Virgilo Guterres: Tempu Ona Hili Kandidatura Independenti.

Reportajen: Robelson Cardoso

Kandidatura independenti ba Prezidente RDTL 2022 too 2027 ho numeru surteio 12, hala’o ninia kampanha eleitoral ba dahsia,iha Ilimanu, Munisipiu Manatutu. (13/03/2022)

Katak Virgilio Guteres.”Tempu ona atu hili kandidatu independente, ne’ebe ba mesak, la tane liman ba ema tula liman, maibe’e tane as interese povu ninian. Iha ilmanu ita hatene katak, uluk ne’e industria marmer mak iha ne’e, Planu iha futuru karik atu dezenvolve marmer, planu ne’e tenki integradu,  tenki involve komunidade sira ne’ebe mak iha ne’e, komunidade sira iha ne’e tenki hetan benefisiu. la’os mai hasai tiha marmer,  no mina sulin ba ema seluk nia bolsu, komunidade ida ne’ebe hela iha fatin ne’e , moris kiak no mukit nafatin, ida ne’e mak realidade ne’ebe ita hare durante ne’e

Estadu mos tenki garante katak, komunidade sira ne’ebe hela iha tasi ibun,  vuneravel ba dezastre naturais, ne’e iha rezidensia naton atu adapta sira nia an, ho mudansa klimatika, tam-ba impaktu sosial saida deit ambiente ninian, komunidade sira mak sofre.
Virgilo Guterres hatutan.”Estadu tenki investe hadia insfrastrutura, Saude ninian Hospital referal tenki iha Munisipiu hotu-hotu, iha aldeia, suku, Postu atu nune’e bele fasilita povu asesu ba Saude.
Komunidade ilmanu balun mak peskador  ne’ebe hela iha tasi ibun, balun sai vuneravel ba mudansa klimatika, tamba udan la monu rai sira depende deit ba tasi, to tempu tasi ladiak sira la iha hahan ne’ebe sufisiente. Estadu tenki investe ba dezenvolvimentu agrikultura atu nune’e,  iha abastamentu ne’ebe sufisiente ba aihan ninian.”

Jacarias Do Santos Nu’udar komunidade, hato’o.” ninia rekomendasaun ba Kandidatura Prezidente numeru surteo 12 dehan, karik aban bairua ba tur iha Palasiu Aitarak Laran, keta haluha ami Povu kiik durante senti tristi no amiasa oioin, karik ami ba tuku odamatan loke netik ba ami, Karik povu mak fo fiar ba ita bo’ot.  la tur iha Prezidente, karik iha pozisaun simples nafatin, tau netik matan ba ami.”