Reportagen:Everalda Da conceicao D Maia.
Movimentasaun Universitaríu Timor-Leste ( MUTL) halo Komunikadu Imprensa relata ho Kazu Amo Bispo Dom Carlos Filipe Ximenes Belo SDB, MUTL husu sasin na’in rua nulu (20 ) klarifika ba kazu refere ne’ebé publika ona iha Media Holanda, komunikadu imprensa ida ne’e hala’o iha loron kinta fiera ( 05/10/2022) fatin Kampus sentrál UNTL, Kaikoli, Dili,Timor-Leste.
Liu husi Jornal Groene Amestradam publika ona notísia relevante ho deskonfia Amu Bispu Belo halo abuzu sexual iha dékada sia nulu ( 90 ) tempu pasadu, tanba ne’e Movimentasaun Universitáriu Timor-Leste ( MUTL) hakarak husu ba Sarani katólika sira atu nafatin akompaña prosesu.
Tuir Portavos Denis Saebaku afirma ” Komunikadu imprensa relasiona ho notisia holanda ne’ebe mak publika iha loron 28 fulan setembro tinan 2022 liu husi jornal Groene amestradam semana kotuk liu ba , katak deskonfia amo Belo kompetensi kazu relasaun abuzu sexual iha momentu dekade sia nulu ( 90 ) ba kotuk ho vitima insial P ho idade 14 no inisial R ho idade 16 no puplika rezultadu investigasaun sobre alegasaun abuzu sexsual , tanba ne’e Movimentusaun Universitariu Timor -Leste (MUTL) reafirma posizaun neutral ,no hakarak separa mos sasan hotu-hotu, Ami eziste hakarak husu ba publiku liu-liu ba sarani katolika hodi akompainha prosesu Sira ne’e hotu to’o hetan provas real.
Movimentasáun Universitáriu Timor -Leste (MUTL) husu ba konsiente no fiar katak,akuzasáun husi vítima ho naran inisiál P ho R hasoru amu Belo ne’e falsu maibé karik,ami nia fiar ne’e sála.Ami husu amu Belo rekoñese mós ba aktus hirak ne’e , MUTL husu mós karik sánsáun disipinar husi vatikanu fó amu Belo Ne’ebe bandu halo movimentasáun,bandu hala’o atividade igreja,no bandu kontak ba Timor-Leste, tanba sá mak públiku fóin rona iha tinan rua ba kotuk ne’e.
Movimentasaun Universitáriu Timor-Leste (MUTL) husu ba sua exelénsia Prezidente Republika Jose Manuel Ramós Horta nu’udar símbolu estadu atu husu klarifikasaun ba média Holanda kona-ba notísia ne’e loos ka lae, tanba sarani katolikà Agora sei iha prosesu preokupasaun nia laran ” Dehan portavós Denis Saebaku.
Iha Komunikadu imprensa ida ne’e MUTL husu mós ba anunsia reprezentante embaisador vatikanu iha Timor – Leste klarifika notísia ne’e atu nune’e labele dúvida iha sarani katólika nia fiar.
” Movimentasaun Universitariu Timor – Leste (MUTL) hakarak husu ba anunsia reprezentante embaisadór vatikanu iha Timor tenke klarifika notísia ne’e ,labele hamosu dúvida iha sarani katólika sira, husu mós ba sasin na’in rua nulu (20) ,husi vítima ho inisiál P ho R ne’ebé públiku iha média Holanda, ho segredu ne’e hatudu an nune’e bele kombate kazu ne’e ho sériu, husu mós MUTL rekoñese sakrifísiu luta amu Belo nian durante
ezisténsia inovadór nian maibé MUTL husu verdade ba frakeza hotu ne’ebé nu’udar humanu hasoru “.
Portavós Denis saebaku hatutan, Movimentasaun Universitáriu Timor-Leste ( MUTL) hakarak dialetu hodi imparsiál atu nune’e parte relevante sira investiga kazu ne’e ho di’ak, justisa ne’e tenke imparsiál no balansu ba kazu ida ne’e.
” Ami MUTL nia reakulu ami nia pozisaun mak la hare no la defende liu husi vítima ou defende liu husi amu Belo,ami hakarak dialetu de’it hodi imparsiál ho nune’e parte relevante sira hodi investiga kazu ne’e ho didi’ak,atu nune’e prosesu justisa ho justu , ami husi Movimentasaun Universitáriu Timor -Leste (MUTL) nia ezisténsia mak ne’e tenke justisa, prosesu justisa ne’ebé mak lolos , ami la defende husi amu Belo no la defende husi vítima na’in rua, karik amu Belo mak halo sala duni tenke tuir justisa ne’ebé mak iha, no Kumarka tuir nia sala ne’ebé mak Nia halo.
Karik akuzasaun falsu tenke iha parte relevante sira halo di’ak atu nune’e bele halo morin fali Ita Nia amu bispu nia naran,no relijiaun katólika nia naran,no mós ba Ita nia estadu Timor-Leste ” Portavoz hakotu.
Discussion about this post