Reportegen: Martinho Soares Amaral
Reprezentante direktor Food and Agrikuture Organization (FAO) Paula Lopes da Cruz hala’o treinamentu no lansamentu ba komunidade peskador ba postu tolu (3) husi Dom Aleixo, Kristu Rei no Hera iha loron tersa feira (14/09/2022) fatin Centru Juventude Bidau Santana Dili.
Liu hosi atividade ne’e Food and Agriculture Organization (FAO) entrega mos material dos peskas ba komunidade peskador sira, hanesan kaisoti, rodel manual, kail isin, tali no goia, tuir planu depois de entrega material dos peskas ba komunidade peskador sira ,sei kontinua mos fo pratika ba peskador.
Tuir Reprezentante Direktor FAO Paula Lopes da Cruz hateten ” haksolok tebes bele reprezenta Food and Agriculture Organization (FAO) iha eventu ida ne’e hodi fahe hanoin ruma no mos hola parte ba lansamentu formasaun kona-ba RAWAI DASAR, karik bele ba oin ita hamutuk hodi buka ternu tetun ba ita nia teknologia ida ne’e, selae ita temiRAWAI DASAR ema barak maka la komprende.” Katak Reprezentante Direktor FAO Paula Lopes da Cruz ba jornalista sira iha Centru juventude Bidau Santana Dili.
Food and Agrikuture Organisátion (FAO) Suporta atividade ida ne’e hanesan opsaun ida ba peskas ne’ebe’ sustentavel, no razaun tanba sá ida maka ita tenke preokupa ho sustentabilidade iha atividade loron-loron nian, liuliu iha área peskas.
“Ita hotu hatene katak hanesan ema karik, iha bo’ot iha ki’ik, se ita la kaer ho kuidadu tempu ida ita nia akses produtivu ba peskas sei la iha hotu, ikan mos bele la iha ona tanba ne’e maka ita tenke preokupa ho peskas ho sustentavel.
Ita tenke uza teknolojia ida katak tau kail ikan nian ne’e barak atu nune’e hodi hili de’it, ikan ne’ebé’ boot maka bele foti se ikan ne’ebé ki’ik husik fali ,la hanesan ita uza redi tanba uza redi ikan ne’ebé boot ou ki’ik kuandu kona ona redi ita kaer mai hotu kedas ho ida ne’e ita bele estraga fali produsaun ba futuru nian, ida ne’e bele kombate asuntu peskas ilegal peskas ne’ebé’ deskontroladu,tanba ne’e maka atividade sira ne’e ita halo atu bele tulun introdús alternativa ne’ebé’ bele sustentavel.
maibé iha opsaun sira ne’ebé atu bele tulun ita atu bele kontribui ba atividade husi setór das peskas ida ne’e maka introdús kaill matan barak iha tasi okos, atu bele kaer de’it ikan ne’ebé tempu to’o ona atu kaer no labele kaer produtu ne’ebé’ presiza hela nafatin iha tasi laran para nune’e bele promove ambiente sustentavel ba produsaun peskas ninian “
Reprezentante Diretór FAO hatutan tan gastu ba atividade ida ne’e totál orsamentu milaun hitu Dolares Amérikanu ($7.000.000 ) no orsamentu ne’e hetan apoiu husi envairomentu global Fasilita fundu ne’ebé boot.
” gastus ba atividade ida ne’e maka hamutuk millaun hitu dolares Amerikanu ( $7.000.000 ) no FAO maka implementa programa ne’e maibe orsamentu ne’e apoiu husi fun global ou global envariamente ,fasilite fundu bo’ot ida ne’ebe baibain finansia servisu sira ne’ebe’ promove sustentabilidade ambientál ” Paula Lopes Akrasenta.
Aliende ne’e Direktor Jeral da peskas munisipiu Dili Sr Acasiu Guteres katak.” Treinamentu ohin kona-ba oinsa kaer ikan no metode RAWAI DASAR, ne’e signifika kail talin no isin ne’ebe’ hatun iha fundu tasi nian atu hodi kaer ikan ne’ebe’ iha fundu tasi,tanba ne’e maka presiza halo dezenvolvimentu ba ita nia peskador sira atu nune’e fo benefisiu ba sira, bele hasa’e sira nia kapasidade oinsa bele kaer ikan no hasa’e sira nia produsaun ba rendimentu atu nune’e ikan sira ne’e ita nia konsumudor sira bele asesu di’ak liu ba nutrisaun iha futuru ” Nia hakotu.
Discussion about this post