JLAT: Timor Oan Hamutuk Mak Ukun An

Reportajen:Odete Bete

Kandidatu prezidenti ho numero sorteio 8 Jeneral Lere Anan Timur (JLAT) ho nia ekipa apoiuantes tomak halao kampanha iha Taibesi,  postu Nai Feto Munisipiu Dili.Tersa-Feira,(15/03/2022).

JLAT hateten.” Ohin lokraik ida ne’e ita sama rai lulik Taibesi  ne’ebe maka hahu husi jerasaun Armada ida ne’e mak ita nia militares Timor oan sira ofisiais no jenerais. Apartir husi ita nia saudozu Nikolau Lobatu hatudu an katak , Timor – Leste ami Timor oan nian,  laos ema Malae mutin sira nian.

No ita halibur malu iha ne’e laos kor ida deit mai-be,  iha kor oi-oin, mesak Timor oan deit. Timor oan hamutuk mak ita ukun rasik an, se ketak ketak karik Timor la ukun an. Ita ne’ebe hela iha ailaran liliu FALINTIL ne’ebe ke mate mohu, sira ne’ebe Frente Klandestina mos ohin loron rihun ba rihun la hamutuk ona ho ita mai-be,  ita hamutuk ohin loron balun sei moris ita bolu Mate restu. Ita nia maun boot sira iha tasi balun ne’eba mos hotu maibe la terus hanesan ita. Maibe Ita rai laran mak kompleta malu, FRENTE Armadas kompleta FRENTE Klandestina.

No la iha ema ida mak koinese jeneral Lere Anan Timur,  dalaruma balun hare “e hau tauk wanhira sei militar. Ema militar tenki siak la bele mamar mai-be, sai prezidenti  la siak ona.
Hau mamar no hadomi imi hotu. no hau sei siak ba koruptor sira, baruk teen sira, oportunista sira.

Ema rihun ba rihun mak mate, faluk ho oan kiak sira balun halerik,Timor-Leste hakiak ema naok teen, ita sei hakoi ema naok teen iha Timor. Timor ukun an no la kohi ema baruk teen iha Timor maibe tenki servisu atu lori ita nia nasaun ida ne’e ba oin.

Hau FRTILIN klamar ho isin, tam-ba FRETILIN nia ran mak halai liu iha hau nia isin. Hau haraik an ba FRETILIN laos naran deit maibe naran lulik ida FRETILIN hakerek ho ran, habokur ho isin e reprezenta ema rihun ba rihun mak mate ba FRETILIN.

Ohin loron maun Lu-olo tau bandeira FRETILIN iha nia sorin, mai-be hau mate ka moris ukun rasik an no hau tau dei Bonia mean ida nee. La buat ida hau senti hau nia an nu’udar ema kiak iha FRTILIN. Ita kiak ho kiak mak hamutuk sei hadomi malu.”

Iha parte seluk ko’ordenador postu adminstrativo Dom Aleixo, Bernadu Cristo Pereira husu ba povu sira, hakarak ka la kohi tenki lori kandidato Lere Anan Timur ba Prezidenti Republika no nia husu mos ba Kandiato katak sai prezidenti tenki tau prioridade liu ba Arte moris.

Ko’ordenador Dom Aleixa,Bernadu Cristo Pereira hateten.”Tinan hirak liu ba, hau hateten katak, hili ita nia partido e hili mos ita nia prezidensial no ohin hau ho imi hamri’ik iha ne’e ita hili Avo Lere Anan Timur. Lere laos diretamente ba estrutura mai-be Lere Anan Timur ho nia kompanheiru sira hotu husi ba baze mak sae ba leten, laos husi leten mak tu’un fali mai kraik.

No kamarada sira ita iha ne’e hakarak ka la kohi tenki lori ita nia kandidatu ba prezidenti Republika. Marka Diferensa ida ne’e atu komprende konvida lideransa nian mai-be hau ata iha ne’e komprende uitoan deit em nome reprezenta povu nia naran lia menon ba kandidatura  katak, prioridade ita boot nia hakarak ka la kohi rezolve arte marsiais. Lere nia diferensa iha ne’e buat barak mak ita halo ita hotu konkorda no valoriza mai-be inportante ida ne’ebe mak la sai digno ida deit mak problema arte marsiais durante tinan 20 ona.”