Reportajen: Robelson Cardoso
Timor – Leste Lansa Ona Rede ba Saude ho naran “REBAS T-L”. Liu husi kooperasaun entre FONTIL ho USAID. Programa ne’e, FONTIL koopera hamutuk ho Ajensia ba Dezenvolvimentu internasionál USAID, hetan ona lansamentu husi Vice Ministru Saude, Bonifacio Maucoli Dos Reis, hamutuk ho Enkaregadu Negosiu Embaixada Estadus Unidus Amerikanu iha Timor-Leste, Tom Daly, Direitora Misaun USAID Timor-Leste, Zema Semunegus, reprezentante ONG lokál no internasionál.
Lansamentu ida ne’e hetan apoiu husi Estadus Unidus Amerikanu, liu husi ninia ajénsia Dezenvolvimentu internasionál USAID, hanesan parte ida husi apoiu finanseiru millaun sanulu resin Lima pontu Nee dolar Amerikanu ( 15.6).
Rede foun ne’e estabelese, ho objetivu atu eleva sosiedade sivíl sira nia involvimentu ho governu, hodi asegura servisu Saude ne’ebé inkluzivu justu no kualidade ba Timor oan. Atividades refere halao Iha Suai Room, Timor – Plza, Dili, Timor – Leste. Kinta -Feira (05-05-2022).
Visi Ministru Saude Bonifacio Maucoli Dos Reis hateten,” Rede ba Saude husi FONTIL importante tebetebes, tanba FONTIL nu’udar organizasaun ida ne’ebé sai parseiru ne’ebé forte, ba Ministeriu Saude. Sistema ida ne’e, atu bele ajuda Ministeriu Saude halo kooperasaun, koordenasaun, no interesante liu oinsá sira atu bele halo advokasia, halo sensibilizasaun liuliu oinsá atu bele hasa’e, koñesimentu ita nia komunidade sira para bele, partisipa di’ak liu tan iha Saude.
Kontinuasaun husi programa ida ne’e sempre nafatin iha Komunikasaun no kordenasaun, tam-ba ita hakarak tuir ita nia objetivu, ita nia planu estratejiku dezenvolvimentu nasional setor Saude, 2011 to’o 2030, ita nia hakarak povu ne’e, tenki to’o ona objetivu ida Timor-Leste saudavel
Ita halo asaun hasa’e kualidade liu-liu ba prestasaun Saude, iha kuidadu primariu fo atensaun liu-liu ba area remotas, atu nune’e ita nia objetivu dezenvolvimentu sustentabel, katak ita la husik ema ida iha kotuk, ema hotu-hotu tenki hetan atendimentu hanesan, ho kualidade
Ita mós tenke kria mós rekursus ida, liuliu ba rekursus umanus, infraestrutura, liuliu hasa’e kapasidade pesoál Saude sira,atu bele halo prestasaun Saude ida ne’ebé di’ak liu ba ita nia komunidade.”
Diretór Ezekutivu FONGTIL Elizabeth dé Aroujo dehan, “FONTIL sai hanesan parseiru krítiku ida ba governu liuliu Ministeriu Saudé. Redé ba Saudé Timor-Leste ne’e hari ita hanoin Ministeriu Saudé tenki halo lina kordénasaun ho REBAS Timor-Leste atu nune’e saida mak REBAS hetan iha treinu bele fó rekomendasaun ida ne’ebé ke espesífiku ba Ministeriu Saudé hodi bele hadi’a
REBAS ne’e rasik mak halo advokasia ba Ministériu Saude, buat barak ne’ebé Ministériu Saude halo ona mais ho REBAS nia prezensa hodi bele halo di’ak liu tan atendimentu públiku ne’ebé mak iha
Ita iha sistema Saude ida ne’ebé mak seidauk adekuadu lolos tanba iha lamentasaun halerik husi komunidade liuliu komunidade sira ne’ebé laiha kbiit atu asesu ba halo tratamentu iha li’ur
Ministeriu Saude ita iha ona Hospital Nasional Guidu Valadares no mos sentru Saude sira iha mumisipiu, postu, maibe’e infelizmente wainhira komunidade asesu Saude iha buat barak sei falta tamba ne’e mak ho prezensa REBAS hanesan organizasaun ONG ne’ebe mak hamahan an iha FONTIL sira bele halo servisu espesifiku liu ba iha setor Saude.
Husu ba Ministeriu Saude ne’ebe mak rabat liu ho REBAS ho nune’e sira bele oferese dadus tamba dadus ne’e laos sira rona deit maibe’e sira servisu hamutuk ho komunidade sira atu hare situasaun saida maka komunidade sira infrenta lolos
Governu Ministeriu Saude mos wainhira halo programa antes dezenvolve orsamentu jeral do estadu pelumenus konvida REBAS TIMOR-LESTE ba para sira bele halo diskusaun bele hatama iha programa atu nune’e fasil ba sira atu bele integra programa sira ne’e, iha osamentu jeral do estadu anua. l
Atividade sira ne’ebe halo relasaun ho Saude ne’e tenki kordena ho REBAS tamba sira Rede ba Saude. Timor-Leste establese ona, ohin lansa ona entaun membrus sira 43 ne’e maka sei halo programa iha area remotas hodi rekolha sira ne’ebe maka hatun Ministeriu Saude.”
Karegadu Estadus Unidus Amerikanu Tom Daly. Esplika ba jornalista Timor – Leste sobre fundus ne’ebé durante USAID fó ona ajudus ba Timor – Leste. Kinta Feira (05-05-2022). Photo by: Robelson Cardoso
Karegadu Estadus Unidus Amerikanu Tom Daly, afirma, hau kontenti partisipa iha lansamentu rede ba Saude Timor-Leste ne’e, programa ne’e importante atu implementa iha Timor-Leste, atu nune’e bele garante ema hotu-hotu, bele hetan asesu ba Saude ho kualidade no efetivu.
“Governu Amerikanu nia misaun iha Timor-Leste liu husi Ajensia dezenvolvimentu internasional USAID, kontribui fundus milaun $92 hahu tinan 2021 to’o 2025 hodi, haforsa ekonomia no boa governasaun iha Timor-Leste, desde Timor-Leste independensia, Estadus Unidus Amerika kontribui ona liu milaun $250 hodi apoiu dezenvolvimentu ida ne’ebe, inkluzivu no hateke ba, Timor-Leste ne’ebe prosperu, saudavel no autosifisiente.
Espera ba atu kontinua nafatin fornese ba governu Timor-Leste, ba servisu Saude nian ho kualidade diak ba povu Timor-Leste. Hau senti governu Timor-Leste, senti orgulhu ho sira nia politika hodi kombate COVID-19.
Hau hakarak fo parabens ba membru REBAS Timor -Leste ne’ebe, mai hamutuk hodi establese Rede advokasia saude importante ida ne’e. Ami orgulhu bele apoiu ONG LOKAL sira, atu halo advokasia hodi atinji prestasaun saude ida ne’ebe diak liu ba Timor oan hotu
Estadus Unidus Amerika, sei kontinua hamrik ho Timor-Leste, nu’udar belun no parseiru, hodi servisu hamutuk atu haforsa seguransa saude, no hadia komunidade nia beim estar iha teritoriu tomak.”katak Tom Daly.
Discussion about this post