Kampanha dialogu iha Suku Dato postu Administrativu Liquisa Munisipio Liquisa (13/03/2022). Photo By; Virgilio Viana.
Reportagem; Virgilio Viana.
Iha planu Estrateziku Dezenvolvimentu Nasional hateten ona katak iha tinan 2030 nasaun Timor-Leste ema hotu-hotu iha moris di’ak maibe to’o ona 2022 ema ki’ak se’i barak no Dezempregu mos se’i a’as nafatin.Kampanha dialogu iha Suku Dato postu Administrativu Liquisa Munisipio Liquisa, Sabado. (13-03-2022).
Dr.Costancio Pinto afirma.” Independensia nia Sentidu maka povu nia moris iha liberdade no prosperidade nia laran maibe to’o agora tinan 20 ona, ita sei’dauk atinje mehi ida ne’e. To’o ohin loron ita se’i hare’e Timor laran tomak povu barak maka se’i moris iha ki’ak no mukit nia laran, povu balun sira nia uma la iha kondisaun ho dignu, laiha asesu ba be’e, eletrisidade, saude no edukasaun ne’ebe di’ak ba sira nia oan, ita nia agrikultor sira nia kondisaun hanesan iha tinan atus ba kotuk la iha dezenvolve maske iha ita nia nasaun ne’ebe rekursus barak tebes, 78% populasaun moris iha agrikultura tan-ba kapasidade ba sira atu dezenvolve liu tan sira nia agrikultura laiha, agrikultor ne Baze ekonomia nasaun ida ne’e nian, maibe to’o agora se’idauk dezenvolve ho di’ak.
kandidatu Prezidente Costancio Pinto.”Ho nia komitmentu ne’ebe bo’ot tebes atu oinsa bele kontribui ba iha dezenvolvimentu iha ita nia nasaun ida ne’e, la iha razaun atu rai seluk ka Mundo temi nafatin Timor-Leste ne’e rai Ki’ak Ida.
Iha konstituisaun klaru define ona kna’ar Prezidente Republika la iha poder ezukutivu ne’e iha Primeiro Ministro no Governu nia liman, maibe PR iha poder politiku ida ne’ebe maka nia hetan direitamente husi sidadaun Sira liu husi votus sira ne’e, hanesan PR bele uja poder ne’e hodi influensia desizaun politiku ezekutivu nian atu nune’e prepara planu no programa hodi responde ba nesesidade povu nia lor-loron. Iha planu estrateziku Dezenvolvimentu Nasional hateten ona katak iha tinan 2030 Timor-Leste tenke sai nasaun ne’ebe prosperu ema hotu-hotu moris di’ak, maibe to’o agora tinan 2022 ona ema ki’ak se’i barak no Dezempregu se’i a’as entaun ita se’idauk bele atinje objetivu ne’ebe defini ona iha planu estrateziku nasional nian.”
Alende Secretariu jeral Foiinsa’e Milineal Progessiva Fransisco Mascarinhas, hateten.” Foiinsa’e Milenial Progresivu hamri’ik iha tempu ita nia kandidatu nian, maka loke ita nia pensamentu hodi hamri’ik oin-sa maka organiza forsa Milenial atu apoiu Dr. Costancio Pinto ba Prezidente Republika, hare’e ba meritu politiku iha kapasidade internu no Externu nune’e foiinsa’e sira tenke hare’e kuda espiritu konstrutivu no rasosino wainhira atu fo ita nia konfiansa ka votus ba kandidatu, ida tenke deside atu nune’e, bele fo valor prinsipal husi ita no ba jerasun foun sira tuir mai, oinsa maka joven ka foiinsa’e sira hili ita nia lider ne’ebe iha kapasidade. Ita nia nasaun presiza ita, hotu tenke hanoin didiak, labele hanesan joven sira seluk ne’ebee maka mai para basa liman de’it ou hetan nasi kotak ka mina gratis depois fila ba uma lahatene ko’alia saida mos la komprende.”
Iha fatin hanesan juventude Elias Oliveira dos Santos,hateten.” liafuan sira ne’ebe Dr. Costancio Pinto hato’o importante tebes katak iha hanoin bo’ot atu lori joven sira iha Timor laran tomak ba eskola iha rai liur, atu nune’e nudar joven tenke sai rekursu ba edukasaun hodi aban bain rua bele mai investe fali iha ita nia nasaun. Problema ne’ebe, Juventude sira sempre hasoru iha edukasaun no Rekursus, se wainhra ita joven aprende barak halai liu ba area edukasaun nune’e ita rasik bele, investe ba nasaun ne’e hodi rasta nasaun vizinho sira mai iha ita nia rain.
Apela ba Dr. Costancio Pinto karik sai Prezidente keta haluha saida maka nia hato’o ona iha kampanha eleitoral hodi hatudu asaun ba ita joventude sira, se Liu husi teaoria mesak se’i la lori ita ba oin presiza mos asaun ho pratika hodi bele avansa lori nasaun ne’e ba oin.”
Discussion about this post