Virgilio Guterres : Povu Moris Iha Mukit nia laran, Governu Sira Tur Iha Lalehan Leten

Reportajen: Robelson Cardoso

Kandidatura Prezidente numeru sorteo  12, hala’o kampaña díalogu, ho komunidade Aitarak Laran, promete Lia Mate Lia Moris nia sei mai sekarik eleitu sai presidenti RDTL 2022 – 2027. No nia hateten razaun  mai iha ne’e, tam-ba Bairo ida ne’e, identik ho Palasiu Prezidente Aitarak Laran. Suku Kampung Alor,Dili, Timor – Leste (08-03-2022)

Virgilio Guterres hato’o ba komunidade Aitarak Laran katak.”Se karik imi hili hau ba tur iha Palasiu Aitarak Laran, lia-mate lia-moris konvida hau sei mai. Karik ba tur iha Palasiu Aitarak Laran, sei la husik imi ne’ebe hela iha fatin ne’e, iha situasaun hanesan ne’e, Labele husik povu moris iha mukit nia laran, governu sira tur iha lalehan leten.”

Virgilo Guterres haktuir.”Ba Joven sira labele dukur, mai ita hamrik. Kleur ona povu ne’e, sai vitima ba dezenvolvimentu no ukun rasik-an ida-ne’e prezidente lahalo buat barak no la  desidi, maibé tenki komunika ho Governu, nia dehan, wainhira eleitu ba Prezidente, se orsamentu planu Governu nian ba hadia abilitasaun ba populasaun iha Dili la iha, nia sei la aprova no promulga Povu ne’ebe moris iha kapital nia laran, iha dignidade atu moris hanesan sidadaun ne’ebe mak dignu iha kapital ida ne’e.”

Virgilio Guterres hatutan.” Wain-hira sai Prezidente lakohi haré kapital Dili nakonu ho labarik ki’ik fan manu tolun ko’alia ho Governu komunika ho ajensia Internasional sira Misaun Relijiozu sira konventu sira ne’ebe iha Dili, atu fo asistensia hodi tuir labarik sira ne’e labarik sira ne’e inan aman iha ka laiha, moris iha kondisaun ekonomia naton ka la’e, Kuandu koalia kona-ba Direitus  Umanu, nia hun maka respeita ita-nia oan sira, Labarik sei ki’ik sira-nia idade atu halimar no eskola. Ita tenki respeitu, la’os atu asumi responsablidade atu buka moris hodi hetan rendimentu ba ninia familia. Estadu ida-ne’e, tenki garante ba kada familia sira-nia kondisaun ekonomia, atu nune’e família sira bele iha kapasidade atu kontribui ba dezenvolvimentu nia oan sira nian.  Joventude barak iha eskola barak lahatene le’e no hakerek, besik  17%  to’o  20%

Joventude no komunidade ne’ebe difisiensia liu 50%, lahatene lee no hakerek estadu tenki garante kondisaun ida ne’ebe saudavel ba nia sidadaun sira atu bele buka moris.

Ita la ezizi Governu loron kalan atu mai hafoti ita ba nia sidadaun, maibe’e garante liberdade no asesu, familia sira atu bele buka moris.”

Komunidade Aitarak Laran, Julio kolo.”Hato’o nia mensanjen simples ida, ba Kandidatura Prezidente Numeru surteiu 12  katak, wainhira eleitu ba Prezidente Da Republika,han etu bikan ida keta haluha ami sira ne’ebe mak hamlaha ne’e.”