Reportagem: Meke Magno Nazaria
Klibur Estudante Joventude Fatubessi (KEJF ) iha inisiativa selebra komemorasaun loron Falintil ba dala 47 iha munisípiu Ermera postu administrativu Hatulia B, Suku Fatubesi. Segunda – Feira. (15/08/2022).
Sérimónia né’é réaliza mós diskursu nasionál hodi haré ba juvéntudé rézisténsia no juvéntudé milinéal, Orador prinsipál ba diskursu né’é maka Sékrétariu éstadu juvéntudé é Désportu Sr. Abraun Nokosiku Saldanha, no mós oradór prinsipál Jeneral Reformador Tito Gonsalves Lere Anan Timur (LAT).
Jenerál reformadu forsa defeza, Lere Anan Timur iha Seminariu diskursu ne’e, kolia kona ba istória funu uluk nian, Fatubesi sai hanesan istória ida ne’ebe liga ba Timor nia funu ba ukun Rasik an, no Fatubesi iha tempu uluk sai mós fatin subar ba Lider ida naran Saudosu Konis Santana to’o nia mate,Fatubesi sai baze Falintil nian, Jenerál Lere Anan Timur mós hafahe nia esperensia ba joven no labarik sira kona ba tamba saida mak Timor hakarak ukun an atu nune’e aban bain rua sira mak sei konta tutan ba jerasaun tuir mai.
Jenerál forsa défeza Timor-Leste Lere Anan Timur katak, ” Fatubesi sai hanesan rai ida ne’ebé hanesan mós istóriku ida ,ne’ebé liga ba ita nia funu ba ukun aan, hanesan ita hotu hatene katak rai Ermera sai hanesan fatin istóriku ida ne’ebé uluk lidér ida ho naran Saudosu Konis Santana mai subar fatin iha ne’e to’o mate, iha dia 20 dé agostu ne’e loron falintil ninian rezisténsia ba dala 47 no ami ne’ebé uluk membru falintil ninian, ami ne’ebé uluk halo funu, ha’u hakarak konta uitoan istória kona-ba istória Falintil ninian atu husik hela ba ita nia oan no bei oan sira ,kona-ba istória funu nian tanba saida maka ita ukun an no tanba sá ida maka ita hakarak ukun an atu nune’e ba futuru sira maka sei konta tutan ba jerasaun ba jerasaun,
Ita hatene Fatubesi mós sai hanesan baze Falintil ninian tanba ne’e ba ha’u nia oan bei oan sira ba futuru jerasaun foun tuir mai tenke konta didi’ak istória Fatubesi ne’e , iha Timor-Leste konsentrasaun Falintil ne’e fatin tolu ida maka Fatubesi ida maka Waimori ida maka Atelari ,oportunidade di’ak ha’u mai husik hela ba imi katak rai Fatubesi fatin istóriku aban bainrua konta aman no bei oan sira nia istóriku tanba istória sai hanesan ita nia klamar”
Fatubesi oan mate barak ba funu ida ne’e tanba ne’e Fatubesi oan teki eskola hodi aban bain rua sai matenek no hatutan istoria husi jerasaun ba jerasaun, maske agora valores prinsipiu ne’ebe Falintil husik ba povu la hanesan ona , uluk Falintil ho Fretilin funu la iha ema ida selu maibe agora buat hotu lao ho osan,tanba ne’e juventude Fatubessi no juventude Timor teki eskola ho matenek hodi bele dezenvolve nasaun ida ne’e ba oin ,juventude tenki dezenvolve nasaun ho laran no fuan boot.
” Fatu besi oan mós mate ba funu ida ne’e, hau husu ba hau nia oan sira, tenke badinas ba eskola atu sai matenek atu nune aban bainrua bele hatutan istoria ne husi jerasaun ba jerasaun, valores prinsipiu ne’ebe Falintil husik ba povu timor-leste ita kompara situasaun agora no ba kotuk la hanesan ona ,Falintil no Fretilin halo funu ema ida la selu, uluk ita nia membru komite sentral Fretilin hamutuk seisenta ital mate hotu hela nain tolu (3) de’it maka hanesan avo Nana , matébian Mauhudu ho Fernandu Caia, Ferna Caia maté uluk , Mauhudu foin lalais maka maté iha ukun an ninian, agora hela déit maka avo Nana, atu hetan ita nia soldadu nia kestaun atu ukun an ne’e halo oinsá, baze dé apoiu maka rahun esperansa laiha ita atu ukun an no ita nia maun sira ne’ebe agora iha ne’e lafiar katak atu ukun an ita lakon esperansa,iha hitu nulu resin nen ( 76 ) até walu nolu resin lima ( 85 ) ligasaun kotu no ami
Falintil mós lakon esperansa ami atu moris hetan ukun an ne’e ami nia palavra dé orden Falintil, nia devér obrigasaun maka úniku liu tan mate ba rai no povu ida ne’e, iha tempu ne’ebá iha globu rua ida maka kapitalista ida maka intonalista no iha tempu ne’ebá ami fiar katak tinan lima nulu (50) mai povu sei ukun an maibé ita Falintil labele konta katak ita moris to’o hetan ukun an, ami nia devér obrigasaun mate ba rai ida ne’e, maibé ita nia rai ne’e lulik ,ita nia uma lisan ne’e boot maka ohin loron ami na’in hira ne’e moris hodi konta istória Falintil ninian ,konta Fretilin nia istória ho ami nia an rasik .” Katak LAT.
