Perma Youth Traning Camp: Autoridade Lokal  Ho Komunidade Nakonu Ho Esperansa  

Reportajen: Rita Soares

Atividades Perma Youth Traning Camp ne,ebe inisia husi ONG PERMATIL iha 2008 nakonu ho esperansa no  fo solusaun  ba komunidade sira nia moris liu husi,  issue enviromentu, Biodiversidade no ekolojia  em jeralmente  iha Timor – Leste.

Iha 06 Junu to’o 10 Junu 2022  Organizasaun naun- governmental (ONG) PERMATIL hala’o kolaborasaun ho ONG TILOFE hodi realiza Perma Youth Traning Camp kona-ba rekursu rai no konservativa be, hodi prevene dezastre naturais iha tempu udan no mos kria ka hamoris be matan. atividade ne’e hala’o iha munisípiu Ermera,postu administrativu Railaco,suku Fatukeru,aldeia kaitarahei no kukua.(07 – 10/06/2022).

Iha atividade enseramentu Perma Youth Training Camp nee, Diretor PERMATIL  Sr.Ego Lemos  hateten, ” kuandu ita koalia Konaba konservasaun be’e ita koalia Konaba aspetu barak, dahuluk koalia Konaba  konservasaun be’e, koalia Konaba paz no estabilidade tanba, udan been suli husi foho ba tasi depois sobu rai barak estraga buat barak iha tempu udan, iha tempu bailoron  komunidade sira hotu, liu-liu feto ho labarik sira sai vitima, lalin be’e distansia dook.    

komunidade barak mak, iha problema ba parte seguransa, rezolve problema la hotu, no ita hare notisia iha televizaun loro-loron, koalia Konaba . problema be’e , mais lolos problema bee e’e fasil hela atu rezolve,  desde ukun an mai to’o agora, ita investe osan milaun ba milaun, ba deit infrastrutura be’e,  ita dada bee tau tanke,  dada pipa mais,  ita la tau atensaun atu konserva, ita nia be’e matan,  rekursu be’e no sistema be’e sira ne sai monumentu mak barak los, ita lakohi ita nia sistema sira ne’e,  sai monumentu,  diak liu konserva rekursu be’e, konserva be’e ulun, hodi bele  rezolve mal nutrisaun.   

Iha dadus hatudu Ermera mak mal nutrisaun as liu iha Timor, problema saida tanba fornesementu kuandu be’e la to’o ema labele kuda ai-han,  be’e naton hodi konsumu rezolve problema mal nutrisaun familia. Ita koalia Konaba konservasaun be’e koalia Kona konservasaun biodiversidade,  inklui ai-laran, animál fuik no seluk tan.

 koalia mos Konaba eko-turizmu tamba,  bainhira ita konserva ita nia debu ida. Ita nia debu be’e kuandu aban bairua be’e nakonu bele tau ikan iha ne’eba atu,  komunidade iha fatin bele uja hodi han no mos fatin atu sai atriativu ba turizmu. Ita konserva be’e  sai esensial ba dezenvolvimentu sustentavel,  tanba be’e mak nasaun barak iha mundu  funu, hanesan diskursu nai Secretario Estado Joventude Desportu hato’o katak,  iha tinan lima-nulu (50) mai Nasaun barak iha mundu sei,  infrenta be’e kuandu,  ita la hahu agora atu Salva be’e matan, konserva ita nia be-ulun, rekursu be’e inklui kadalak, mota, lagoa, debu, be’e matan tinan lima-nulu (50) mai saida mak  hateten sei sai realidade.

Sr.Ego Lemos lori permatil nia naran Agradese ba Diretor  ONG Tilofe,Sr.Ezaquiel ho nia equipa tomak tamba ho aten brani hakarak lidera,  movimentu konservasaun iha municipio Ermera.

Diretor PERMATIL  mos agradese no sujere ba presidente autoridade ho nia estrutura tomak iha Ermera,ne’ebe mak fo apoiu ba autoridade lokal ,Xefe suku, Xefe aldeia, lia nain sira ne’ebe prontu atu partisipa iha  formasaun ida ne’e.

Katak Ego Lemos. “ Lori fila ita bot sira nia matenek ou skill sira ,atu  rezolve problema be’e iha  ida-idak nia suku, iha oportunidade hakarak agradese ba organizasaun hotu ne’ebe mak mai iha ne’e no mos komunidade iha fatu-keru espesialmente liu rai fatu-keru ho nia estrutura tomak nia komunidade, lia nain sira, mai iha  fatin ida ne’e, permatil nafatin prontu atu hamrik ho TILOFE  atu kontinua apoiu movimentu konservasaun be’e iha municipio Ermera.

Hau  sente orgullu tebes, tamba diretor TILOFE Sr. Ezaquel ho nia ekipa tomak,  aten brani lidera joventude oan sira, hodi halao atividade konservasaun be’e iha municipio Ermera.lia hirak ne’e Sr.Ego Lemos hato’o iha Enseramentu Perma youth training Camp. 10/06/2022.

Iha parte seluk Xefe Suku Fatukeru Sr.Ricardo Madeira hateten,”Hau agradese tebes ba programa ida ne’e,  mak ohin loron TILOFE halo ba komunidade  suku Fatu-keru, redi-feto.  Suku Fatukeru, Suku ida ne’ebe famozu iha municipio Ermera, hau orgullu tebes katak programa bele ba iha hau nia suku fahe informasaun ba komunidade sira,  saida mak konservasaun be’e, atu nune’e evita hahalok, sira ne’ebe komunidade halo tesi, sunu rai arbiru,  bele mosu be’e maran iha ami nia suku, neduni nuudar autoridade, delegado, komunidade suku fatukeru agradese tebes ba Diretor Tilofe ho nia ekipa tomak ne’ebe esforsu bele lori programa ida ne’e mai  ami nia suku Orgullu tebes tamba primeira vez mai iha ami nia suku.”

Iha enseramentu nee Xefe Suku Fatukeru, rekomenda hela ba suku rua fatu-keru ho rai-laku, katak.” Hahu ba oin  animal sira, tenke kesi tamba ita nia debu sira agora komesa konserva ona iha fatin sira hanesan besibere, asu mate,  debu ho nun tali, ita konserva no komesa servisu ona ida ne’e animal tenke kesi labele halo para atu sobu debu, ne’e tamba esforsu an tebes,  ho ita nia maluk sira ohin loron mai aproveita servisu hodi hatudu hela ba ita nia jerasaun atu nune’e aban bairua sira bele kontinua nafatin,  ida ne’e mak nuda’ar autoridade hakarak fo hatene ba suku rua ne’e, observasaun debu antigu desde avo beiala sira atakasaun ba be’e  ida ne’ebe mak fornese komunidade. Se  kandidatura  ba futuro, lakohi kopera mak be’e sira ne’e sei, la fornese ba komunidade, karik halo akaptasaun ba be’e.

Xefe suku Fatukeru  ksolok Tebes,Tamba diretór Permatil ho diretór Tilofe halo atividade ida ne’e,  bele motiva joven sira. lia hirak ne’e,Sr.Ricardo Madeira hato’o iha enseramentu perma youth training Camp.”

Intervista ho Perma Youth Training Camp ne’e,   realiza tanba Radio Rakambia hetan kolaborasaun no apoiu finanseiru husi  ONG PERMATIL.