Sarani Katoliku  Timor-Leste Marka Istoria  Foun

Reportajen: Fernanda Monis Araújo

Sarani Katóliku Timor – Leste hahú marka tan Istoria foun ida, hetan konfiansa husi Amo Bapa Francisco Bento 16, ba Amo Arsebispu Arkidioseze Metropolitan, Dom Virgilio do Carmo da Silva SDB, antes ne’e hanesan Amo Bispu  ba Dioseze Dili, dadaun ne’e, sai hanesan  Arsebispu Kardeal dahuluk ba Timor- Leste, atividade  ba ordenasaun refere, hala’o Iha Roma. (27/08/2022).

Depois dé simu ordenamentu iha Roma Amo Cardeal Virgilio do Carmo da Silva, fila hikas mai  Timor-Leste iha loron 05/09/2022 no iha  06/09/2022 hahu  prezidi misa agradesimentu iha tuku 04.00 – remata, ba sarani sira husi Dioseze tolu (3) Baucau, Dili no Maliana. Iha misa agradesimentu  ne’e, sarani sira antoziasmu tebes hatudu sira nia ksolok no domin liu husi “Viva” bainhira Amo Arsebispu  Kardeal tama iha fatin serimonia misa agradesimentu.

Bainhira Iha tempu, homilia,  Dóm Virgilio  dó Carmo da Silva hateten, “ Ho ita Bo’ot sira mak ha’u klamar hahi’i  Maromak, Maromak domin Nain, Maromak ida ne’e  laran luak Maromak ida ne’ebé  sadi’a mai ha’u ata monu loos ba kreda  Timor no Povu Timor, lia hirak ne’e hato’o husi Arsebispu Kardeál dahuluk, Dóm Virgilio dó Carmo da Silva, bainhira hala’o  misa agradesimentu. Tasi Tolu, Dili, Timor – Leste. Tersa – Feira. (06/09/2022).

Tanba domin ida ne’e  ohin ita mai hamutuk  atu hasae  ita nia obrigadu  ita nia agradesimentu  ba di’ak ne’ebé,  Nai Maromak  kontinua  hasulin  mai ita, dala ruma ita husu  ita nia sinal ba agradesimentu  ba Maromak  ita sukat  ho saida, Maromak  nia kontinua  sadia mai ita nu’udar sarani  nu’udar  povu ida ne’ebé fiar iha Maromak. Oinsa mak ita bele kontinua  haburas domin  ida ne’e, iha ita leet  iha felisitasaun  oi-oin fó mai  atan ha’u desde iha loron 27/08/2022, to’o mai agora no loron  hirak  ne’e iha liafuan  oioin iha balun  dehan  Santo  Padre fó premiu  ida ne’e  ba povu Timor-Leste.

Na’i Maromak halo konvite ida mai ita hotu  ohin, Nia bolu  Maromak  la esklui ema ida, ita mak dala barak fila kotuk  ba Na’i  Maromak   tan  ne’e Maromak  bolu ita ema ida liuliu hirak ne’ebe  hatudu  vontade  di’ak Nia hakarak  atu kolabora  ho Maromak  Nia planu  atu  hatan  ba Maromak  nia  bolu, haka’as an atu  la’o iha dalan  di’ak. Dalan ida ne’e mak naran ba ita sarani ita bolu dalan santidade nian”, hateten Kardeál liuhusi nia homilia.

Alende ne’e, Kardeiál ne’e mos husu atu sarani sira nafatin atu halo orasaun no reza mós ba Kardeál foun ba knaar ne’ebé nia asumi. Tanba knaar ne’e hanesan responsabilidade bo’ot ida ne’ebé Dom Virgilio simu husi Amo papa Francisco iha Vatikanu Roma

“Husu ita bo’ot sira atu  reza nafatin  luliu reza, mos mai ha’u ne’ebé  simu knaar ida ne’e. Hakarak  atu mensiona de’it jestu rua  ne’ebé  iha loron  nomeasaun  ninia iha liafuan rua hanesan  misaun   Kardeál  ida wainhira  Amu Papa tau  bareta  mean ne’e  la’os dekorasi  maibé  ida ne’e  responsavel bo’ot ida.

Wainhira  nia tula buat mean ba ha’u nia ulun ami Kardeál  sira, nia dehan ba Maromak ida ne’ebe  aas liu hotu nia Gloria no onra  sedepostolika simu ba bareta  mean ne’e  hanesan  sinal dignindade kardeál nian, signifika prontidaun  atu halo korajen, maske dala ruma presiza  taka duni ran atu haburas  fiar sarani  haburas  paz trankualidade iha Maromak  nia povu.

