Reportajen:Odete Bete
Kandidatu Prezidenti ho numero sorteio 8 Jeneral Lere Anan Timur (JLAT) halao kampanha iha Munisipiu Manufahi hodi promete ba povu katak Lere sai prezidente sei lori Saudozu Dom Martinho Da costa nia ruin ne’ebe iha Portugal sei lori mai iha Timor Leste.
No iha biban ida ne’e, sekretario politika FRETILIN husi Fatuberlihu, kamarada Moises Acasio da Costa Pintu”Laba Laba”Konvida povu no Arte marsiais no Rituais Manufahi tomak katak dia 19 de Marsu vota ba Jeneral Lere Anan Timur ba Prezidente Da Republika 2022-2027 lia hirak ne’e hato’o iha Manufahe, Same. Sabdu. (12-03-2022)
Kandidatura prezidente Jeneral Lere Anan Timur (JLAT) iha nia diskursu hateten.“Rai same rai manu aman, rai asu-wain Timor Leste. Dom Boaventura ne’ebe funu hasoru kolonializmu Portugues, FALINTIL ami mai hatutan deit.
Kamarada sira hotu, hau haleu fatin hotu no mai iha ne’e hau la fahe osan ba imi. Hau la mai promete osan ba inan aman sira iha Manufahi , mai-be hau mai husu inan, aman nia domin atu fo mai hau, no loron ida hau sei fo hau nia domin ba imi.
Hau nia domin ba ema kiak sira, ai leba sira no ba ain tanan sira. Iha ne’e organizasoen oi-oin no sira mak sai hau nia forsa politika hodi lori hau sai prezidenti da Republika ba periudu 2022-2027.
JLAT nia liman monu iha Ainaro, Kablaki Hato-udu tam-ba FRETELIN
“Hau hatudu hau nia an ba inan aman sira katak, hau FRETILIN klamar ho isin ,hau nia liman fuan ida monu iha Ainaru,kablake Hato-Udu tam-ba FRETILIN. Imi nia maun Prezidente Lu Olo laos komite sentral, Taur mos laos Comite Central, hela hau ho Avo Nana mak Comite Central.
Tam-ba ne’e mak hau nunka nega FRETILIN. FRETILIN laos ema ida ka rua nian maibe FRETILIN povu Maubere nian. Hau deit mak sei moris, sira nain walu mate hotu ona no numeru 8 mak Reprezenta sira nain 8 mak tula liman mai hau.
Hau promete sai prezidenti hau sei tau matan liliu ba Rezistensia sira ne’ebe mak fakar ran iha rai ida ne’e sira nia ruin no hau sei lori Saudozu Dom Martino Da Costa Lopes ninia Ruin ne’ebe iha Portugal Sei lori mai iha Timor Leste.
Iha fatin hanesan sekretario FRETILIN fatuberliu Moises Acasio da Costa Pintu.”Laba Laba” husu ba Manufahe oan sira fo victoria ba JLAT sai eleitu ba presidenti da Republika Timor – Leste ba periode 2022 to’o 2027.
Katak, Sekretariu FRETELIN “Laba Laba”.“Dalaruma hau nia kamarada sira hakfodak, ohin Kamarada Acasio hamri’ik iha ne’e nu’udar komisaun politika FRETILIN hodi ba oin, ita nia aman Jeneral Lere Anan Timur. Ita nia aman laos previleziu mai ita, mai-be ita nia aman terus nain hotu hanesan, povu, inan, aman sira hamriik iha ne’e. Ita nia aman mai la lori buat ida atu fo ba ita mai-be lori dame no paz ba Timor- Leste Kamarada sira. Arte Marsiais , Arte Rituais sira iha Manufahi tomak ita hatudu unidade hodi vota ba numeru 8 ba ita nia aman Jeneral Lere Anan Timur, ne’e duni hau konvida maluk sira Munisipiu Manu Fahi oan ita hein loron 19 de Marsu hodi vota ba ita nia aman Jeneral Lere Anan Timur.
Discussion about this post