Tempu badak Governu sei halo pagamentu ba  operadór transporte públiku sira

Repaortajen:  Virgilio Viana.

VIII Governu Konstitusional aprova ona atribusaun subsídiu sira atu hamenus impaktu hosi aumentu presu kombustivel, tanba gera iha Ukránia.Dili kinta-Feira (28/04/2022).

Ministro Gabenete do Ministeriu Transporte no Telekomuniksaun Sr. Jose Agustinho  dehan,” Hodi garante estabilidade presu kombustivel nian no hodi evita konsekuénsia prejudisiál sira ba ekonomia no ba Konsumidór sira, Governu deside halo intervensaun iha merkadu kombustível sira liu husi atribuisaun subsídiu sira. Medida ida-ne’e sei benefisia  atividade sira ne’ebé atinji liu ba folin kombustível nia aumentu, hanesan operadór transporte rodoviáriu públiku sira, ba operadór transporte aéro no maritima nasional sira, no ba kompradór sira kombustivel nian ne’ebé destina ba atividade agríkola no peska nian.

subsidiu ne’e sei halo liu husi vale deskontu nian (voucher) ida atu uza iha estasaun sira ne’ebé maka fa’an kombustivel ho ninia montante ne’ebé responde  ba 100% husi valór diferensa nian entre folin médiu gazolina ka gazóleu litru ida nian.

Iha fulan Dezembru tinan 2021 folin gazolina ka gazóleu litru ida nia gadgetn iha data fó-sai voucher kombustivel nian, ho konsiderasaun ba tipu kombustivel nian no ninia karakterístika sira. Ne’e signifika katak, medida ida-ne’e sei permite katak benefisiáriu sira sei selu deit valor médiu kombustíivel nian husi fulan dezembru tinan kotuk.

La kleur tan Governu hahu pagamentu subsidiu ne’e husi Dekretu Lei Nu.18/2022 husi fulan Abril neebe Governu Aprova iha sorumutuk konselhu Minstro nian iha 13/04/2022 no promulga husi PR iha loron 19/04/2022 nian.

 “Ministériu Transporte no komunikasoes  ne’ebe responsável ba ba pagamentu ba operador transporte rodaviariu publiku sira nian, ba orperador transporte Aeru no maritima nasional sira Ministériu Agrikultura no Peskas, ne’ebé responsável ba subsídio ba kompradór kombustivel ne’ebé maka destina ba atividade agríkola no peska nian, atu besik remata prosedimentu sira ne’ebé nesessáriu hodi la kleur tan bele hahú pagamentu subsídio ne’e. Dekretu-Lei Nu. 18/2022, husi 19 fulan abril, ne’ebé estabelese subsídio sira ne’e Governo aprova ona iha Sorumutuk Konsellu Ministros nian iha loron 13 fulan-abril tinan 2022 no promulga husi Prezidente República nian iha loron 19 fulan-abril tinan 2022.” Katak Jose Agustinho.