UNVERSIDADE ORIENTAL TIMOR-LOROSA’E FO GRADUASAUN BA ESTUDANTE NA’IN 305.

Reportagem : Dircia G.P.Barros

Ihuzelia da Costa nuudar Inan ba estudante Graduadu Filomino Brezildo Gomes husi Departamentu Siencia da Edukasaun Fakuladade Biologia. Photo By: Manekas Borges

Universidade Oriental Timor-Lorosa’e (UNITAL) fo graduasaun ba Estudante na’in atus tolu lima (305) ba dala X iha akademiku tinan 2022, serimonia graduasaun ne’e realiza iha salaun UNITAL Becora Dili. Sexta-Feira (15/07/2022)

Estudante ne’ebe’ simu Graduasaun mai husi Fakuldade (7), hanesan Fakuldade Direitu, Fakuldade sosial politika (Fisipol), Ekonomia, Engineria, Agrikultura, Siensia da Edukasaun no Siensia de Sude.

Estudante Graduadu Filomino Brezildo Gomes husi Departamentu Siencia da Edukasaun Fakuladade Biologia hateten.” Ha’u orgulho teb-tebes durante hahu ha’u nia estudo ida ne’e, iha tinan 2018, no nu’udar estudante ida sempre hasoru difikuldade ne’ebe barak tebes mak hanesan Nesecidade basiku sempre infrenta, maibe nu’udar joven ida ne’ebe ke presiza aprende no pasensia hodi, ita bele realiza no determina ita nia estudo iha Unversidade de Dili.

Ha’u nia estudo ida ne’e, hetan  suporta husi ha’u nia familia, liu-liu  nesesidade baziku, sempre hetan apoiu no suporta,  liu husi ajudu  hirak ne’e  hau  nia estudo ida ne’e, bele to remata.

Ohin ami hala’o Graduasaun  Estudante hamutuk Atus lima (305) pesoas no fakuldade ne’ebe eziste  hamutuk hitu (7 ) hanesan Fakuldade de Direito, Fakuldade Fisipol, Faculdade Economia, Faculdade  Agrikultura, Fakuldade  Siencia  da Edukasaun, no Fakuldade Siencia de Saude.”

Reitor Universidade Oriental Timor-Lorosa’e Sr.Florindo Pereira hateten, ”Estudante sira neebe remata ona sira nia estudu tenki uza sira nia matenek,  hodi kria sira nia servisu rasik tamba Governu menos kria kampo serviso.

Graduadu sira ne’ebe hetan ona  matenek  ne’e depois  ba uza iha komunidade hodi servi ba ita  nia komunidade, hanesan sira ne’ebe maka fakuldade Saude bele mos ajuda ita nia Populasaun oinsa mak bele hetan saude diak iha komunidade ne’e, no depois Fakuldade Engineria ho Agrikultura sira oinsa mak bele halo futuru ne’e sai diak liu tan.

Ita labele depende ba hahan iha rai liur, maibe kada estudante tuir ida-idak nia profisaun  aprende iha Unversidade ida  ne’e, bele implementa sira nia matenek.

Gradusaun Unversidade Oriental Timor-Lorosa’e tinan ida ne’e, hala’o Gradusaun ba dala (10), durante ne’e Universidade Oriental Timor-Lorosa’e  (UNITAL) fo ona Graduasaun ba Eatudante besik Rihun Sia ona.”

 Inan Ihuzelia da Costa hato’o nia sentimentu.” Ha’u nu’udar inan senti orgulu ho kontente teb-tebes tamba, ami hara’e, ami nia oan sira   ohin hala’o graduasaun ida ne’e.

 Maske durante nee,  ami inan-aman sira hasoru defikuldade oioin, buka osan hodi hare’e ba ami nia oan sira nia eskola hodi halao sira nia estudu, iha  Universidade Oriental Timor Lorosa’e (UNITAL) ida ne’e, maske durante nee terus maibe ohin ami senti kontenti tebes, maske ami nu’udar Inan-Aman sempre  hasoru dezafio barak, maibe liu husi buat hirak ne’e mak ohin loron hodi bele halo sira nia Graduasaun ida ne’e .”