Reportajen: Ana Elizabeth Imelda Gama
Governu Timor – Leste, liu husi Sekretaria Estadu Formasaun Profisional no Empregu (SEFOPE) no Diresaun Nasional Emprego Esterior (DNEE). Hala’o serimónia despedida no Asina deklarasaun entre familia traballadór ho SEFOPE konaba traibailadór Timoroan nai ualu Nolu Resin Hitu (87) kompostu feto na’in 2 no mane na’in 85, ne’ebé maka semana ne’e sei ba servisu iha Korea dó Súl.
Serimónia despedida ne’e, hetan partisipasaun husi Primeiru Ministru Taur Matan Ruak, (PMTMR), Sekretáriu Estadu Professionál no Empregu (SEFOPE) Sr. Alarico do Rosário, embaixadòr Korea iha Timor-Leste, Mr. Kim Jeong no família husi traballadór. serimónia refere, hala’o iha salaun Hotel Timor Lodge kumoro. Sesta-Feira. (06/05/2022).
Iha abertura serimónia refere, (PMTMR) fó mensajen ba Trabailador Timor oan na’in ualu Nolu resin hitu (87) ne’ebé sei arranka ba Korea Súl hateten hakarak lori Timor ba oin, muda uluk ita nia an.
“Iha liafuan ida hateten sei ita hakarak lori Timor ba oin , dudu Timor ba oin, muda Timor, ita hahú muda uluk ita nia aan, se ita lamuda ita nia aan ita lamuda Timor. Ha’u nia oan joven sira, ita boot sira sai ba hetan rai foun, ema foun, hahalok foun, hahan foun, lisan foun, situasaun foun, ne’e mudansa ida boot, maibé ita boot sira nia kolega barak ne’ebé dezde 2009 ba ne’ebá to’o agora sira hatudu katak sira bele adapta aan ba mudansa ne’e, ema dehan la’os ida ne’ebé forte liu no ida ne’ebé matenek liu mak nia bele ba oin, maibé sira ne’ebé hatene adapta an, muda an tuir ambiente no situasaun ne’e mak bele ba oin, sei moris no sei ba oin, ita boot sira hahú halo ida ne’e.” katak PM TMR
PM TMR mós hato’o nia dezeju ba traballadór sira atu susesu iha sira-nia servisu, labele haluha husik hela inan-aman.
“Ha’u nia dezeju, ba ha’u nia oan sira atu susesu iha imi nia servisu, imi labele haluha inan-aman sira, maski dook husi matan, maibé besik iha fuan, entaun imi lamesak, iha sira no ami hotu besik imi, tau matan ba imi, rona no akompaña imi- nia situasaun, imi presija hetan forsa no kbiit atu intenta.” Afirma PM TMR
PM TMR hatutan liu tan,” Traballadòr sira ne’ebé mak ba servisu tenki disiplina tuir regra ne’ebé mak iha. Displina, tuir regras,fiar maibe regras ne’e importante. Ha’u vizita Korea dala barak, Korea ema ne’ebè disiplina maka’as, servisu maka’as, iha tempu badak transforma ita nia nasaun, trasforma ita nia vida, ne’e ezèemplu ida ita bele banati tuir. Sira mos iha moto ida, bain-bain ha’u halo tuir, “ toba tarde, hader sedu, to’o uluk, servisu badinas”
Aleinde ne’e, PM TMR mós fó mensajen ba família sira, sakrifísiu tomak ne’ebé oan sira oferese keta gasta arbiru.
“Oan sira ba servisu la’os kontribui ba familia nia moris de’it maibé, kontribui mos ba dezenvolvimentu nasaun., tamba ne’e, husu inan-aman osan ne’ebé karik sira haruka mai uza ho didiak labele halo fali festa, labele halo fali lia-mate, lia-moris, maibé rai didiak ba oan sira nia fururu” dehan PM TMR.
Iha sorin seluk, reprezentante família traballadór Sra. Joaniña Fransisca da Costa espresa mós, nia sentimentu ba jornalista sira iha fatin refere.
Joaniña espresa. “Ha’u senti kontenti no agradese ho planu programa governu nian tanba, hamenus dezempregu ba sidadaun sira iha nasaun. sira ba servisu iha korea, q bele atinji objetivu hodi kontribui ba sira nia aan no aprende, sai hanesan esperensia no fila mai karik bele implementa. Parte seluk, ha’u senti triste tanba dook husi sira durante tinan balun nia laran, maibé husu de’it orasaun atu sira nia saúde di’ak nafatin hodi fila mai hamutuk ho família.”
Discussion about this post