Traballadór  Timor Oan 107 Aranka Tan Ba Korea dó Súl

Reportajen : Fernanda Moniz de Araujo

Governu Timor-Leste, liu husi SEfóPE  fó tan oportunidade ba traballadór  Timor oan na’in atus ida  resin hitu (107) sei aranka ba Korea dó  Sul iha tempu badak. Oportunidade  hanesan SEfóPE  fó ona ba traballadór  Timor oan iha Korea dó  Sul hamutuk rihun haat atus hitu rua nulu resin sia (4.729).

Iha biban ida ne’e, SEFOPE hala’o ona serimónia  despedida, juramentu no asasina kontratu ho Inan, Aman trabhalador  no mos trabalador 107.  Iha serimònia  ne’e marka mos  prezensa  husi Vise Primeiru Ministru Hamutuk Ho Sekretario Estadu No Embaixador Korea  ba Timor – Leste, Partisipa Mos Husi Familia Trabhalador sira hodi Akompana Trabalador na’in atus ida  resin hitu (107) asina Kontratu,  perpara aranka Ba Korea de Sul Iha tempu badak. Serimónia  ida ne’e hala’o iha salaun edifísiu SEFOPE Caicoli -Dili, Timor-Leste Kinta – Feira (15/09/2022 ).

Diretor Nasional SEFOPE Filomeno de Araujo Soares hateten,“Hau hakarak hato’o ba trabaladores sira katak, objetivu ba loron ida ohin, ita  komvida familia sira mai hamutuk iha ne’e,  halo aseitasaun ida ho governu atraves de sekretario estadu, ne’e akompana husi sua exelénsia, vise segundu ministru ne’ebe mak marka Prejensa iha ne’e , hau atu tatoli mensajen ita nia alin trabalador sira ne’ebe mak iha tempu badak sira sei aranka ba Korea do Sul.

Entaun familia sira nia Prejensa importante para atu bele halo aseitasaun ida katak,  ohin loron ne’e laos governu mak obriga, maibe governu kria kondisoes, oportunidade ba ita nia alin sira hodi aproveita oportunidade sira ne’e, hodi imi nia aseitasaun ida entre familia ho governu, bele ita hotu-hotu kria estabilidade ba ita nia alin sira kuandu buat ruma akontese, tanba ita hodi antisipa bainhira kuandu mosu problema ruma iha korea, ita labele dun ba malu tanba ita hotu-hotu tur hamutuk mak haruka ba, maibe governu kria solusaun ida ne’e mak objetivu jeral ba loron ida ohin.

Total dadus husi trabhalador ne’ebe mak sei aranka ba Korea do Sul iha tempo badak hamutuk iha atus ida resin hitu (107) trabhalador foun iha uolu nulu resin nen (86) pesoas ,ex trabhalador ne’ebe hetan fali oportunidade atu fila fali ba servisu iha Korea iha nain rua nulu resin ida (21) pesoas, sira ne’e mak agora dadaun mai tuir serimonia despedida ohin loron.

Hau hakarak hato’o ba ex-lensia vise primeiru ministru katak, dadus ne’ebe mak ita prepara ba trabhalador sira, total trabhalador ne’ebe foun atu ba ne’e hamutuk uolu nulu resin nen (86)  pesoas mak sei aranka ba, no trabhalador sira ne’ebe ba tiha Korea fila mai hetan oportunidade ohin hamutuk rua nulu resin ida ( 21 ) hirak nebe marka Prejensa iha ne’e, hamutuk atus ida resin hitu (107) sei prepara ba serimonia despedida ba lokraik ida ne’e.

Hau hakarak  rezumu ba sosielensia sira katak, total trabhalador ne’ebe tama dadauk ba Korea mais de rihun hat atus hitu rua nulu resin sia (4.729) pesoas mak tama ba Korea, trabalador ne’ebe sei eziste iha korea total rihun tolu atus hitu rua nulu resin lima (3.725) pesoas mak sei iha korea, aumenta tan alin sira ne’e kuaze numeru ne’e aumenta ba bei-beik, ida ne’e mak ohin loron prepara tan ba fulan oin. Iha fulan ida ne’e to’o dezembru sei iha mobilizasaun bo’ot ida ba Korea, sei la para tanto ba Korea no Australia importante mak hetan koperasaun diak para ita bele organiza “

Iha momentu ne’e mos Diretor Sefope hato’o nia mensajem badak no agradesementu  ba parte relavante sira ne’ebe mak durante ne’e fo apoiu ona ba trabhalador sira.

