Estudante RI Nain 200 Presija Analiza

Reportajen:Laurinda Correia Guterres

Universidade Nasionál Timor – Lorosae (UNTL)  Halao Seminar ho tema “Politika esterna Timor – Leste (TL)  ba interese Nasionál iha era global.” Iha seminariu ne’e marka prezenja husi Ministru Prezidensia konsellu Ministru (MPKM) Sr. Fidelis Manuel  Leite Magalhães, Dosente sira Fakuldade Ciensia Sociais no mós estudante husi departamentu Relasaun Internasionál.

Estudante kuaze  atus rua husi fakuldade siénsia sosiais (FCS) Departamentu Relasaun Internasional (DRI), Universidade Nasional Timor-Lorosa’e (UNTL) partisipa seminario kona-ba politika externa Timor-Leste ba interese nasional iha era global. Atividade ne’e realiza iha salaun Luz Clarita, Dili, Segunda-Feira (02/05/22).

Iha okaziaun ne’e, Fidelis hateten. “ Relasaun ba situasaun no relasaun esterna ba estudante Fakuldade Ciensia Sosiais (FCS), husi Departamentu Relasaun Internasional (DRI), ita nu’udar estadu soberanu ida formula ita-nia polítika,  esterna iha era globalizasaun, halo analiza ida kona-ba posibilidade sira ba TL nia pontu forte no fraku sira, ba nasaun ne’e hodi polítika esterna hodi komanda no respeitu mundu internasional no dudu nafatin TL ba oin. Estudante sira ne’ebé estuda iha kursu  Relasaun Internasional (RI)  presiza halo analiza didi’ak mai ho produtu polítika ne’ebé esensiál hodi TL ba

Ministru Prezidensia konsellu Ministru (MPKM) Sr. Fidelis Manuel  Leite Magalhães sujere ba eatudantes sira tenki iha hanoin ne’ebe kritiku, no analitik.

Fidelis haklean liu tan. “ Objetivu prinsipal ne’ebé ohin fahe ba estudante sira maka tenke hanoin ne’ebé kritika no analitiku,  hodi  iha kapasidade analiza reflesaun nu’udar estudante nivél akademiku ida, area Relasaun Internasional tenke haree ba situasaun internasional hotu-hotu ne’ebé relasaun ho parte internasional, importante mak estudante sira profunda nafatin sira-nia kuñesimentu nune’e bele rezulta ema kompentente husi area RI iha TL ba mundu, ha’u koko atu halo analiza ida, depois liga ho teoria no pratika internasional, oinsá ita rasik hanesan estadu ida hodi kontribui ba debate kontemporer iha area RI.

Relasaun entre estadu sira, iha mundansa geo-politika no mudansa politika internasional, senanda no sempre iha no asaun ba mundansa sira ne’e, atu nune’e bele komprende objetivu RI nian, daudaun ne’e estadu no governu Ministru sira hanesan autor ida de’it, ba RI nune’e sosiedade sivil akademiku no Universidade sira mós iha papel importante ba RI sira  iha mundu global.

Importante liu mak estudante Departamentu Relasaun Internasional (RI) kontinua no profunda nafatin ba koñesementu sira atu bele komanda nivel rejional no mundial.”

Iha fatin hanesan, Diretor Akademiku ba kursu RI Bernardo Idalina  hateten.“ Objetivu seminariu ida ne’e hanesan kultura liliu Departamentu Relasaun Internasional, kada loke abertura ba anu letivu foun, ami sempre loke ho seminariu oinsá bele hanorin kona-ba tópiku sira ne’ebé relevante ho estudu RI, nune’e sira bele aprende no komprende saida mak objetivu loloos husi RI no ikus liu mak taka ho lasu amizade ho rasaun atu hatene malu klean antes hala’o prosesu estudu iha nivel akademiku.”

Aliende ne’e mós nia esplika kada tinan sempre loke seminariu ba estudante sira , tamba tempu uluk lori malu ba tasi ibun, nune’e husi Fakuldade  Ciensia Sociais Departamentu RI troka ambitu ne’e halo fali seminariu ba estudante sira.

“Semináriu ne’e hala’o loron ida no estudante kuaze atus rua resin mak tuir Semináriu ne’e , estudante sira ne’e hotu-hotu mai husi Fakuldade Ciensia Sociais no Departamentu Relasaun Intenasional (DRI) husi anu letivu 2020, 2021 no 2022 nian, tópiku ne’ebé uza iha Semináriu nia laran liga liu ho kondisaun departamentu RI nia, tamba ne’e estudante hotu husi Departamentu RI liliu semestre 7 bele gaña buat balun husi tópiku refere, nune’e aban bairua hakerek sira-nia monografia bele atende ona saida mak iha situasaun rai-laran.” Katak Idalina

Entretantu estudante Natalicia De Jesus hateten. “ semináriu ida ne’e atu mentál iha no  kuñesementu ne’ebé adekuadu husu estudante sira atu partisipa di’ak ho kooperasaun relasaun nasionál no internasionál.

No seminariu ne’e hanesan instrumentu ida ne’ebé atu fahe espriensia no koñesementu ne’ebé di’ak ba malu estudante no professor sira liuhusi prosesu estudu iha nivel superiór akadémiku nian, nune’e futuru bele la’o tuir saida mak estudante ne’e aprende iha altura hotu-hotu.”