Reportajen: Virgilio Viana
R academika UNPAZ rona ho seriu Dr.Jose Ramos Horta sai orador ba Seminariu ho Tema Dezafius no Oportunidade ba Timor-Leste iha tinan 2022-2027. Iha Salaun Universidade da Paz (UNPAZ). Photo By: Virgilio Viana.
Dezafius prioridade ne’ebe atu hadia iha tinan 2022-2027 tenke hadi’a ita nia instituisaun Demokratika, Respeitu rigoroju ita nia konstituisaun liu-liu ba puder iha Prezidente no Governu nia liman no Timor-Leste sei tama ba ASEAN iha tempu badak. Dili- Quarta Feira (30/01/2022).
Dr. Jose Ramos Horta hateten.” Tema ba seminariu ne’e dezafius no oportunidade ba Timor-Leste iha tinan 2022-2027 ne’e sei ba oin tan, to’o 2030 ka 2040 ba periodu ne’ebe Prezidensial no Governu foun mai tan, ne’e dezafius prioridade maka tenke hadi’a Instituisaun Demokratika, Respeitu rigoroju ba ita nia interpretasaun konstituisaun liu-liu puderes ne’ebe iha Prezidente no Governu nia liman no Integridade Sistema Judisial. Ko’alia mos se Wainhira eleitu sai Prezidente da Republika propoin buat balun ne’ebe la’os Prezidente nia kompetensia, mai-be nu’udar Prezidente iha esperensia bele ko’alia ba ema konsidera prioridade ba rai ida ne’e, tenke hadi’a Agrikultura, Edukasaun, Saude, Vida ba kosok o’an sira, inan isin rua Sira, no Adejaun ba ASEAN ne’e prioridade, Estrateziku hein loke oportunidade barak ba ita, embora mos ba dezafius Rekursus Humanus no Disiplina seriedade ga la’e hodi simu ita nia Propriedade nu’udar ASEAN.”
Dr. Jose Ramos Horta hakarak iha tempu badak Timor- Leste tenke tama ona ba iha ASEAN, no nia prosesu la’o daudaun ona. Iha desde 2011 preparasaun diak hotu sei falta hadia infrastrutrura balun, Dehan ba jornalista Radio Rakambia iha Salaun Universidade da Paz.
“Iha tempu badak nia laran Timor-Leste tenke tama ona ba ASEAN no ita seidauk prontu 100% tan ne’e, tenke iha hospital modernu foun ida, nivel ba Singapura nian no mos iha Aeroportu Internasional, tam-ba tama ASEAN Aviaun lubuk ida mak sei tama, liliu se’i simu reuniaun Bo’ot ida ho sentru konvensaun hodi ita nia jovens sira hatene lingua para halo tradusaun. No Prezidente sei sai hanesan, Embaixador hodi ba vizita nasaun sira ne’ebe tama ASEAN nian hodi hametin relasaun ho sira para dada sira mai iha Timor-Leste, prossesu la’o dadun ona iha desde 2011, hatama karta pedidu ba Adejaun ba ASEAN apoiu maka’as husi nasaun Malaysia, Filipina,, Tailandia, Cambodia no Brunei no nia prossesu lori ona tinan 10 ho preparasaun di’ak liu ona sei falta hadia infrastrutura balun.katak Jose Ramos Horta.”Dr. Jose Ramos Horta
Iha fatin hanesan Reitor Universidade da paz (UNPAZ) Dr. Adolmando Soares Ximenes mos informa ba Publiku katak, Dr. Jose Ramos Horta la’os mai iha ne’e atu halo politika hodi atrai votus mai-be atu ko’alia kona-ba dezafius saida maka ita hasoru iha tinan 2022-2027 nian.
Reitor UNPAZ dehan ba Komunidade akademika tomak katak,” Universidade da Paz la halo politika mai-be, fatin ida ne’e hanesan laboratoriu para komunidade akademiku tomak atu ko’alia politika, mai-be atu halo politika maka la halo iha fatin ne’e. Tenke halo duni atividade sira hanesan ne’e, atu loke ema hotu-hotu iha rai ida ne’e, nia hanoin, katak atu koa’lia politika ne’ebe los no fatin los maka tenke iha Universidade, tam-ba komunidade akademiku Universidade da Paz la iha interese ba politika mai-be interese prinsipal atu ko’alia politika.
Dr. Jose Ramos Horta la’os mai iha ne’e atu halo politika hodi atrai votus, mai-be atu ko’alia kona-ba dezafius saida maka ita atu hasoru iha tinan 2022-2027, iha tempu sira tuir mai bele organiza atividade sira hanesan ne’e ba lider sira ne’ebe la hanesan la’os Dr. Jose Ramos Horta de’it. mai-be problema ba UNPAZ nian maka wainhira bolu maun bo’ot sira atu tu’ur hamutuk sira nunka mais hakarak atu tu’ur hamutuk entaun kulpa ida ne’e, la’os Universidade da Paz nian, mai-be sei lori tan lider sira seluk wainhira sira hakarak tu’ur hamutuk ida ne diak liu tan ba UNPAZ no sira lakoi tu’ur hamutuk ka Hakarak tu’ur mesak-mesak ne’e mos diak liu tan, ba UNPAZ nia papel hakarak fahe tutan Informasaun ba joven no komunidade sira tomak hodi bele komprende liu tan.“
Discussion about this post