Reportajen: Virgilio Viana
Estrutura partido Frente Mudansa hala’o Pressconferensia kona-ba aktus husi Prezidente Interinu. Partido Frente Mudansa Lamenta ho aktus husi Presidenti, Interinu Sr. Egidio de Jesus ne’ebe lori partido nia naran hodi fo apoiu ba fali kandidatu Dr. Fransisco Guteres(Lu-Olo). Dili-Quarta Feira (14/02/2022).
Partido Frente Mudansa ofisialmemte hato’o ona deklarasuan partido nian hodi fo apoiu ba Dr. Jose Ramos Horta iha Dili loron 25/02/2022 no kontinua fo sai ba publiku iha Munisipio Ermera iha loron 26/02/2022, maibe Prezidente Interinu Sr. Egidio de Jesus lori partido nia naran fo Apoiu fali ba Dr. Lu-Olo, liu husi Secretario Jeral Partido FRETILIN Dr. Mari Alkatiri simu Sr. Egidio de Jesus hodi involve iha Ambito Kampanye ba kandidatu PR. Dr.Lu-Olo.
Porta voz Daniel Pereira dehan.”Povu Timor-Leste tomak hatene ona katak iha dia 19 de Abril de 2022. idak-idak sei ba ezerse ninia direitu hodi fo votus ba kandidatu nebe elijivel atu sai Prezidente Republika. Povu Timor-Leste mos hatene katak, Partidu Frenti-Mudança ninia pozisaun klaru “fó apoiu total ba DR. Jose Ramos Horta atu sai Prezidente Republika ba periodu 2022 to’o 2027. Estrutura Nasional ho Koordenador Munisipio FM husi Municipio 12 inklui RAEOA, ofisialmente hato’o ona deklarasaun partidu nian ba kandidatu PR, DR. Jose Ramos Horta iha iha Dili, iha loron 25/02/2022 No kontinua fó sai ba publiku iha Municipio Ermera, iha loron 26/02/2022. Frenti-Mudança partisipa ativu tebes, desde Primeiru Ronde iha atividade kampanye, dialog no door to door hodi kontribui ona ba vitoria Dr. Jose Ramos Horta nian, komesa husi nivel nasional, Munisipiu, Suco no to’o aldeia. Frenti-Mudança kontinua ativu nafatin iha Segundu Ronde hodi fó vitoria ba DR. Jose Ramos Horta sai Prezidente Republika.
Alende ne’e Partido Frenti-Mudança mos hakfodak bainhira hare’e pesoal ida ne’ebe konsidera ninia an nudar Prezidente Interinu, lori naran Frenti-Mudança nian ba apoiu fali kandidatu Dr. Lu Olo. Pesoal ne’e nia naran Sr. Egidio de Jesus. Nune’e, liuhusi press conference ida ne’e, Partidu FRENTI MUDANÇA hakarak informa ba publiku tomak katak: Frenti-Mudança suspende tiha ona kargu Prezidente Interinu husi Sr. Egidio de Jesus, liuhusi enkontru nacional iha dia 18 to’o 19 de Dezembro de 2022, ho razaun tamba Sr. Egidio de Jesus komete kazu osan partidu nian. Sr. Egidio mos loke konta bankaria ilegal, no Tribunal Distrital Dili blokeia tiha ona konta bankaria ne’ebe nia loke iha BNCTL. Aleinde komete iha aktu krime, Sr. Edigio de Jesus halo ona aktu hirak ne’ebe kontra Estatutu Partidu Frenti-Mudança nian, ne’ebe Estabelese aliança ho partidu kiik tolu nebe hanaran FDDP, sem fó konesimentu ba Estrutura tomak Partidu Frenti Mudança nian. Hato’o deklarasaun politika lori Partidu nia naran ba apoiu kandidatu seluk nebe laos bazeia ba Desizaun Partidu nian.
Partidu Frenti-Mudança nebe ninia orijem maihusi Grupu Fretilin Mudança hakfodak bainhira Sekretáriu Jeral Partidu Fretilin, DR. Mari Alkatiri simu Sr.Egidio de Jesus hodi involve iha kampanye ba Kandidatu PR . DR . Lu Olo nian . Tuir ami nia hanoin katak ho prezensa Sr. Egidio de Jesus nian , bele hamihis no hatuun kredibilidade Partidu Fretilin no Kandidatu PR DR . Lu Olo nian nebe hakarak kombate korrupsaun iha sosiedade nia let. Bazeia ba aktus hirak ne’ebe temi iha leten , Frenti – Mudança hakarak deklara ba publiku katak , Frenti Mudança liuhusi enkontru nacional ou konferensia ka kongresu , sei ezenora Sr. Egidio de Jesus husi Partidu Frenti – Mudança . Mak ne’e deit , deklarasaun ida ne’e ami hato’o nu’udar counter politika partidu nian hodi hasoru ” Deklarasaun Politika ne’ebe hato’o husi Sr. Egidio de Jesus . Frenti – Mudança konsidera ninia deklarasaun ne’e Non Sense no Baseless alias Mamuk . Tamba laiha militante ka estrutura Partidu FM nebe apoi no la’o hamutuk nia.
Partido FM apela ba Simpatizante , Militante no kuadrus tomak atu kontinua komunga nafatin Dutrina Partidu nian, Luta ba Lia Los, Kamaradazen, Kontinua Aprende no Luta ba Moris Diak . Mai ita hotu prepara an hakat ba Sentru Votasaun iha dia 19 de Abril de 2022 , vota ba Kandidatu Númeru 1 , DR . Jose Ramos Horta ba Prezidente Republika , periodu 2022 too 2027.” Katak Daniel Pereira.
Discussion about this post