Reportazen: Sergio De J.B Lelan
Movimentu Universitariu Sachal ( MUSA ) halo konferensia Imprensa relasiona ho rekrutamentu F-FDTL tinan 2022 ne’ebe hetan deskonfia nakonu ho sistema Familiarizmu , konferensia ne´e hahu iha loron sabadu ( 16/09/2022) fatin Sentral UNTL Dili.
Falintil Forsa Defesa Timor-Leste （F-FDTL）nu’udar instituisaun militár ne’ebé responsabilidade Defesa Estadu Republika Demokratika Timor-Leste （RDTL）no sai mós hanesan liman kro’at povu maubere ninian tuir konstituisaun Republika Demokratika De Timor-Leste（RDTL）parte dahlimak artigu 164 haruka ninia knaar prinsipál mak atu garante independénsia nasionál integridade territoriál no seguransa esterna.
Atu haboot liu tan instituisaun F-FDTL nian knaar iha Loron 15 fulan jullu tinan 2022 ministériu defeza liuhusi komisaun Rekrutamentu husi F-FDTL hasai nota númeru 20/COREC/QG-Falentil-FDTL/01 kona-ba divulgasaun prosesu no kritéria Rekrutamentu FALINTIL-FDTL tinan 2022 ba publiku liu husi dekretu númeru 009/CEMG das F-FDTL/2022 hodi halo rekrutamentu ba membru militár foun tinan 2022 ninian ho natureza rejime jerál atu fó oportunidade ba juventude Timoroan tomak feto no mane atu hola parte iha fileira fórsas armadas nian.
Portavós MUSA Noe Bernadino Soares Katak “ Ho vontade nasionalista no Espiritu patriota husi juventude Timor oan feto no mane sira ne’ebé aplika komisaun rekrutamentu F-FDTL 2022 konsege simu kandidatu sira hamutuk ema nain rihun ida atus hat rua nulu resin tolu (1.423), ne’ebé kompostu husi feto kuaze ema na’in atus ida lima nulu resin rua (152), ka porsentu 10,75%
husi númeru totál kandidatu sira, no ba mane kuaze ema na’in rihun ida atus rua hitu nulu resin ida (1.271), ka porsentu 89,25% husi númeru totál kandidatu sira , ne’ebé simu husi komisaun enkuantu ema na’in rua (2), husi ema na’in totál ne’ebé pasa la kompleta kriteriu jeral tanba ne’e númeru totál kandidatu husi ema na’in rihun ida atus hat rua resin tolu (1.423) tun ba rihun ida atus hat rua nulu resin ida (1.421)” Portavos Akrasenta.
Kandidatu hirak ne’ebé pasa bazeiadu ba kriteriu tolu diferente, hahu husi kriteriu jeral, kompostu husi dokumentu formais aplikante hanesan diploma abilitasaun literaria deklarasaun komprovativu husi suku, kartaun eleitoral aplikante no kriteriu espesifiku kompostu husi idade minimu aplikante alturas aplikante aptidaun fízika no orijen nasionalidade.
“kriteriu eliminasaun ba aplikante sira kompostu husi prosesu hitu（7）ne’ebe aplika ba aplikante sira husi komisaun rekrutamentu F-FDTL 2022.（kompletu-liu hare iha anunsiu publiku ho nota numeru 20/Corec/QG-FALENTIL-FDTL/01） depoisde komisaun rekrutamentu F-FDTL 3022 halo teste ba aplikante sira tuir prosesu kriteriu tolu（3）ne’ebe iha no halo avaliasaun durante fulan ida, hahu 25 jullu to’o 25 Agustu, 2022 komisaun anunsia rezultadu teste no avaliasaun iha Setembru, 2022 husi rezultadu ne fo sai ba publiku liu husi anunusiu publiku katak iha kandidatu na’in atus neen (600), mak pasa hodi ba tuir treinamentu hodi sai membru militar, kandidatu sira ne’ebe pasa kompostu husi feto hamutuk kuaze ema na’in neen nulu resin lima (65), ka porsentu 10,5% husi numeru total kandidatu sira ne’ebe pasa no mane hamutuk kuaze ema na’in atus lima tolu nulu resin lima (535), ka porsentu 89,5% husi numeru total kandidatu sira ne’ebe pasa”
Rezultadu testu no avaliasaun ne’ebé fó sai ba públiku hamosu preokupasaun lubuk ida husi kandidatu sira ne’ebé la pasa, kandidatu barak mak ladún satisfás ho rezultadu refere.
“Hafoin rona preokupasaun husi kandidatu sira ne’ebé la pasa, MUSA hola inisiativa hodi afirma pozisaun tuir Art. (40), konstituisaun RDTL haruka kona-ba, “liberdade ko’alia no informasaun” hodi manifesta, tuir Art. (42) konstituisaun RDTL haruka kona-ba “liberdade reuniaun no manifestasaun” komunika ba públiku katak, kandidatu balun la iha diploma ensinu sekundáriu ka la kompleta kritéria jerál maibé sira bele tuir kritéria espesífiku no kritéria eliminasaun ba aplikante sira no ikus naran sai iha rezultadu avaliasaun teste finál, kandidatu balun elimina tiha ona iha teste tuir kritéria espesífiku teste saúde maibé naran sai iha rezultadu avaliasaun rekrutamentu finál.
kandidatu balun elimina tiha ona maibe naran sai iha rezultadu avaliasaun rekrutamentu final ho numeru kandidatu seluk nian , kandidatu balun la submete dokumentu iha rekrutamentu etapa 2020 nian maibe naran sai iha rekrutamentu etapa 2022 nian no ikus naran sai mos iha rezultadu avaliasaun rekrutamentu final.
kandidatu balun kompleta duni kriteriu hotu-hotu, husi kriteriu jeral, kriteriu espesifiku, no kriteriu eliminasaun ba aplikante sira maibe naran la sai iha rezultadu avaliasaun teste final.
