Dr. Constansio Pinto: Triste Hare’e Estrada Rurais Ne’ebe Liga Ba Agrikultor Sira

Kandidatura Dr. Constancio Pinto halao dialogu iha Aldeia Duaderok, Suku Leo Lima, postu Administrativu Balibo, munisipio Bobonaro.Quinta-Feira (10/03/2022).photo By:Virgilio Viana

Reportagem: Virgilio Viana

Kandidatura Dr. Constancio Pinto halao dialogu iha Aldeia Duaderok, Suku Leo Lima, postu Administrativu Balibo, munisipio Bobonaro.Quinta-Feira (10/03/2022).

Iha oportunidade ne’e komunidade Paulo do Santos hato’o nia  preokupasaun  tomak ne’ebe iha, ba kandidatura presidenti RDTL 2022- 2027.

“Iha tempu udan estrada ho kondisaun ne’ebe grave fo impaktu negativu ba Ami komunidade sira,  hodi hala’o Viagem lori ami nia produtu lokal ba iha merkadu. No hakarak hato’o ba kandidatu Dr. Costancio Pinto karik povu fo konfiansa sai prezidente,  tau matan hela ba povu liu-liu kondisaun estrada, husu se  bele rekomenda hela ba governu hodi halo  dezenvolvimentu ba iha area rural sira .katak Paulo dos Santos
 
Costancio Pinto iha nia mandatu sei  tau responsavel ba estrada rurais hodi agrikultur sira bele  lori produto lokal  ba iha merkadu.

Dr. Constancio Pinto hateten.”Hakat mai iha area remotas sira, hodi hare’e duni kondisaun real iha kada Aldeia ninian, ida ne’e maka dezafius populasaun sira infrenta. Ne’e hatudu husi parte Estado no Governu la iha interese atu dezenvolve suku no aldeia sira. Se iha interse atu bele dezenvolve Nasaun ida ne’e. Ita nia programa ida, ba planu dezenvolvimentu suku ida ne’e tuir lolos hare kondisaun sira ne’e no tenke tau seriu ba ida ne’e. Iha mandatu sei vizita suku no aldeia sira hodi bele hare’e kondisaun realidade iha area rurais sira iha efeitu negativu ekonomiku ba ita nia populasaun iha Aldeia ida ne’e no iha Aldeia seluk ne’ebe hanesan.
Suku Leo Lima hakarak teb-tebes ba iha area agrikultor nian,  tam-ba ne’e tenki tau importansia ba  area ida ne’e, hodi bele reduz ona importasaun ai-han ne’ebe mai husi rai liur, ko’alia kona-ba hadia kondisaun importante tebes,  ne’ebe mak labele ignora maka estrda rurais liga ba aldeia no suku ida ne’e,  ho estrada prinsipais ita nia agrikultor sira,  bele iha asesu ba merkadu no mos bele movimenta avontade ho sira nia produtu lokal sira ba iha merkadu ne’ebe de’it, no komprador sira bele mai iha fatin ida ne’e hodi halo sira nia komersiu rasik, sei tau prioridade ba agrikultor sira, servisu hamutuk ho governu hodi hadi’a kondisaun ba agrikultor sira no mos sei apoiu fini balun ba sira hodi bele kuda.”