor bele muniravel liu tan iha rekursu bee.
Maneira ne’ebe ita bele halo mak tenke antisipa lalais, halo konservasaun ,proteja ita nia ekolojia bee ,kuda Ai, labele so’e lisun arbiru tanba ne’e ligasaun diretamente rekursu bee rai okos nian.” Presidente ANAS akrasenta.
Totàl orsamentu ba konservasaun ne’èbe hahu halo iha tinan kotuk iha miliaun sanulu resin ualu (18).
“ Atividade konservasaun iha tinan kotuk ita halo survei ida ba iha area Dili nian de’it por volta miliaun sanulu resin ualu(18) para atu bele halo intervesaun hotu hotu, maìbe ita foin hahu husi tinan kotuk hahu ho orsamentu besik miliaun tolu (3) de’it, ida ne’e sei minium tebes, entaun importante liu mak tinan oin mai presiza tau nafatin investamentu , tanba investamentu ba area rekursu bee ne’e sei menus tebes.
Tuir dadus estatika nasionàl iha terirorìu hotu hotu agora dadaun foin mak 85%, tuir ita nia metas dezenvolvementu ne’e sei menus , iha de’it tinan hitu (7) atu atinji ita nia metas PDM mais karik labele atinji, iha sanaementu foin mak atinji 55% iha teritorìu hotu hotu.” Presidente ANAS.
Obstakulu ne’ebe imfrenta iha prosesu konservasaun mak laiha Lei ida atu bele proteje rekursu bee.
“Konservasaun iha kriteria , primeiru mak iha area urbanu sira ne’ebe komunidade hela , ida seluk mak area sira ne’ebe maran liu, ezemplu iha komunidade ,iha populasaun maìbe dala ruma bee laiha liu, pois area turismo ,sira ne’e konservasaun nia trajetu, maìbe nia obstaklu mak ,ita presiza legislasaun , presiza iha lei ne’ebe atu proteje , iha konservasaun ita presiza proteje ita nia rekursu bee,selae hanesan iha Dili dala ruma ema ne’èbe osan iha bele fura bee tun too iha metru atu ida (100) , atus rua (200).
Ezemplu balu iha tasi ninin kuaze pante kelapa sira ne’e , ita ba indetifika , ba halo xamada maìbe too agora seidauk iha mudansa, ita presiza iha forsa ida hanesan lei hodi ita bele halo asaun, ida ne’e mak ita nia dezafiu.
Konserva bee la’os governu de’it mak halo, Governu inisia husi ANAS foin hahu tinan kotuk maìbe ita nia parseira dezenvolvementu hanesan NGO sira, mak hanesan permatil no mòs NGO sira seluk , sira hahu tiha ona iha tinan kotuk kuaze iha munisìpiu lubuk ida ona, hanesan Oe-cusi,Dili , Viqueque ,Baucau, Bobonaro , maìbe konservasaun ne’èbe agora ANAS hahu ne’e hanesan konkreta husi implementasaun politìka nasionàl kona ba Jestaun rekursu bee ,hahu husi Dili, no Baucau iha Laga,ita planu tinan oin sei hare area ne’èbe ita indetifika ona ezemplu hanesan Maubisse sira iha liu laletek , sira bee kik oan liu no depende de’it ba bee ne’ebe udan monu mai , ita presiza apoiu nafatin sira.” Presidente ANAS haktuir
ANAS.IP hetan apoiu husi NGO 6 , no iha mòs apoiu husi NGO internasional ne’ebe fò apoiu liu husi Finansial.
“ Agora dadaun ita iha ona NGO neen (6) mak halo apoiu ba ANAS.EP halo konservasaun ho komunidade, mak hanesan Prematil, ETADEP ,FHTL , Fundasaun Siaun, no NGO rua tan mak apoiu ANAS , NGO internasionàl ne’èbe fò apoiu ba ANAS mak Unicef , fò apoiu atu hahu halo konseptu konservasaun iha teritorìu hotu, no Unicef mòs fò apoiu ba ANAS atu halo pilotu konservasaun iha Timor, no agora dadauk ANAS hahu bazea geografiku iha tuhu meta area Aileu nian, ida ne’e hanesan projetu peskiza ida ba tinan tolu (3) ba leten para atu hare impaktu husi ne’e no sira fò apoiu ne’è liu husi finansamentu , no ita foin hahu ho rihun hitu nulu ($70.000) , tinan ida ne’e ita hahu tan ho rihun ualu($8000) no agora iha hela preparasaun sira atu fò apoiu tan” Dehan Presidente ANAS ba jornalista sira.
Entertantu Presidente Bee Timor-Leste. Empreza Publika ( BTL . EP ), Carlos Pelhoy hato’o hela ba Jornalista sira esforsu saida mak BTL EP durante ne’e halo hodi hadia’a sistema eziste ne’ebe at.
