Xefe Suku Bemori: Desde Ukun An Foin Simu Komputador Husi VIII Governu.

Reportajen;  Ana Elizabeth Imelda Gama

Xefe suku sira iha munisipiu Dili, simu ekipamentus eletrònikus husi Ministru Admistrasaun Estatal  (MAE), ho objetivu hodi halo atendimentu ba povo.  Sasan eleitrònikus hanesan simbolikamente simu husi Xefe – Suku Fatuhada no Kampung – Alor. Sasan hirak ne’e kompostu husi  komputador tolu nolu resin ida (31)  printing  tolu nolu resin ida (31)  no mos Ups tolu nolu resin ida (31), ba Autoridade Suku sira, iha Munisipiu Dili. Atividade ne’e hala’o iha Resintu Administrasaun Estatal,kuarta – Feira. (30/03/2022)

Ministru Administrasaun  Estatal (MAE)  Dr. Miguel Pereira de  Carvalho iha nia deskursu hateten,”Iha Timor laran tomak sede suku  hamutuk  atus hat (400) mak reabilita ona  falta lima nolu resin rua (52) , espera iha tinan oin mai, bele finaliza hotu hodi fasilita funsionamentu administrasaun suku. Tam-ba ne’e husu xefe suku sira, uza sasan eletroniku ne’ebe simu ona, uza ho kuidadu atu nune’e labele a’at lalais.”

Iha fatin hanesan, Xefe -Suku Fatuhada Marcelino Belo, hateten.”Ekipamentus hanesan komputadòr ne’ebe mak ami  simu fasilita ona ami  nia servisu iha suku, liuliu iha administrasaun nian. Sasan eletròniku ne’ebé mak ohin  simu ne’e, bele kompleta ona ami nia  servisu iha faze dahuluk administrasaunn nian,  hodi halo atendimentu ba povo no estadu. Kona-ba ekipamentus ne’ebé simu ona tenki iha fatin, ezemplu hanesan sede suku, Tam-ba ita kompara administrasaun ne’e iha área rurais no iha área urbana la hanesan, mai-bé importante fasilidade kompletu. Sasan eletronik ne’ebe mak simu tenki uza ho kuidadu, ida ne’ebé mak lahatene presija tuir kursu nune’e bele entende.

Xefe – Suku Bemori, Sra Cristalina Pereira Soares de Oleveira, agradese tebes ba VIII Governu, tam-ba bele oferese ona ekipamentus.

Katak Xefe – Suku Bemori.“Durante tinan barak nia laran asumi kna’ar hanesan xefe suku, mai-bé foin dahuluk simu material ekipamentus  husi VIII Governu tam-ba ne’e agradese tebes. Ami xefe -Suku sira agradese ho ekipamentus eletròniku ne’ebè ami simu, tam-ba durante ukun a’an to’o agora, foin dahuluk ami Xefe – Suku sira iha teritorio laran tomak hetan ajuda,  simu komputadòr husi VIII governu ida ne’e. Kona-ba kapasidade, uza komputadòr, ami xefe suku iha  ona tam-ba agora dadauk ami tuir hela formasaun, iha sentru formasaun balun  hodi adapta ho mundu globalizasaun teknolojia ne’ebé avansadu iha nasaun dezenvolvidu.”