Bazeia ba faktus ho evidénsia hirak ne’e MUSA afirma pozisaun ho ninian ezisténsia tuir Art. (43), konstituisaun RDTL haruka kona-ba “liberdade asosiasaun nian” hateten ba povu maubere tomak, liu-liu órgaun kompetente hanesan, prezidente Republika ne’ebé sai mós hanesan komandante supremu forsa armada nian, ministériu defeza hanesan órgaun ezekutivu tenente jenerál Domingos Raul Falur Rate Laek katak, aktu irregularidade hirak ne’ebé mosu iha
rekrutamentu ba militár foun F-FDTL nian, tinan 2022, kontra ona konsagrasaun númeru rua (2) husi Art. (49), konstituisaun RDTL haruka kona-ba “Defeza soberania nian” tanba la halo servisu militár tuir lei haruka , inklui kontra mós Art. (146) konstituisaun RDTL haruka kona ba “Forsa Armada sira” tanba la respeita orden konstitusionál no mós la halo tuir lei haruka no rona de’it orgaun soberanu kompetente sira maibe utiliza fali nepotizmu iha prosesu rekrutamentu.
Bazeia ba preokupasaun hirak ne’e MUSA ho naran juventude loriku asuwa’in no povu maubere tomak husu ba ezijénsia tomak ba komandante supremu forsa armada, exelensia presidente RDTL Dr Jose Manuel Ramos Horta ba exelensia ministru defeza Sr. Filomeno Paixao de Jesus ho xefe majór jenerál F-FDTL, tenente jenerál Domingos Raul Falur Rate Laek atu responde ho lalais no foti medida rigorozu tuir ezijénsia.
“Husu ba komandante supremu forsa armada, exelénsia prezidente RDTL Dr Jose Manuel Ramos Horta atu hare klea’an iregularidade hirak deskonfia akontese iha prosesu rekrutamentu tanba ne bele hamosu krebilidade instituisaun F-FDTL iha povu maubere tomak nia matan no mos bele hamosu deskonfiansa ba F-FDTL hanesan liman kro’at povu maubere.
Husu ba exelénsia ministru defeza, Sr.Filomeno Paixao dé Jesus atu avalia polítika sira iha instituisaun F-FDTL ne’ebé nakonu ho irregularidadé balun, liu-liu prosesu rekrutamentu nian, atu bele ha’tur diak krebilidadé instituisaun F-FDTL no respeita ba ordém konstituisional neebe lei haruka no rona déit órgaun soberanu kompetente sira no fokit sai aktu nepotizmu iha prosesu rekrutamentu.
Husu ba tenente jenerál Domingos Raul Falur Rate Laek atu forma ekipa investigasaun ida bele husi interna instituisaun F-FDTL no mos akompanha husi orgaun soberanu kompetente sira husi buka hatene no investiga iregularidade sira iha prosesu rekrutamentu hodi fo sansaun rogorozu ba membru F-FDTL sira ne’ebé la tuir estatutu no lei orgániku instituisaun F-FDTL nian.
Husu mós atu tenente jenerál buka tuir militáres foun sira ne’ebe pasa ona iha teste, ida ne’ebe deskonfia manan liu husi nepotizmu ka sistema familiarizmu, hodi prosesa tuir no karik bele hadia sira nia direitu ba rekrutamentu no treinamentu atu sai membru militár foun.
Buka tuir mós kandidatu sira ne’ebé prenza kriteria teste no hetan valor di’ak atu rekruta fila fali karik iha disponibilidade, hodi bele responde interese juventude sira ne’ebé iha duni hakarak sai servidor estadu liu husi sai membru militar,
Buka tuir membru foun sira ne’ebé ninian antesedensia istorika iha ligasaun direta ho Indonesia tanba, deskonfia iha membru foun balun foin fila husi Indonesia hanesan sidadaun Indonesia maibe hetan ona identidade tuir administrasaun Timor ninian mezmu seidauk prenza rekizitu tinan lima (5),tuir lei haruka.
Atu antisipa aktu hanesan akontese iha futuru, husu ba prezidente RDTL ho Ministeriu defeza atu harii ekipa kontrolu ida hodi bele halo kontrolu ba rekrutamentu bainhira F-FDTL halo rekrutamentu ba militár foun hodi nune’e bele fo oprotunidade ba joven timor oan tomak atu bele sai militár hodi serví nia estadu tuir interese no espíritu nasionalizmu ne’ebé sira bele ” Portavos subliña.
MUSA hakarak deklara ba públiku katak, “Objetivu prinsipál husi komunikadu imprensa ida ne’e mosu tanba ho hakarak atu armoniza nafatin instituisaun F-FDTL nu’udar instituisaun transparente ida ne’ebé durante ne’e hetan konfiansa másimu povu maubere tomak no garante nafatin sistema ida transparente, onestu no justu hodi fó oportunidade hanesan ba juventude timor oan tomak iha futuru hodi bele hola parte ba garante independénsia nasionál, integridade territoriál no seguransa esterna liu husi hamahon an iha instituisaun F-FDTL.”
Discussion about this post