Presidente Bee Timor-Leste. Empreza Publika ( BTL . EP ) , Carlos Pelhoy katak ” Saida mak ita halo agora, primeiru ita kontinua esforsu halo manutensaun ba ita nia sistema ejisti sira , ohin presidente dehan sistema balu aat tanba ema halo ligasaun ne’èbe la tuir kadraun, ita esforu hadi’a hela sistema sira ne’ebe eziste ladi’ak ne’e , Segundu ita kontinua halo promosaun ba ba projetu foun sira melhoramentu sistema sira ne’èbe eziste no mòs foun, komunidade sira ne’èbe seidauk hetan bee iha sira nia hela fatin.
Iha fulan ida ne’e iha nìvel postu ne’ebe la’os parte husi munisìpiu ita promete projetu kuaze rua nulu resin sia (29) , iha postu 48 la’os parte husi kapital munisìpiu , entau husi 48 ne’e iha 29 mak ita konsege promete hotu ona no sei iha restu balun sei iha tan, aliende ida ne’e ita mòs halo servìsu melhoramentu ba sistema rural sira, tinan ida ne’e ita kontinua tau osan miliaun ida (1) hodi responde ba servìsu hanesan operasaun manutensaun sistema rural no projetu foun iha area rural, projetu foun ne’e bele halo ho tipu rua(2) , kuandu nìvel servìsu ne’e boot ita halo duni projetu mais kuandu kiik hanesan metrus rua ,metrus ida , Bee Timor-leste fornese sasan ba ita nia komunidade sira apoiu mòs tekniku sira hodi sira bele asesu lalias bee moos.” Dehan Carlos.
Enkuantu Presidente BTL.EP esplika kona ba totàl klientes ne’èbe mak rejistu ona iha nìvel teritorìu ,no mòs totàl orsamentu ne’ebe BTL.EP simu ona husi liña Minissterial.
Carlos Pelhoy Haklean ” Iha nivel teritorìu ita besik rihun tolu nulu resin tolu (33 .000) klientes ne’e ida ne’èbe rejistu , iha posibilidade numeru ne’e sae tan, tanba kliente balun seidauk rejistu, agora husi rihun tolu nulu resin tolu (33.000) kuaze iha rihun sanulu resin haat(14.000) kontadores , maìbe ida mai selu iha ne’e kuaze rihun haat (4000) komesa kontribui ona, ha’u agradese ba sira ne’ebe kontribui ona , to’o agora orsamentu ne’ebe ita simu husi ita nia liña ministerìu kuaze miliaun hitu nulu resin rua ($72 ) , parte kuaze besik 75% , ne’e ita aloka ba iha kapital izolvementu hola parte mòs iha projetu sira ne’ebe ita promove iha kapital postu.”
Aliende ne’e Diretora Nasional Sentru Edukasaun informasaun Ambiental , Sra Menika Masadu Fernandes Hateten “ Governu laos Sekretariu Estadu Ambiente de’ít mak hala’o asaun ba protesaun ambiente ita mòs iha ANAS ho BTL hamutuk ona ho liña ministerial sira , hanoin oinsa atu kria programa ne’ebe intregradu hodi bele resolve problema lixun, husi parte sekretariu Estadu ambiente nian iha politìka zero plastik , dekreitu lei kona ba monotorium lixu plastiku ,iha treinu liu liu ba iha restorante no warung sira la uza ona estirofor, ne’e pasu pozitivu ne’ebe ita presiza atu haree ida neé ,maske ita haree aqua nafatin nakonu , soe arbiru ,lixu plastiku mak iha maìbe loja barak ne’ebe utiliza ona saku matak , saku ne’ebe bele utiliza fila fali , ita ba iha merkadu sira ne’èbe faan modo dala ruma mòs lae, obralan sira mòs ita ba husu plastiku menus ona, ida ne’e hatudu ona katak politika zero plastiku iha progresu neik neik, ita bele tau liman hamutuk , ita konserva hamutuk , lixu sei la lakon wainhira ita ema iha nesesidade nafatin, lixu sei iha politìka zero plastiku laos signifika katak atu halakon lixu maìbe oinsa iha asaun konjunta ida involve ema hotu atu reduz montante lixu , ida ne’e ita bele halo transformasaun fila fali ba lixu sira liga ho atividade intervensaun husi Presidente mòs.” dehan Diretòra
Lixu fò impaktu ba setòr barak, ba ambiente , ba setòr agrikulutra, Saneamentu , no setòr turismo
Menika Fernandes hatutan “ Ita ko’alia kona ba lixu nia fò impaktu ba setòres barak ba ambiente ne’e rasik , ba setòres agrikultura ne’e rasik ba saneamentu bee no mòs ba iha setòr turismu , tanba ne’e mak presiza asaun integradu ida programa integradu no sistematiku ida atu nune’e ita hotu hamutuk fo hanoin saida mak ita bele halo, programa integradu katak involve horizontal no involve ema hotu hotu , involve liña ministerial sira, labarik ki’ik oan sira to’o iha ema boot sira tanba wainhira la iha jestaun lixu ne’ebe di’ak fò impaktu ba ema hotu hotu labarik ki’ik oan foin moris mos bele hetan inpkatu husi lixu ne’e rasik “Nia hakotu.
Discussion about this post