Amo papa mós  tau kadeli ida  ne’e  mai ha’u nia liman nia dehan  simu ba kadeli ne’e  husi Pedro nia liman tanba Santu Padre mak reprenzenta São  Pedro simu ba kadeli Pedro  nia liman hateten  katak, o nia domin ba Santa Kreda  haforsa  ho domin prinsipiu Apostolu sira nia  hanesan ohin ita mai hamutuk  iha ne’e ita agradese ita reza buat ne’e la naben la maran liu de’it  loron ida ka rua maibe ida ne’e  sai  responsabilidade   ba ita hotu mai  ita agradese  ba Maromak  ita saran  ba Maromak  ita hotu nia intensaun  tau iha Nai Feto, Timor nian aihun liu husi Sao Joao Paul II Santo ida ne’e  hadomi  tebes  Rai ida ne’e  interasaun  atu ita hotu  bele loron  ba loron  ho haraik  aan aprende, esperiensia  Maromak  iha ita nia familia  iha ita nia komunidade  iha ita nia Nasaun”. nia Salienta

Eminénsia Kardeál husu mos ba grupu organisazaun arte marsiais sira atu promove dame, domin iha sosiedade nia leet, maske iha kor oin-oin.

“Organizasaun  arte marsiais iha fatin barak mosu ho sinais  uniforme oioin hahú partisipa  mos aktividade  kreda. Pesoalmente ha’u kontente  wainhira  hare maske  iha kor oioin tau hamutuk  halo ita sai ida de’it. Koko atu halo di’ak ida ne’e mak kultura  foun arte marsiais ne’ebé  presiza promove, tan ne’e  permite   ha’u atu bele dehan ba lider  sira arte marsiais  ninia sira ne’ebé  iha nivel  nasional  no to’o iha nivel bazse hakarak  atu propoin atu hakiak ita nia foinsae sira espiritu ida hatene  kaer liman servisu hamutuk  esperitu  kaer dialogu, esperitu  respeita malu.

Ita mos atu buka maneira  foun oinsa  ita bele promove, dame,domin,,iha sosiedade ne’ebé  dalaruma ita haree violensia oioin ne’ebé  buras iha ita nia leet. Hanorin ida ne’e  mak ita hotu  nia vokasaun, Maromak  bolu la’os de’it bolu ha’u ne’ebé  fó kna’ar nu’udar  Kardiál ne’e hanesan Presente, ne’e  fo ba ita hotu opportunidade  ida atu ita  hotu ne’ebe halibur, koko la’o hamutuk  sa’e ba Na’i nia  Foho.”Afirma Eminénsia Dom Virgilio.

Entertantu iha sorin seluk  tuir juventude  Derita Maria Mendonsa hateten  senti kontente,  tanba dahuluk Timor oan ida bele simu Kardeál  iha Roma, espera liu husi Kardeál bele hametin  sarani  sira nia fiar.

“Ha’u senti kontente tebes,  tamba bele  hetan kardeal  iha Timor husi  presenza, espera husi kardeal mai Timor Leste bele hametin liu tan sarani sira nia fiar iha maromak liu-liu haburas liu tan amizade ba jovem Timor nian iha Timor-leste “Dehan Derita iha serimonia  partisipasaun  misa agradesemento Dom Virgiliu do Carmo da Silva arsebispo dahuluk Dili cardeal  Timor-Leste.

Hanesan sarani e hanesan mos joventude ida, iha esperansa bo’ot liuhusi presenja Kardeal bele hametin liutan joventude sira nia fiar.

“Ha’u nia esperansa ba oin,  espera katak prezensa kardeal iha Timor-leste bele hametin liu tan fiar juventude  nian  atu bele dada tan jovem sira ne’ebe  iha Timor bele lao tuir dalan ne’ebe  mak ita nia kardeal  Timor-leste  simu husi  ita nia  papa Francisco.” Afirama Derita.

Tuir observasaun jornalista Radio Rakambia, partisipasaun iha misa agradesimentu ne’e, husi sarani dioseze tolu hanesan Dili, Maliana, Baucau, membru governu, membru parlamentu nasionál no hetan siguransa másimu husi PNTL (Polisia Nasional Timor-Leste).