Reportajen: Martinho Soares Amaral
kandidatu presidenti (RDTL) ho nomoru sorteiu 15, Dr. Felisbertu Duarte Arauju, fahe brosura no esplika ba komunidade sira, kona-ba’programa ne’ebe’ nia sei halo, se karik povu fo konfiansa hodi eleitu ba presidenti.
Iha atividades fahe brosura ne’e, koalia kona-ba’ programa prioridade reforma ekonomia, no loke kreditu ba estudante sira.
Katak kandidatura, Felisberto.” Ba sidadaun Timor oan hotu iha direitu hanesan atu hetan kreditu. Ba estudante ne’ebe’ remata ona ensinu sekundaria (SMA), karik iha mehi kontinua eskolah no mos sei fo kreditu hodi selu kos no mos transporte.
no mos estabelese presu minimu ba produtu nasional nebe iha potensia ba ita nia rai laran, hanesan hasa’e folin kafe’ no maek ne’ebe’ agora dadauk fa’an baratu iha merkadu liu-liu merkadu livre sira.”
Kandidatura Felisberto haktuir.” Ita hotu hatene katak Ermera potensial ba kafe’ se hau’ maka eleitu ba presidenti da republika sei kolia ho governu para halo lei ida hodi estabelese presu minimu ba kafe’ iha Ermera.
Tam-ba tinan-tinan ema fa’an kafe’ ema kuda kafe’maibe’ sira nafatin kiak tam-ba problema ne’ebe’ Timor hasoru maka la’ iha presu minimu ba kafe. Presu minimu ne’e iha rai barak maka estabelese,tam-ba ne’e governu tenke hare presu minimu bele estabelese dolar lima ($5) ou dolar nen($6) atu nune bele ajuda sira ne’ebe’ kuda kafe’sela’e tinan-tinan- povu sira ne’ebe’ kuda kafe sira maka kiak hanesan ne’e deit.
Tam-ba’ agora ema hola kilo ida la to’o dolar rua ($2) mai-be iha estranjeiru ema fa’an kafe musan ha’at mak dolar lima ($5) kopu ida, nune’e ema nebe kuda fa’an kiak ba bebeik maibe sira ne’e sosa ba produs fa’an tutan fali riku ba bebe’ik.
tanba ne’e karik hau konkore ba presidenti da republiku halo programa ida ne’ebe’ bele,ajuda governu nian, Tam-ba presidenti la halo servisu governu ni’an maibe’ tenke kolia’ho governu para, bele ajuda fali populasaun,tanba ne’e foti desijaun politika tenke maior benefisiu ba povu.
Kandidatura. Felisberto hatutan.” La iha empresariu rua-tolu bele ba bebeik,tinan tinan sira hola kafe’sira maka riku ba bebeik ma’ibe’ populasaun sira ne’ebe’ fa’an kafe’ ne’e ki’ak ba bebeik.
karik ha’u maka eleitu duni ba presidenti hau’ sei ejiji ba ejekutivu hodi konfuni lei ida bajeia ba tabela pressu kafe ninian, hanesan ita hare ema barak maka konfuni sala dehan presidenti da republika ne’e la iha poder ida,maibe’interpretasaun hanesan ne’e la los ida, kuandu ema interpreta konsituisaun ne’e primeiru hare konstituisaun ne’e dehan sa ida,tenke hare mos desijaun ne’ebe’ mai husi supremiu tribunal justisa ou tribunal rekursu, tam-ba supremiu tribunal justisa ne’e sedauk hari’I no agora sei hamutuk hela ho tribunal rekursu.”
Iha biban ne’e komunidade ho naran Esperansa da Conseção, dehan.” Hau sente programa ne’ebe’kadandidatu ida ne’e nia kapas tebes hodi bele tulun familia ne’ebe’ la iha kbi’it hodi suporta oan sira ba eskola, tam-ba iha ami nia moris aguenta husi kafe, maibe agora kafe mos ho presu ne’ebe’ baratu tebes oinsa ami bele hare’ba familia uma laran no mos suporta ami nia oan sira ba eskola, tuir hau nia hanoin programa ida ne’e kapas tebe’s atu nune hau mos bele krediti hodi selu hau nia oan sira nia eskola.”
Discussion about this post