” Mensagem Ikus husi  hau,  hakarak hato’o agradesementu ba instituisaun relevante ne’ebe fo Apoiu makas ba alin sira, sua exelensia Sekretario Estadu ho ekipa tomak ne’ebe mak durante ne’e halo komunikasaun Diak, husi parte ministru justisa,  ministru negosiante estranjeiru, ministru saude ne’ebe mak kontribui makaas, liu-liu ministerio husi Embaixador sira ne’ebe fasilita joven sira nia vida ohin loron bele hetan rezultadu ne’ebe mak ita sente.” Dehan Diretor SEFOPE Filomeno de Araujo Soares iha salaun edifisu Sefope Caicoli- Dili.

Embaixador Korea Do Sul, Hong Jin Hun. Photo by: Fernanda Monis

Aleinde Ne’e, Embaixador Korea Do Sul, Hong Jin Hun afirma,“Hau Kontenti atu utiliza oportunidade ida ne’e, atu Ofrese liafuan prevensaun ba imi , no imi sei ba hahu iha imi nia moris iha emvairomentu foun, kultura foun no nasaun foun, hau esperansa boot tebes-tebes atu imi ida-idak bele hetan esperensia ne’ebe diak no seguru, depois fila mai Timor-Leste ho hamnasa no kontenti.

Hau iha vontade buat barak atu hato’o maibe hau sei koalia deit buat tolu ne’ebe importante atu bele tau imi nia hanoin bainhira imi hela iha Korea.

Imi mak hanesan odamatan no Reprezentante  Timor-Leste nian, no imi nia atitude imi nia hahalok sira mak sei husik hela imi nia presaun kona-ba Timor iha ema Korea nia let.

Imi mak pasadu no futuru, no obrigado ba trabhaladores sira ne’ebe uluk ba ona Korea Ne’ebe Esforsu diak ,atinji  buat diak atu nune’e ohin loron imi hotu bele mai iha ne’e no iha oportunidade bele ba servisu iha korea, imi mos tenke halo buat diak bainhira servisu iha Korea tanba ne’e, bele loke dalan luan liu tan ba jerasaun sira ne’ebe tuir mai iha Timor-Leste. ” Hong Jim Hum akrasenta.

Hong Jim Hum fo korajen ba maluk trabhaldor Timor oan sira atu nafatin iha vontade hala’o  servisu  maske dala ruma hasoru defikudade no monu ba situasaun ne’ebe ladiak wainhira hala’o knaar servisu iha Korea.

“Hau hakarak husu imi atu hamorin imi nia familia, hamorin imi nia nasaun Timor-Leste posibilidade bo’ot imi sei hasoru defikuldades dala ruma imi iha sentimentu atu rende no dalaruma mos imi monu ba situasaun ne’ebe ladiak.” Hong Jim Hum  hateten.

Trabhalador Manuel Pinto. Photo by : Fernanda Monis

Prepasaun no kritéria  tuir teste ba Korea do Sul. 

Iha sorin seluk trabhalador Manuel Pinto, hateten. “ Wainhira hakat mai pasu ida ne’e presizamente liu husi teste lian Korea, liu tiha faze lian Korea e depois foin tama ba faze  ezame  depois de ezame hotu  hafoin hakat mai pasu ida ne’e.

 Hau Senti kontenti maibe laran sei todan oituan tanba ba iha korea liu tan prosesu ida,  sei tuir teste saude iha Korea.  Iha  ne’ebá hakat liu testu saúde mak foin kontenti, maibé ba Korea la’ós servisu kaman, ita hatene katak iha ne’ebá área peskas ne’e servisu ida ne’ebé todan,  hasoru risku ne’ebé boot,  nu’udar trabalhador Timor oan tenkiser ho fuan boot ba iha ne’ebá, servisu ho aten brani hasoru obstakulu ne’ebé mosu mai karik, ita brani para hasoru no servisu mantein bainhira kontratu hotu fila mai Timor-Leste hodi hadia moris.

Bainhira hakat liu pasu sira ne’e hotu, ba futuru ba aprende iha ema nia rai servisu no aprende hodi fila mai saida mak ita aprende no hetan iha ema nia rai, mai implementa iha ita rai hodi ba futuru bele sustenta fali ita nia sosiedade no ita nia maluk joven sira ne’ebé dezempregu laiha posibilidade para atu tuir testu lian Korea bele augoenta fali sira nia moris. ” Manuel Pinto Hakotu.