Entretantu Sekretaria Estadu Joventude no Desportu Sr. Abraun Nokosiku Saldanha dehan husi Sekretaria Estadu Joventude no Desportu apoiu inisiativa joven sira iha fatubesi ne’e atu halo reflesaun konaba loron Falintil nian, oinsa maka importansia ispiritu Falintil ninian hodi sustensa luta ba libertasaun nasionál luta ba ukun rasik an ho atividade oioin ne’ebé komemora iha Fatubesi.
sekretaria Estadu Joventude no Desportu Abraun Nokosiku Saldanha hateten,” ita hein katak komemorasaun ne’e bele lori joven sira foin sa’e no estudante sira sai hanesan sentidu hodi sira sente nain ba Timor-Leste no buka kreatividade, buka sira nia poténsia oioin atu nune’e bele kontribui ba dezenvolvimentu nasaun ninian iha ita nia rain espesialmente iha Fatubesi no Ermera laran tomak, no papél governu nian maka kontinua kria espasu kredivel ba joven sira liu husi programa edukasaun formasaun dezenvolvimentu ekonómiku ,seluk ne’ebé maka ajuda joven sira,no kria espasu ba joven sira atu sira bele realiza sira nia poténsia.”
Situasaun ne’ebé agora joven sira enfrenta hanesan joven ne’ebé ba buka servisu iha ema nia rain,tenki la’o ho legál ba ho ajénsia akreditadu ho nune’e la hetan terus iha ema nia rai, no la lori risku ba sira nia moris ida -ida , sira mós sei la sai vítima ba oportunista ne’ebé aproveita de’it situasaun joven maibé laiha responsabilidade.
Primeiru tenta husu ba maluk sira ne’ebé hakarak ba, ba ho legál ou ema ruma maka bolu karik ba ho ajénsia akreditadu nune’e para labele terus, saida maka estadu iha maka fo lisensasoes ,hanesan Jeneral Lere Anan Timur hatete situasaun polítika ita nia rain nian ne’e konsekuénsia husi tinan barak ne’ebé ita iha, oinsá maka polítiku sira bele tuur hamutuk hodi hanoin atu dezenvolve ekonomia sai kualidade, di’ak liu ba ita nia rain, maibé ita labele taka dalan tanba ohin loron era globalizasaun mobilizasaun ema nian ho sasán ne”e agora la iha fronteira, la’ós ita de’it maka ba ema nia rain ema mos mai ita nia rain, ida ne’e maka karakterístika ida ohin loron ita moris iha era globalizadu , importante maka sai ho dalan ne’ebé maka legál para nune’e labele lori risku ba ida-idak nia moris, ita iha situasaun
Ida, bolu demokrafika ,joven barak liu iha ita nia sidadaun, saida maka ita halo kontinua kuda ba iha joven sira no mos espiritu nasionalismu patriotismu, ita hatene joven sira ba rai liu ne’eba mos haruka fali osan mai tanba sira labele abandona sira nia rai no sira nia familia, saida maka ita halo husi governu maka ba oin tenke investe rekursu humanu para nune’e ema sai lao la iha skil no ineste iha divertasaun ekonomika empregu “.
Iha momentu ne’e, Sekertaria Estadu Joventude no Desportu mós hato’o hela nia mensajen ba maluk foin sa’e sira ne’ebé agora prepara hela sira nia dokumentus atu ba servisu iha rai li’ur.
importante maka ba ho ajénsia legais para nune’e sofre labele tuir oportunista sira ne’ebé maka aproveita situasaun joven sira nian hodi kobra buat ruma maibé la’o ho sira ne’ebé maka iha agencia akredital, bele mós hare oportunidade iha Dili Timor laran bele esplora joven barak mós hala’o sira nia vida iha timor laran ho esplora oportunidade no sira fó kampu dé traballu ba ema balu. ” Nia hakotu.
Discussion about this post