Virgilio Guterres : Fahe Buletin de Votus ba komunidade  Kraras. 

Reportajen: Robelson Cardoso

Kraras Fatin Ida Ne’ebe Historiku, Labele haketak husi historia luta povu Timor  nian,atu hetan independensia.

Kandidatura Numeru Surteo 12, ba fahe formatu Buletin de  votus, hanesan edukasaun vontantes ba iha komunidade Kraras, Munisipiu Viqueque, no mos ba vizita simiteriu  Herois, iha fatin refere. Fatin ida ne’ebe iha ninia reprezenta historia,  iha fatin ne’e mak inan feto faluk sira iha ne’e. Iha kraras, Viqueque, Timor – Leste. Domingo (06-03-2022).

Virgilio Guterres hateten.”Fatin ida ne’e, estadu labele  haluha tam-ba, Kontribuisaun
independensia ida ne’e, povu hotu hotu iha area rurais inklui kraras no fatin seluk, fatin sira ne’e importante. Estadu tenki garante katak iha fatin sira ne’ebe, uluk populasaun senti terus no susar, tenki hetan asesu ba estrada Saude no Edukasaun. Kraras ne’e la’os deit sai fatin Turizmu, maibe’e fatin atu halo refleksaun ba se deit, ukun nain sira ne’ebe kaer ukun, fatin ida ne’e sai referensia  ba inan feton nia rezeliensia infrenta situasaun difisil  iha fatin ida ne’e, Sira tenki hetan atensaun husi estadu.”

Komunidade Kraras Tomas De Araujo Pinto Kontenti tebes tam-ba Kandidatura Prezidente bele to’o iha fatin ida ne’e.

Katak Tomas de Araujo.” Nia mai la’os lao privadu maibe’e nia lao tam-ba ita nia nasaun, ita nia moris.
Tomas hatutan.” karik aban banirua Kandidatura numeru surteio 12 eleitu ba Prezidente, obrigado teb-tebes, tam-ba atu hadia ita nia moris no nasaun. Mai hanesan ne’e, para ita hamutuk sai ema ida atu hadia ita nia nasaun.
Kandidatura Prezidente to’o derepenti mai iha fatin ne’e,  hanesan buat ida karik, hanoin teb-tebes kraras, tamba ruin ho ran. Ita la prepara buat  ida hodi simu Kandidatura Prezidente, maibe’e hasoru malu ho nia hanesan sinal ida, hodi hadia nasaun no rai doben ida ne’e.“