Reportajen: Gustavo Belo Soares
Ministru Koordenadór ba Asuntu Ekonómiku (MKAE) Xefe-Negosiador Adezaun Timor-Leste ba Organizasaun Mundial Komérsiu Eng. Joaquim Amaral, hala’o reuniaun ekstraordináriu komisaun interministeriál Timor-Leste nia adezaun ba Organizasaun Mundial Komérsiu (OMK) iha serimónia ida-ne’e akompañia husi Diretor Ejekutivu TRADEINVEST, Diretor Serve IP, Inspektor AIFAESA IP, Diretor Exekutivu Institutu para a Cualidade de Timor-Leste IP, Secretário de Estado da Arte e Cultura, Secretário de Estado do Ambiente, Viçe-Ministru Komersiu no Industria, Vise-Ministru Finansas, Ministru Justisa, Ministru Ensinu Superior Sensia no Kultura, Ministru Transporte no Komunikasaun, Ministru Petroleu no Mineral, Secretário de Estado de Coperativas, Governador BCTL, no Média sira, iha fatin Timor Plaza, Suai Room, iha Segunda – Feira (4/04/2022).
Timor-Leste bele asesu ba merkadu nasaun atus ida neen nolu resin hat (164) númeru ne’e bele aumenta wainhira balun iha prosesu adezaun hela, inklui Timor-Leste, bele sai membru iha tinan hirak mai. Organizasaun Mundial Komersiu , (ME-OMKs) sei trata Timor-Leste ho dignu la hamosu diskriminasaun, karik iha /violasaun ruma maka Timor-Leste bele uza rezolusaun disputa komérsiu nian hodi rezolve disputa sira.
Komérsiu ne’ebé rápidu no lais sei rezulta hadia ekonómia liu husi kresimentu Produtu Interna Brutu (PIB). Tamba iha sistema komérsiu global ne’ebé lais no transparante, bele fo konfiansa ba investor nasional no internasional sira hodi investe iha Timor-Leste liu-liu Investimentu Estranjeiru Direta (FDI). Wainhira Timor-leste sai menbru OMK, sistema akordu sira ho ME-OMKs bele konsidera sai baze forte ba negosiasaun no akordu ho organizasaun rejional komérsiu sira seluk hanesan ASEAN.
Ministru Koordenadór ba Asuntu Ekonómiku (MKAE) Xefe-Negosiador Adezaun Timor-Leste ba Organizasaun Mundial Komérsiu Eng. Joaquim Amaral, hateten . “Importansia husi enkontru ohin ne’e reuniaun komisaun interministerial Ministru sira Sekretariu Estadu tekniku sira ne’ebé hola parte iha komisaun interministerial adezaun ba iha Timor-Leste nian ba Organizasaun Mundial Komersiu (OMK), ba reuniaun ohin iha sekuensia reuniaun nivel altu grupu de traballiu ba dala tolu (3) nian ne’ebé sei realija iha loron 29 abril 2022, tamba ne’e mak dokumentu sira ne’ebé Timor-Leste submete ba iha reuniaun grupu de traballiu, ohin enkontru komisaun entre interministerial atu hala’o apresiasaun ba iha dokumentu sira ne’ebé grupu tékniku sira prepara tiha ona no antes submete ba iha konselliu ministru halo reuniaun grupu traballiu iha loron 29 abril.
Hau hanoin ita priense ona kritéria lubuk-ida prosesu ne’e ita kontinua, priméiru ita halo reforma ba iha asuntu nasional liu-liu kona-bá iha ita-nia rezime komersiu atu ajusta ou aliñia ho rezime komersiu rezional ho internasional, halo reforma legislativu lubuk-ida atu nune’e bele ajusta ita-nia preparasaun atu bele partisipa iha Organizasaun Mundial no Komersiu (OMK) ninia sistema, ho Ministeriu sira ne’ebé relevante ita prepara hela dokumentu sira ne’e iha diálogu negosiasaun, ita simu pergunta lubuk-ida husi Estados Membru sira konabá ita-nia situasaun ekonómiku ita-nia rezime komersiu, ita-nia legislasaun sira ne’ebé permiti ba iha investimentu esterna, pergunta sira ne’e ita hatan sira husu fila fali, tamba ne’e mak resposta ita prepara fali haruka tan ona ba ho dokumentu seluk konabá servisu ho produtu ne’ebe Timor-Leste hanoin katak atu lori ba iha meja negosiasaun atu hola parte iha OMK.
Vantajen ita bele dehan bo’ot tebes tamba ita labele haluha Timor-Leste deste inisiu ita adopta merkadu livre, ita barak mós halo negosiasaun ou halo komersiu ho país lubuk bo’ot ida, se ita tama iha OMK se ita iha desputa ruma entre ita-nia setor privadu sira ou kemersiu sira ho sira-nia parseriu sira husi rai liur iha OMK serve hanesan orgaun ida-ne’ebé atu bele rezolve disputa sira ne’ebé akontese entre iha komersiu multilateral no bilateral ninian”.
Ministru Koordenadór ba Asuntu Ekonómiku (MKAE) Joaquim Amaral. Expresa hela prosesu tomak luta MKAE nia ba journalista sira. Timor – Plaza, Suai Room. iha Segunda – Feira (4/04/2022). Photo: Gustavo B.Soares.
Ministru Koordenadór ba Asuntu Ekonómiku (MKAE) mós hateten kona-bá nesisidade bázika ne’ebé ho folin sa’e makas iha ita nian rain Timor no relasiona importasaun husi Indonézia menus oinsa atu buka solusaun nu’udar hanesan membru governu.
Joaquim Amaral hateten.” Ita akompañia hela evolusaun sasan sa’e hanesan ita hotu hatene, fenómena mundial ida ita mós kona nian impaktu husi sasan iha mundu folin sa’e tam-ba suplai ou destribuisaun ne’e hetan pertubasaun husi akontesimentu ida iha mumdu inklui funu iha Ukrania ho Russia ne’ebé implika tebes tam-ba ita hotu hatene rai rua (2) ne’e, ida produtor mina, kombustivel no sira mós produtor ba ai-han batar ho forai sira ne’e, trigu, tamba ne’e mak ita nia importasaun mai barak liu mai husi Indonézia entaun ne’e hanesan nia zerasaun (keturunan) konsekuensia husi sasan sira ne’ebé iha nia produsaun iha problema iha destribuisaun mós iha tan problema, entaun tó mai ita folin as, ita haré hela situasaun ida-ne’e oinsa ita bele buka dalan atu bele halo solusaun ruma konabá situasaun, mais agora ita akompañia hela lai situasaun ida-ne’e.
Konserteja ita sei análiza kazu sira ne’e ita seidauk bele pronunsia tamba ne’e ita sei foti desizaun interna hamutuk tam-ba ne’e mak agora ita akompañia hela prosesu ida-ne’e.
Discussion about this post