MTK planeia ona projetu ba terminál sira sei asesibilidade ba ema ho defisiénsia sira

Reportajen: Jacinto Amaral Soares

Diretór Jerál Planeamentu, Ministériu Transporte no Komunikasaun, Marcal Pinto, klarifika projeitu terminal ba ema ho defisensia ba sosiedade sivil sira, iha salaun FONTIL Kaikoli, Dili (03/06/2022). Photo by: Jacinto A. Soares

Diretór Jerál Planeamentu, Ministériu Transporte no Komunikasaun, Marcal Pinto informa projetu ba terminál sira sei asesibilidade ba ema ho defisiénsia sira, maibé projetu refere tama iha estratéjia nasionál, la prioridade ba ema ho defisiénsia sira de’it. Lia hirak ne’e Marcal hato’o iha serimónia diálogu entre sosiedade sivíl ho ministériu relevante kona ba OJE bazeia ba direitu ema ho defisiénsia, ohin iha salaun FONGTIL Kaikoli, Dili (03/06/2022).  

 “Projetu ba iha terminál sira ohin, iha atividade segundu ne’e ko’alia kona ba asegura iha estasaun terminál sira, seguru ba feto sira, labarik feto no ba ema defisiénsia sira. Ita prevee orsamentu iha tinan 2022 ne’e rihun nen e tal (6000), mas projetu sira ne’e la’ós de’it ba iha maluk ho defisiente sira de’it maibé projetu ne’e estratéjia nasionál maibé inklui mós ema ho defisiénsia asesibilidade iha  laran, tanba ne’e mak ita la’ós prioridade ba maluk ho defisiénsia sira, para atu ketak maibé projetu ne’e nasionál.

Projetu terminál ne’e Ministériu Transporte Komunikasaun iha planu ba terminál Hera, Manleuana inklui mós terminál Tibar, no planu terminál rejionál sira agora daudauk iha hela prosesu planu mestre, IDB mak responsabilidade ba ida ne’e planu mestre ne’e orsida sei remata iha tinan ida ne’e no inklui mós ho estudu viabilidade ba iha  ba terminál rejionál sira hanesan Baucau, Suai, Maliana Maubise ne’e mós sai prioridade para atu halo terminál,” nia esplika.

Marcal akresenta katak programa importante sira ne’ebé mak sira konsege realiza ona iha tinan 2021 mak hanesan implementasaun bazeia ba jéneru foka ba inan feton sira iha área rurál no parte seluk mak asegura transporte públiku ne’ebé mak asegura ba ema ho defisiénsia sira.

“Iha ne’e ha’u atu relata ha’u-nia prezensa bazeia ba ajenda ou tópiku ne’ebé mak fó  ba Ministériu dos Transporte Komunikasaun katak atu mai fahe ho sosiedade sivíl sira planu asaun anuál Ministériu dos Transporte no Komunikasaun nian, liga ba planu asaun ema ho defisiénsia ba tinan 2022 ninian, sera ke planu asaun anuál nasionál hatama iha 2022 iha Ministériu Transporte ka lae, no karik iha ninia progresu agora ne’e to iha ne’ebé, tanba ne’e mak ha’u nu’udar ema planeamentu no serbisu nu’udar pontu vokal agora bolu naran embaixadór ba ema ho defisiénsia, entaun ha’u rasik tenke mai klarifika lolos, ita hotu hatene katak Timor Leste kompromete ona atu asegura direitu ema ho defisiénsia sira, depois iha polítika nasionál mós kona ba inkluzaun no promosaun ba direitu ema ho defisiénsia sira nian aloka ona iha tinan 2021, liuhosi rezolusaun Governu númeru 14/2021,

Aleinde ida ne’e Governu Timor Leste mós kompremetidu ba implementasaun faze daruak deklarasaun Maubise tinan 2018 to 2023, depois iha oitavu Governu konstitusionál ida ne’e mós prevee ona programa hahú hosi 2021 to 2022, depois iha 2021 programa bolu dehan implementasaun polítika jéneru ho ninia sub- programa mak deklarasaun Maubise depois ita iha atividade tolu ne’ebé mak iha 2021 ne’e ita tau primeiru mak liga ba iha implementasaun ba jéneru ne’ebé mak halai liu ba ita-nia feto maluk sira ne’ebé mak iha área rurais serbisu iha agrikultór oinsá mak sira nia produtu sira ne’e bele asesu ba iha merkadoria ita bele akompaña fó sosializasaun ba sira para sira nia produtu sira ne’ebé bele sai iha média, média sosiál facebook, maibé ida importante liu ami iha atividade rua ne’ebé mak ami hamosu iha 2021, ida primeiru mak asegura ba transporte públiku ne’ebé mak seguru ba defisientes hanesan zebra cross, sinais tránzitu, lian sonoro, pontes de paseiu uza asesibilidade ba ema ho defisiénsia sira, atividade primeiru ida ne’e sinseriamente ami hatete katak iha momentu ne’e ami prevee de’it osan 3.500.60 de’it ita mós hatene katak orsamentu ne’e mai hosi pakote tanba ne’e mak osan mai la hanesan ho ita-nia proposta projesaun proposta ne’ebé mak iha entaun orsamentu ita tenke koloka ba iha atividade ida ne’e nian ki’ik liu entre ministériu sira seluk,” Marcal hateten.

Iha fatin hanesan Norberto Bareto Maia, hanesan ema ho defisiensia matan ida hateten, fatin públiku barak mak seidauk asesivel tanba ne’e nia husu ba parte kompetente atu hare ba kestaun sira ne’e hodi nune’e ema ho kondisaun defisiénsia sira bele mós asesu.

“Tuir ha’u-nia parte kona ba asesibildade ba ema ho defisiénsia seidauk másimu tanba dala barak intervén mós orsamentu ne’ebé atu aprova hosi polítika na’in sira hodi atu halo  asesivel ba ema ho defisiénsia  atu asesu, Governu rasik tenke envolve mós ema ho defisiénsia atu nune’e atu nune’e bele hare liu ba asuntu importante sira ne’ebé mak seidauk atinji iha ita-nia nasaun doben ida ne’e atu nune’e bele hadi’a di’ak liu tan buat sira ne’ebé mak seidauk asesivel atu nune’e ami ho kondisaun defisiénsia sira bele asesu,” dehan Norberto.