Reportajen: Martinho Soares Amaral
Saudozu matebian, Sr. Francisco Borja da Costa moris iha Postu administrativu Fatuberlihu, Munisipiu Manufahi iha rejiaun kosta sul Timor-Leste , oan mane husi António costa ho nia irmaun Luis costa. Aleinde ne’e, nia mós sai hanesan autór husi disionáriu Tetum -Portugues , Francisco Borja da Costa mak poeta no militante independentista ida , no mós sai hanesan compositor husi Hinu Nasional Timor-Leste nia “Pátria-pátria”. Remata nia antiga kuarta klase iha Soibada depois tun ba Dili, tama iha função pública iha tinan 1967.
Husi 1968 to’o 1971 kumpre servisu militár ho obrigatóriu no nia termina ninia funsaun públika, iha kategoria husi aspirante repartisaun gabinete nian. Iha loron 25 fulan Abril tinan 1947 tama iha movimentu ASDT (Asosiasaun Sosial Demokratika Timorense). (fontes :octocabudoreal.wordpress.com).
Francisco Borja da costa mate iha loron (07/12/1975) durante 47 anos no iha loron Domingu (21/08/2022) familia husi saudozu Francisco Borja da Costa konsege foti fila saudozu nia restus mortais iha Jarding Largo de Lesidere.
Familia husi saudozu Francisco Borja da Costa agradese tebes bele foti fila restus mortais saudozu Francisco Borja da Costa.
tuir programa família nian saudozu Francisco Borja da Costa nia restus sei lori ba knua iha Fatu-Berlihu besik Eskola Filal Pre Primaria (EFPP) Francisco Borja da Costa, hodi halo tuir lisan Fatu-berlihu nian no kontinua halo nia fatin, maibe governu deside, bele foti tanba saudozu mate la’ós tanba família maibé mate tanba rai ida ne’e.
Alin husi saudozu ne’e rasik Sr. Jacinto da costa dehan.”Matebian mate iha (07/12/1997), iha autor invasaun nian to agora (47) anos iha tempu indonesia nian, ami mos la brani atu buka tuir saudozu nia mate.
to’o iha ukun an ona iha Novembru 2011, governu sira komesa atu halo ona jardín Largo Lesidere depois ami deside hodi buka saudozu nia restus mortais no ami hahu buka ,la’os ema maka si’ik deit fatin hakoi saudozu ne’e , maibé Sr. Ernestu husi Lospalòs ho Sr. Atinu Caldas maka hatudu katak ami nia maun hakoi iha ne’e.
Ami sente triste oituan tanba ami la grava nia liafuan,mais sira hatete katak entre nu’u ho fatin lixu saudosu hakoi besik liu maka iha fatin lixu,depois iha 2011 governu komesa taka hodi hadia jarding ne’e” Katak Sr. Jacinto Costa .
Sr.Jacinto Costa mós Afirma katak durante tinan hirak ne’e husi parte Familia tenta atu buka ho meius oioin maibe lakonsege hetan Saudosu nia mate ruin.
“Ami mós komesa mai buka ona ,ami mós la halo tuir rituál sira durante fulan hirak nia laran, ami buka la hetan depois rona fali informasaun seluk dehan ema suru pontikais lori sumenti mai fakar iha ne’e, depois ami ke’e fali iha fatin ne’e maibe la hetan nafatin no iha tempu ne’e ami para la buka.
Iha outubru 2021 fóin ami deside atu buka fali no ami hamutuk halo preparativus hodi mai kee fali maibé, ohin loron ne’e buat ida maka importante kolia konaba matebian, hakarak ou lakoi familia tenke lori, ohin loron balu hela iha foho, balu iha sidade atu hamutuk halo ida ne’e susar oituan importante maka ita tenke fó fuan no laran hodi halo.
prosesu ne’e susar tebetebes promete atu kee iha 07 dezembru la konsege depois marka fali ba 03 dé Marsu la realiza, entaun ha’u hola inisiativa tenke halo uluk nia rate para ita foti nia restus hodi ba tau iha rate kedas,sekuandu ita foti déit la tau iha rate mós ne’e problema.
iha loron (17 dé fevereiru 2021) ha’u mós brani ona atu Buka ka hasai nia restus mortais tanba ne’e foin lalais ha’u ba iha administrador do postu Same katak buat hotu realiza déit ona no ita bele la brani maibé matebian maka haruka ita atu halo.“ katak Sr. Jacinto
Sr.Jacinto espresa hodi agradese tamba parte familia bele hetan mate ruin husi Saudosu Francisco Borja da Costa .
Sr.Jacintu hatutan“depois de hau ho hau nia subrinhu ba hasoru maun kasmiru iha aitana, suku lalini ,dehan bele foti nia restus , ami husi familia la espera katak bele hetan tuir nia tanba rai ne ke’e ba dala rua ona ho makina no ohin ami rasik maka ke’e maibe agradese bele hetan hikas nia ruin.
ami hein katak buat hotu bele lao diak no molok ami atu fila iha maluk balun dehan atu lori ba teste (DNA) ami familia sei la impata no kumpri bele lori ba teste governu nia avaria.katak Sr. Jacinto.
Sr. Jacinto haklaru katak nia hetan autorizasaun husi família, martir sira tantu governu antes kee saudozu nia mate-ruin.
Sr. Jacinto esplika”ohin ha’u kee saudozu nia restus laos husi parte família déit maibe ho autorizasaun governu nian mos ha’u ba hasoru sua ex. primeiru ministru iha dia (10 dé Janeiru 2022) no ha’u ba husu buat tolu maka hanesan lisensa deskulpa no orientasaun.
Antes ha’u ba , ha’u ba uluk ona iha novembru 2021 maibé la realiza tuir ha’u nia analiza katak matebian lakohi katak ami nia lisan mate tenke iha nia na’in se na’in la iha nia sei la mai.
ha’u nudar nia alin ami inan ida, aman ida no lisan ida ha’u tau an ba hodi buka nia ruin grasa maromak ohin bele hetan liu husi ajuda maun Casmiru nian, espera katak nia bele hakmatek ona.
ha’u husu mós ba nia maluk martir sira ne’ebé durante 47 anos sira hamutuk husu lisensa katak imi hamutuk loron di’ak maibé fó lai imi nia kolega ne’e ami lori ba ami nia rai no ami agradese ba sira hamutuk durante 47 anos.
no ruin ne’ebé maka ohin ami hetan maka hanesan ruin pedasuk rua maibé ne’e la’ós ruin loos maibé fukun sira ne’e.”Dehan Sr.Jacinto
Discussion about this post