Reportagem: Virgilio Viana.
Durante loron ha’at, Jornalista sira husi media lokal sei akompaña besik prosesu eleisaun prezidensiál ba segumda volta, tuir kampaña kandidatura liu husi media bus eleisaun nian, hodi oferese informasaun iha primeira mão ne’ebe maka los no komprovativu husi loron antes ba eleisaun segunda volta ne’ebe maka sei akontese iha 19 de Abril. Dili-Quarta-Feira (06/04/2022).
Relasiona ho atividade media buss ne’e, Diretór EzekutiVu Conselho de Imprensa (CI). Rigoberto Monteiro haktuir.” Media buss ka media tour ida-ne’e ba da-ruak tamba antes ne’e atividade ne’e realiza tiha ona iha loron eleisaun priméiru volta iha 19 Marsu ho objetivu atu fasilita kanál média sira atu halo Kobertura ba kampanha politika kandidatu prezidensial no loron eleisaun.
Media buss ida ne’e ba dala rua, antes ita halo ona iha loron votasaun iha 19 de marsu, aktividade ne’e hala’o atu ajuda fasilita jornalista sira hodi halo kobertura ba atividade kampaña polítika kandidatu sira nian no loron votasaun. Jomalista sira mai husi kanal midia hamutuk 21. Sira sei halo kobertura no sei publika notisia iha ida idak nia midia, nune’e públiku bele asesu ba kampaña politika,” katak Rigoberto Monteiro
Iha sorin seluk, Lazima Onta Bhatta, UNDP Officerin-Charge, hateten.”Eleisaun Media Bus. nu’udar inisiativa ida-ne’ebé maka implementa husi Ci no the Programa Nasoens Unidas ba Dezenvolvimentu (UNDP) ho fundu ne’ebé sUporta husi Governo Japaun, fahe partisipante jornalista sira ba iha grupu rua: kada grupu sei tuir kampaña prezidensiál husi entre kandidatura sira, durante sira nia vizita bazeia ba kalendariu kampaña prezidensiál.
“UNDP konsiente papel importante husi lalaok servisu media nian liu husi fahe informasaun ne’ebe maka tuir duni evidensia no Imparsial ba sidadaun sira hodi kontribui liu tan informasaun ba sira ne’ebe maka foti desijaun. Liu husi Eleisaun Media Bus, ami esforsu hodi fasilita servisu Jornalista sira nian hodi komunika ho justu no efetivu iha momentu importante ba Timor-leste, iha ne’ebe votante sira uza sira nia direitu hodi ezerse ba eleisaun prezidensiál iha segunda volta,” Haktuir husi Onta Bhatta.
Iha parte seluk. Sra. Kazumi Yamada husi Embaixada Japaun tha Timor Leste hateten. “Maneira diak liu hodi garantia reportajem baseia ba faktus husi fontes informasaun ne’ebe kredivel, Papel Jornalista nian iha eleisaun ne’ebe maka relasiona ho reportagem, maka sira ba iha liur hodi hare no rona direta saida maka hateten husi kandidatura sira, ou oinsa prosesu lalaok vota nian iha estasaun de votu. Ida ne’e la fasil hanesan ita rona tamba fatin sira ne’e dala barak susar atu acesu husi trasnporte publiku. Hau espera Media Bus ne’ebe maka opera husi konselu imprensa ho nia asistensia husi Governo Japaun non DNDP, sei kontribui hodi fó solusaun iha ikus mai.
Atividade ne’e, nia objetivu hodi garantia eleisaun ne ebe informadu, reforsa meios komunikasaun husi media fornese komunikasaun eleisaun ne’ebé efetividade no Inovativu i ema nia konsiente ba COVID, ida ne’e parte husi projetu COVID-Resilient Elections in Timor-Leste, ne’ebe hetan suporta finansial husi Governu Japaun.”
Discussion about this post