Reportajen : Martinho Soares Amaral/ Meke Magno Nazaria
Movimentu Universitariu Timor-Leste (MUTL) realiza konferensia imprensa relasiona ho kazu droga ne’ebe komete ona rai laran iha loron hirak liu ba.Dili – Iha loron kinta feira (18/08/2022) photo by Martinho Soares Amaral
Movimentu Universitariu Timor-Leste realiza konferensia imprensa, hakarak hato’o ba publiku relasiona ho kazu droga ne’ebe akontese iha Timor, MUTL husu povu hotu hotu tenki servisu hamutuk ho MUTL hodi kontra hasoru desijaun tribunal atu nune’e bele kombate droga iha Timor-Leste, kazu droga laos kazu bain bain , droga hanesan buat nebe fo impaktu negativu ba futuru nasaun tamba ne’e governu persija indetifika kazu droga ho detailu, tamba droga bele estraga estudante ou joventude sira, bele mos estraga nasaun nia futuru wainhira droga nakonu iha Timor. Dili – Iha loron kinta feira (18/08/2022)
Portavoz Celetinho De Arauju hateten “Movimentu Universitariu Timor-Leste (MUTL) komunikadu imprensa relasiona ho kazu trafiku droga ne’ebe maka dadauk ne’e publiku kestiona husi joven na’in sia (9) ho naran inisial M.S.G.S.M.A.H.I no seluk tan, ne’e nudar konsumidor ne’ebe kontra lei kombate trafiku lisitu ne’ebe la rejistu iha trafiku lei No. (2/ 2017) ho nune iha Art. (7) sobre trafiku atividade desita ne’e iha alina un (1) sita katak ema ruma la ho autorijasaun kuda, produs fabrika, hasai prepara oferese tau folin fa’an destribui, sosa foka tan titlu ruma simu husi ema seluk ou fo deit ba ema seluk ou lori ba mai no importa halekar tan elisitiu ai-horis sei hetan kastigu tinan lima (5) ou tinan sanulu (10) , maibe desijaun tribunal prosesa la la’o tuir artigu hitu (7) katak ema nebe sai komsumidor droga sei hetan kastigu tinan rua (2) no ema nebe’ke komsumidor no fa’an sei hetan kastigu tinan lima (5). “ Nia afirma.
MUTL halo leitura no konfirma kazu anterior trafikante droga no konsumu kata desijaun tribunal la tuir normas juridika ne’ebe prinveste mos iha artigu sanolu resin rua (12) dekretu lei kontra trafiku lisitu droga ne’ebe afirma katak bainhira ajente ruma ho hakarak boot konsege hetan subtansia ou preparadu atu uja rasik liu husi pratika ou faktu balu ne’ebe temi iha artigu 7 no sei hetan pena iha klaujula A no B.
“Tribunal aplika deit medida kuasauntil ba konsumidor, tanba ne’e ami husi Movimentu Universitariu Timor-Leste ejiji ejijensia maka hanesan :
1.movimentu Universitariu Timor-Leste hakarak husu ba prezidenti tribunal rekursu Dr,Deolindu Do Santos atu halo regulamentu ba kazu trafiku droga ne’ebe konsumu husi joven na’in sia ( 9),
2.Movimentu Universitariu Timor-Leste hakarak husu ba ministeiru das justica Dr. Tiagu Amaral Saramentu hodi tane as valor justica ihaTimor-Leste hodi fo justica ho justu.
3,Movimentu Universitariu Timor-Leste hakarak husu ba Polisia investigasaun Criminal ka(PCIC),atu nafatin rekola dadus sira para nune’e bele kombate droga iha Timor-Leste.
4,Movimentu Universitariu Timor-Leste husu Parlamentu Nasional atu halo resolusaun hodi hamate droga iha Timor-Leste.
5. Movimentu Universitariu Timor-Leste husu ba prezidenti da Republika halo deklarasaun funu hasoru droga iha Timor-Leste.
6. Se karik la iha desijaun ba ejijensia hirak ne’e Movimentu Universitariu Timor-Leste ka (MUTL),sei organija povu tomak atu halo manifestasaun hodi hasoru tribunal das rekursu”. Nia hateten.
Entertantu portavoz ho naran Cristiano Amaral Sabaco katak,” Hau atu dehan deit katak, husi ami nia konferensia pers ne’e, se la iha ona solusaun husi tribunal ami husu ba parlamentu nasional, governu no prezidente da republika atu tau atensaun masimu, se sira la tau atensaun masimu iha tempu badak, ami hatete deit katak tribunal maka sei fo kinze dias ba sira, husi ami fo ultimatu tres (3) dias karik iha ne’e maka la iha solusaun husi krime droga ne’e , diak liu liberta tia deit droga ne’e iha Timor-Leste atu nune’e ema hotu konsumu livre, karik la iha desijaun maka ami husi Movimentu Universitariu Timor-Leste sei organija povu tomak hodi halo manifestasaun iha Dili laran no hasoru tribunal, no medida ne’ebe ami sei hato’o ba tribunal maka tribunal tenke kondena ema nain 9 ne’ebe konsumu droga ne’e atu nune lori sira ba kumarka la’os liberta fali sira, hanesan dadauk ne’e ita rona katak tribunal rekursu fo ona TIR ba sira, ne’e la justu tanba lei iha Timor-Leste hatete katak ema ne’ebe konsumu droga ne’e kona pena, sa tan ida ne’ebe maka rai no konsumu rasik hanesan iha media publika ona, se karik la iha desijaun ba sira maka tenke liberta ” nia akrasenta.
Iha sorin seluk estudante husi UNTL ho naran Resija Maria Gutteres husi fakludade Edukasaun mos hato”o hela nia perkupasaun kona ba kazu droga ne’ebe akontese iha Timor foin lalais ne’e, nuda’ar Estudante ou joven Timor senti ladun kontenti rona kazu ne’e sai faila tamba Lei la fo dalan atu lori kazu ne”e ba oin.
Estudante Resija Maria Gutteres katak ” hau nudar estudante no nuda’ar joven Timor oan senti ladun satifas ou ladun kontenti ho kazu ne’ebe faila ona tamba ema dehan labele lori ba oin, kazu ida ne’e kazu droga, se droga tama ita nia rain bele estraga joven Timor sira tamba droga buat ne’ebe ladiak, bele estraga ita nia hanoin ,halo ita ladun fokus ba ita nia estudu ,bele mos halo ita sai perkupa liu ba area droga nian “
Estudante ou joven Timor oan sira hakarak kazu droga ne”e tenki avanza ba oin, suspeitu sira tenki hetan kaptura husi polisia tamba kazu droga fo risku boot ba joventude rai laran no bele estraga futuru nasaun, tamba ne’e povu ho governu tenki servisu hamutuk hodi nune’e bele halakon kazu droga iha rai Timor.
” Nuda’ar joven Timor hau hakarak kazu ne’e tenki ba oin, ita tenki buka meus oinsa para bele kaptura ema ne’e, hodi nune’e bele halakon kazu droga iha ita nia rai , atu nune’e ita nia rain bele livre husi droga ” Tenik nia.
Resija Maria Gutteres husu ba maluk joven sira iha Timor laran atu hadok aan husi aimoruk at ne’e hodi prevene ita nia nasaun labele nakonu ho droga.
Discussion about this post