Reportajen: Virgilio Viana
Liu husi Programa Edukasaun ba Cidadania ( PEC), Comisao Nasional Justica, Paz E Integridade da Criacao (JPIC) husu ba ita sarani no sidadaun hotu tuir lia menon Amo Bispo sira nian, atu aban labele falta ba vota no vota ho konsensia nu’udar direitu no obrigasaun moral. Dili Segunda-Feira (18/02/2022).
Diretor PEC Pe. Domingos Soares Maubere “Dehan Hosi Programa Edukasaun ba Sidadania , Comissão Nacional Justisa , Paz , Integridade Kriasaun nian , hakarak hato’o ba Sarani no Sidadaun, laran luak sira iha Timor laran tomak katak, Ita nu’udar ema moris hakarak moris iha hakmatek nian laran , tuir Maromak nia hakarak no ba ne’e mak Nia hakiak ita , no tuir dalan nebe Nia hatudu . Livro Génesis no hare iha ita nia Cultura . Se’es an tiha hosi dalan ne’e , Maromak haruka nia Oan mai , hodi hatudu dalan foun dalan Domin nian , ba ita hosi Nia Oan Mane , Jesus Kristu , nebe hanorin hela ita hosi Igreja . Igreja mai hanorin ita atu envolve a’an iha política hodi hala’o hamutuk moris Nasaun nian , iha aspetu hotu – hotu , inklui iha hili governante sira . Hotu hotu iha direitu no dever atu kontribui ho nia votu livre atu promove o bem comum , ema hotu hotu nia diak . ( Gaudium et Spes , 75 ) . Ita nia Nasaun ne’ebe ita tenki hadomi , hanesan grassa boot hosi leten , maibe ita manan mós hosi as’wain rihun nia ran fakar no ruin naklekar iha Timor laran tomak , nebe ita tenki tane nafatin, Ita sei tane ita nia heróis sira , bainhira ita kontribui ba Nasaun ninia prosperidade , hosi ita nia partisipasaaun ativa iha política , hanesan ba vota iha eleisaun sira , tuir ita nia Konstituisaun Art. 47 ho Art. 65 hatudu dalan, no ita hein atu CNE ho STAE hala’o sira nia kna’ar ho kompetência , transparência no imparsialidade atu hotu hotu bele partisipa iha eleição , nu’udar festa Demokrasia nian.
Iha fatin hanesan Prezidente JPIC Pe. Julio Crispin Ximenes Belo haktuir.” JPIC hamahon an iha Coferensia Episcopal Timorense signifika Amo Bispo sira maka nain ba instituisaun ida ne’e hare’e ba ita nia konstituisaun ne’ebe valoriza no garantia liberdade Humana, Moral, Relijiosa, no liberdade partisipasaun politika. Liu husi JPIC husi nivel Nasional, Diocese Dili, Maliana no Baucau tu’ur hamutuk hodi fo hanoin ba sarani hotu-hotu katak ita nia liberdade maka mai husi Maromak sai elementu nesesariu no importante iha vida sosiedade ninian liuliu nasaun ida ne’e nian no mos garante ita nia konstitusasaun Republika atu ita bele ezerse ita nia liberdade neon ho laran, no mos la’o iha paz nia laran, la tauk ba ameasa oi-oin no la tauk ba intimidade oi-oin, hamrik hanesan ema iha Maromak nia oin atu selebra no hala’o ninia dever nu’udar sidadaun no Estado iha rai ida ne’e, hodi partisipa ka eleve Prezidente Republika Ida ne’ebe bele sai Xefi do Estado no sai Aman ba nasaun iha RDTL.”
Discussion about this post