CAMSTL Ho MARIMBA Loke Formasaun Ba Grupu Muzika TL

Reportazen : Fernanda Moniz Araujo

Iha loron tersa-feira (11-10-2022) Sentru Audiovisual Max Stahl Timor-Leste (CAMSTL) koopera hamutuk ho projetu MARIMBA fó formasaun ba artista  no joven sira ne’ebé iha inisiativa kanta, liuliu ba grupu banda múzika hotu-hotu iha Timor-Leste.

Sentru  Audiovisual  Max Stahl Timor-Leste kopera  hamutuk  projetu MARIMBA ne’ebe involve song good (kanta diak), kria formasaun hodi hare  liu ba valorizasaun  artista , Projetu ne’e loke ba Nasaun komunidade ne’ebe uza lian Portugués , mak hanesan, nasaun Angola ,Moçambique , Guiné Bissau no Timor-Leste,  objetivu  husi formasaun  ida ne’e  atu hasae konesimentu  artista   kona-ba sira nia folin muzika  no hatene kona-ba  copy right.

Tuir Diretór Ezekutivu CAMSTL Eudicitio Pinto Hateten.“ Sentru Audiovisual Max Stahl Timor-Leste (CAMSTL)  koopera hamutuk ho projetu MARIMBA ne’ebé involve song’s good  iha projetu  ba nasaun komunidade paìs lingua Portugués (CPLP) ne’ebé mak involve, hanesan Angola, Moçambique, Guiné Bissau no mós Timor-Leste rasik, atu hare liu ba  valorizasaun ba artista sira iha nasaun haat (4) , ita hakarak artista sira ne’e,  liu-liu iha múzika tradisional, múzika rezistensia no múzika pop sira ne’e oinsá ida-idak hatene kona-ba nia folin servisu múzika ne’e, depois ita mós komesa ona hare sira nia copy right, maibé projetu ida ne’e atu fó formasaun, liu liu ba artista sira , oinsa sira partisipa projetu ida ne’e iha tinan tolu (3),  iha Timor ohin ita hahu loke,   ita sei hahu fó formasaun iha fulan oin ba artista sira.Ita loke ba artista hotu-hotu depende sira ne’ebe iha interese hakarak kapasita no dezenvolve sira nia múzika ba sira nia abilidade, sira hotu-hotu bele involve, tanba oras la hanesan, loloos ne’e ita halo formasaun iha Sentru Audiovisual Max Stahl Timor-Leste (CAMSTL), maibé tanba fatin  no tempu ne’ebé la hanesan, husi Portugal  kalan iha ne’e loron, entaun ida ne’e diferente, tanba ne’e mak iha dia 3 dé Novembru ita sei halo formasaun primeiru ba artista sira, ita sei haruka LINK ba artista sira liu husi WhatsApp no Email hodi bele asesu formasaun ida ne’e liu husi ZOOM , tuir loos Iha ekipa  sei mai  tinan ida ne’e, maibé sira la konsege mai entaun tinan oin sira sei mai, mai hasoru direita atu halo peskiza kona-ba muzika sira ne’ebe iha Timor , sira sei haleu iha munisipiu balun atu bele halo projetu ida ne’e.” Nia Sublina

Union  Europeia  mak sai Finanseiru ba projetu  ida ne’e,  no jere direita husi institutu Camoes ba projetu  MARIMBA, Total orsamentu   perparasaun ba projetu  ida ne’e , iha rihun ida (1.000)

“Finanseiru ba projetu ida ne’e, husi union Europeia ne’ebé jere direita husi institutu Camoes. Camoes ba projetu MARIMBA, depois projetu MARIMBA mak iha organizasaun barak no kompanìa barak liu-liu song’s good ne’ebé iha Portugal no Sentru Audiovisual Max Stahl Timor-Leste (CAMSTL), depois iha mós iha Angola, Guiné-bissau, moçambique sira mós iha fundasaun ka instituisaun involve direita halo projetu ne’e.

Apoiu orsamentu ne’ebé mak iha, orsamentu direita ba projetu ne’e rasik, ita iha sentru rasik maibe la hetan direita,  osan ida ne’e ba fasilita hanesan komfrensia sira no formasaun , ita uza orsamentu ida ne’e ba operasaun nian, orsamentu ne’ebé mak ita iha ba projetu ne’ebé mak agora ita halo ne’e  iha rihun ida (1.000) ba preparasaun maibe ita mós sei iha orsamentu ne’ebé maka atu fo ba ema sira ne’ebé  servisu , ba ita nia Embaixador múzika Timor nian, depois ita mós iha artista múzika Timor oan ida ne’ebé mak sai hanesan Embaixador, iha nasaun hotu-hotu iha Embaixador rasik ne’ebé projetu ne’e hili, sira mós iha orsamentu.

Ita mós iha formasaun ne’ebé mak orsida kolega sira fó ne’e mós sei servisu barak liu, tanba projetu ida ne’e atu fó kampu servisu ba joven sira liuliu iha arte no múzika.”Dehan Director  Ekzekutivu CAMSTL, ba Jornalista  iha  loron tersa feira (11/10/2022).

Aleinde Ne’e Kordénador projetu Marimba Jornalista Audivizual Maxtal Cladio Savaget Afirma.“ Projetu ida ne’e importante liu, tanba ema hotu-hotu rona múzika iha Timor, tenke iha koñesimentu atu hatene saida mak akontese iha mundu múzika.

projetu ida ne’e finansiadu pro kultura ho Uniaun Europe , mak hanesan parseiru boot iha projetu valór Camoes ida ne’e, ba importánsia ida ne’e sei fó formasaun komesa dia 3 dé Novembru tinan ne’e, iha sentru MaxThall , tanba ne’e ita tenke hahú husi projeitu informasaun ida ne’e, importante  ba grupu artista Timor-Oan sira hodi hatene kona ba mundu muzika, tanba  durante ita hare iha merkadu muzikal mundu nian boot liu iha Afrika, Brazi. Tinan sanulu (10) ha’u iha Timor , ha’u hare grupu muzika barak liu, ema Timor Oan kanta di’ak halo muzika mos di’ak entaun ita tenke iha espasu no iha fatin hodi haforsa tan , liu husi formasaun.”