Eleitores 35.603 husi Munisipio Manatutu prontu tuir Eleisaun prezidensial.

Director STAE Munisipio Manatutu Mariano Natalino Soares da Silva informaba journalista Radio Rakambia kona-ba STAE munisipio Manatutu nia  preparasaun ba Eleisaun prezidensial ba periodu 2022-2027 atinji ona 98%.Manatutu,Sexta -Feira(18/03/2022). Photo By: Virgilio Viana

Reportajen: Virgilio Viana

Preparasaun husi STAE munisipiu Manatutu ba Eleisaun prezidensial nian  atinje ona  pursentu sia nolu resin walu (98%), total eleitores hamutuk rihun tolu nolu resin lima atus neen tolu (35.603), sentru votasaun 70 no Estasaun de Votus 78 . Manatutu,Sexta -Feira(18/03/2022).

Director STAE Munisipio Manatutu Mariano Natalino Soares da Silva informa.” ESTAE Munisipiu Manatutu iha ona faze ba distribuisaun material Sensitivo no Non Sensitivo ba Sentru Votasaun  hamutuk 70 no Estasaun Votasaun hamutuk 78, iha prossesu distribuisaun loron ohin nian atinje ona iha 98% hela de’it sentru 2 husi postu Laklubar suku Fatumakerek no Aldeia sesahik, maka ekipa la’o hela ain husi Suku Funar ba Suku Fatumakerek la’o oras 5 maka foin to’o fatin refere, tam-ba difikulta husi estrada kareta labele halo movimentu  hodi to’o ba iha sentru votasaun. Husi parte Seguransa PNTL no ofisial eleitor sira maka sei halo seguransa ba material sira ne’ebe desloka ba, agora dadaun total eleitores ba Munisipio Manatutu nian hamutuk rihun tolu nolu resin lima atus neen tolu (35.603).”

Iha sorin seluk Administrador Postu Laleia Cosme Simenes reafirma katak.”Postu Laleia iha ona preparasaun ba Festa Demokrasia ne’ebe kompostu husi Sentru Votasaun 4 maka iha Kairui, Samalai, Hatulalan no Lifau. Ohin ba simu Urnas iha STAE Munisipio Manatutu no desloka kedas ba Sentru Votasaun ida-idak agora nudar sidadaun prepara a’an  ho laran luak para aban  ba tuir  Eleisaun Jeral, depois de Eleisaun ho kna’ar ami tenke aguenta to’o kontagem de votus  hotu maka foin lori urnas sira ne ba fali Distrital, Total votante husi Postu Laleia hamutuk rihun hat (4.000).”