Média Privadu Seidauk Hetan Trasferensia Públiku Husi Governu.

Reportajen: Ana Elizabeth Imelda Gama

Xefi interinu gabinete SEKOMS  (Sekretariu Estadu Komunikasaun Sosial)  Osorio Almeida, reprezenta Ministru SEKOMS Mericio Juvinal “Akara” iha seremonia transferensia publiku ba Rádiu komunidade hamutuk 15, iha nia intervista ho jornalista sira hateten,  kona-ba transferensia ba média privadu sira non lukrurivu iha tinan 2019, Konsellu Ministru lori ba Parlamentu Nasional hodi ba to’o Prezidente Repúblika maibé veta, tanba buat hotu tuir lei, lia hirak ne’e hato’o husi Xefi interinu SEKOMS iha seremonia  trasferensia publiku ba radiu komunidade iha salaun ANC Merkadu Lama, tersa-feira (05/04/2022)

 “Atualiza de’it katak iha tinan 2019 SEKOMS konsege halo  duni  dekreitu lei ida, subsidiu ba media privadu sira, maibé iha momentu ne’eba Konsellu Ministru aprova ba duni iha Parlamentu, ba iha Prezidente Repúblika, maibé veta, entaun labele implementa, tam-ba ne’e mak média Radiu Privadu sira, ita haree rekejitus lubuk ida oinsa atu fò ka la fò, tam-ba konforme lei no regras, karik la iha dalan ita atu fò no susar atu fò, tam-ba buat hotu tuir prosedimentu legál sira” Saliente xefe gabinete Osòrio Almeida

Entertantu kona-ba dekreitu lei refere sei haruka ba Konsellu Ministru hodi haruka ba Prezidente Repúblika

“Sim sua selensia sekretariu estadu nia esforsu  e kontinua esforsu atu lei ne’e, Prezidente bele promulga para ita bele implementa, mai-bé desde 2020, 2021 to’o mai agora seidauk. Entaun semana hirak liu ba sua selensia ko’alia fali oinsa atu koordena hodi hato’o fila-fali ba sua selensia Ministru Assuntus Parlamentares no Komunikasaun Sosial (MAPKOMS) hodi esforsa fila-fali esbosu ne’e, ho intensaun para fò espasu ou dalan ba governu atu haree ba asuntu ne’ebé mak aprezenta, tam-ba governu nia hanoin hakarak atu apoiu, maibé intermus de prosedimentu legal ita hein” Afirma Xefi Interinu SEKOMS.

Aliende ne’e, nia mos akresen governu liuhusi SEKOMS no MAPKOMS fò subsidiu mos ba assosiasaun jornalista sira atu halo  atividade balun liga ba formasaun sira  seluk.