Reportazen Robelson Cardoso
Ministru MAE intrega hela komputador ba Xefe – Suku Kampung – Alor. iha Resintu Autoridade Munisipiul Dili, Kuarta Feira (30-03-2022). Photo By: Robelson Cardoso.
Governu Timor-Leste oferese ekipamentus liu husi Ministeriu Administrasaun Estatal (Mae) no mos halao distribuisaun hanesan simbolikamente, ekipamentus elektronik, komputador tolu nolu resin ida (31) printing tolu nolu resin ida (31) no mos Ups tolu nolu resin ida (31), ba Autoridade Suku sira, iha Munisipiu Dili. Atividade ne’e hala’o iha Resintu Autoridade Munisipiul Dili, Kuarta Feira (30-03-2022).
Tuir planu Governu, iha fulan ida ne’e nia laran, sei apoiu mos ba Autoridade Suku sira seluk, iha Teritoriu Timor laran tomak. Ho objetivu, hodi fasilita ba komunidadae sira iha suku.
Iha okaziaun ne’e Ministru Estatal Miguel Pereira de Carvalho intrega ekipamentus ba Xefe-Suku sira hanesan simbolikamente, ne’ebe oferese husi Oitavu Governu Konstitusional.
No promete antes VIII Governu remata nia mandatu sede suku iha Timor laran tomak,tenki rehablitasaun hotu.
Miguel hateten.”Hau mai iha ne’e, primeiru atu intrega simbolikamente, komputador printer no mos Ups ba Autoridade suku hotu-hotu iha Munisipiu ida ne’e.
Ne’e parte ida husi Oitavu Governu konstituisional ninian, liu husi Ministeriu Estatal, iha tinan ida ne’e, disponibliza komputador ida, printer ida, ba suku hotu- hotu iha teritoriu Timor-Leste tomak
Oitavu Governu komprimitidu, para kuandu antes nia mandatu remata, sede suku iha Timor laran tomak, tenki rehablita hotu ona, ate ohin loron atus hat (400) sede suku, ita rehablita ona iha tinan rua nia laran, lideransa suku sira ne’e mos ita eleva, para sira hala’o sira nia servisu ho diak, apoiu ne’ebe mak fo dadauk ne’e maka ekipamentu elektronika, importante teb-tebes ba suku sira, hodi bele ajuda sira hala’o sira nia atribuisaun ne’ebe mak hatur iha, Lei Numeru 9/2016, ne’ebe mak aprova lei do suku
Suku sira sai hanesan fonte ligasaun entre komunidade, ho Administrasaun lokal do Estadu no Postu Administrativu sira, para atu bele halo Prestasaun servisu hodi servi interese publiku, no mos interese komum sira iha suku laran.”
Miguel hatutan.” Iha fulan ida ne’e nia laran, iha suku teritoriu laran tomak, sei simu hotu komputador Printer no mos Ups. Orsamentu ne’ebe hodi hola komputador printing no Ups, ne’e orsamentu 2021 nian, ne,ebe Parlamentu Nasional, aprova ho total rihun atus sia (900.000) dolares Amerikanu, hodi apoiu ekipamentus hirak ne’e, ba suku hotu- hotu no agora ita halo distribuisaun.”
Prezidente Autoridade Munisipiu Dili, Guilherme Filomena Saldanha Ribeiro ho ksolok tebes hato’o agradesementu ba Ministru MAE.
“lori Prezidente Autoridade nia naran, hakarak hato’o agradese ba Sua. Exelensia Ministru MAE, ne’ebe mak bele hatan ona preukupasaun husi, ita nia Xefi suku sira ne’ebe mak, hein durante tempu naruk nia laran, ohin loron sira hetan ona ekipamentus hodi ajuda sira nia servisu iha ida-idak nia suku.
Fasilidade sira ne’ebe mak Ministru buka, atu bele atende ba sira nia preokupasaun, katak menus fasilidade atus hat i tal (400) suku, liu-liu iha munisipiu Dili, ita iha tolu nolu resin ida suku (31).
Prezidente Autoridade Munisipiu Dili, Guilherme hato’o nia rekomendasaun ba Xefi Suku sira uza sasan ho kuidadu.
“Fasilidade iha ona uza ho kuidadu, halo atendimentu diak buka oinsa atu apoiu mos servisu sira seluk, iha suku laran.”Katak Guilherme
Xefi Suku kampung Alor Salsina Carvalho Santos hato’o ninia agradesementu wain ba Ministeriu Estatal, ne’ebe rezolve ona problema durante ne’e sira izizi.
“Hau agradese tebes ba MAE tam-ba Autoridade Lokal ne’e barak teb-tebes, kada vez ami nia sekretariu lamai karik, ami labele ba loke fali sira nia kuartu, ami mos tenki iha ekipamentus formal ida, hodi ami apoiu halo deklarasaun ba komunidade sira.
Liu-liu ho situasaun dadauk ne’e hanesan dezastre naturais, komunidade sira iha foho ba hela iha Dili, momentu ida ne’e ita preokupadu teb-tebes, entaun ita atu foti dadus hirak ne’e mos persija ekipamentus, komputador sira ne’e.”Katak Salsina Carvalho Santos.
Xefi Suku Hera Gil De Araujo mos fahe nia sentimentu ksolok tamba bele hetan ona komputador.
“Grasas dedeus Ministeriu Estatal mai Servisu hamutuk ho Prezidente Autoridade bele hetan dunik komputador.” Katak Xefe-Suku Hera
Discussion about this post